Jeremaia 28:11 - Nobonob Baibel

¹¹ Nug anam ha, nug danab ah daappig oh amelagppa aum. “Yawe Nug inam atte. ‘Danab nug doɗnu duugppan tuqai amu he qiiom, amubia da heppi, maɗ aɗit ii neebeb, wan oh Babilon dilag king Nebukatnesar waappa daan nug oɗe dim lamidtteb ele, ag anam ii daamna. Da danab nug doɗnu duugppan tuqai makau duugppanu loppaɗe, makau hamu oitte, amubia da heppi, ag Nebukatnesar waappa ii daamna,’ awa atte.” Hanania nug anam aum. Nug anam a, propet Jeremaia nug aha ukkom.

Jeremaia 28:11 Referans Kwoze

Jeremaia 14:14

Da ai, Yawe Nug nob ma, da amelppa aum. “Propet amu da onil diin, ag dimppa aɗi bekkunu nai hambuppuak maditteb. Da ii maatti uɗippig. Da ag amelagppa nai laa ii mattimi. Da danab amu propet daaglagnu ii tituanadmi. Propet amu ag tuleglegppa keeke anidna, aeg dootteb, amge keeke ag tuleglegppa anidtteb ele am genab iitta. Ag eman kobol meu iittappa keeke doon, aeg dootteb, amge ag aɗi keeke ib amuppa dootteb am keeke genab iitta. Ag akka, ahilag dabmakppa keeke hambuppuak dabmetteb, amge keeke ag dabmetteb ele am genab iitta,” awa aum.

Prowerb 14:7

Danab nug dabmak tutukku iittappa oitte ele, na nug oɗeppan doyak ena laa ii anidmanade; na nuhignu awaidna oiye!

Jeremaia 29:9

Aɗinu? Propet amu, eman danab amu ele ag dimppa aɗi bekkunu nai hambuppuak da onilppa ag amelagppa maditteb. Da ag ii maatti goppig.” Yawe Nug anam awa atte.

Jeremaia 23:17

Propet amu ag laa dahilnu ena iinab dootteb ele amelagppa, “Yawe Nug atte, ‘Ag maɗoɗ ele daaglag,’ aon atteb. Ag amu dilagnu anam anana, ag laa ag oɗe dim lamidmananu dabmak ahilag ɠagattag eppe, aɗi hekkulag dabmakppa daatte amu, ag amuib dim lamidtteb, ag amelagppa, ‘Uug laa ahilagppa ii bema,’ ” aon atteb.

2 Stori 18:10

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

Esekiel 13:7

Da Yawe, da ag propet hambuppuak, da ag amelagppa aɗitai laa ii ami, amge ag, “Yawe Nug atte,” atteb amu, amuam tulegleg hambuppuak iittate? Am emannu hambuppuak nai iittate?’ ” awa atte.

Jeremaia 28:15

Amu propet Jeremaia nug Yawenu nai Hanania amegppa anam ana, nug tuɗitta, propet hambuppuak Hanania amegppa imu ele aum. “Hanania, na nai doye! Yawe Nug na ii meitte uɗime, amge na hee, Juda danab ah ag nai hambuppuak na mattime ele, ag nai amunu oolagppa genab doon oitteb.