Jeremaia 29:10 - Nobonob Baibel10 Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag. Gade chapit la |
Israel dilag huu okkai Juda oolagppanu oɗo yaak danab ah daaglag amu, ag wan amu ahilag daakkunu aoglag. Ao, ag sipsip ahilkad diiadna, Pilistia wanppa goppeg, sipsip ahilkad appa gikkiɗah lanan daaglag. Pilistia iitta meppeg, laa appa nug laugppa ii daama, ag laulkad amu oh hamu daaglag amunu, tueb meeb amu, sipsip gumak danab ag Pilistia dilag aab okkai laa Askelon, appan danab laulkadppa niiglag. Aɗinu sipsip gumak danab ag anam hekkulag? Yawe, ahilag Kayak, Nug ag atognoatta, aɗi keeke bau daaglagnu daatte amu, Nug ag madakku.
Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.
Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.
Aɗinu? Nug pas laa me, ig Babilon ippa daattem, ihinigppa neum, amu pas amuppa nug yom. ‘Ag paha eɗun ii uɗimna. Iitta. Ag haen elab appa daaglag amunu, ag lag hena, ag appa daaglagnu dabmak aon oinna, ag dad eppona, aɗi ee amuppa aona, amu ag aon laig!’ yom ⌊amunu, aɗinu na bu ii mettame?” ’ Semaia, na pas amuppa Sepanaia dookkunu anam yaame amunu, na bu aokkut.⌋” Yawe Nug Jeremaia amegppa Semaianu anam aum.
da genabnab genab Nehelam baekkudppan laa, Semaia, amu nug buɗub ele bu madakkul. Nug ag dahil nai tabappeg nekkunu nai mattiom amunu, da heppi, nug, amu nug buɗub oolagppan laa nug dayaya, kobol ena da dahilad danab ah dilagppa hekkul anidkkunu ii daama. Iitta! Ag oh tatam iitta mekkulag.” ’ ” Yawe Nug Semaianu anam awa atte.
Yawenu engel nug nai amu doya, nug Yawenu inam unuqittom. “O Yawe Nakka Ɠagattag Oh Ele, na anukka Jerusalem danab ah dilagnu, Juda danab ah laa ele dilagnu oot nauhe uɗie uɗie, gemu ele anam doottem. Oo nauhak nahip aakku maɗ 70 iikku dayaya, ii iitta meum; amu haen gane laa ele ukkeb, na heppe, nahip oo nauhak iitta meeb, na Jerusalem danab ah, Juda danab ah laa oh dilag ele oot gai-iitta doon oot mattan ehanadkut?” awa oɗ mettom.
Jerusalem danab ah ag anam atteb amunu, na laa ag diia ukka laih me dayak danab ah daatteb, na ag amelagppa inam appe doyeg! Naɗi Yawe Nug inam atte. ‘Da heppi, ag wan laalappanu eɗun, ahilag wanppa uɗiglag. Ao, da heppi, ag wan laalappa da hei, ag appa matatun gona daatteb amu, da heppi, ag eɗun uɗin, ahilag wanppa daaglag. Da heppi, Israel wan anukka ahilagnu dayom amu, ag wan amuppa eɗun daaglag,’ awa atte.