Jeremaia 26:7 - Nobonob Baibel

⁷ Yawe Nug Jeremaia amegppa anam a, Jeremaia nug aha, anam a, mana mettak danab, propet danab, amu danab ah oh ag Jeremaia nug nai amu Yawe laugppan Israel danab dilag haɗap-ppa dayaya mattie dooppig.

Jeremaia 26:7 Referans Kwoze

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

Matyu 21:15

Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Sepanaia 3:4

Propet danab Jerusalem daatteb ele ag am beɗuppa tak danab daatteb. Ao, ag hambuppuak kobolppa keeke ag oolag hette ele, ag amu aotteb. Mana mettak danab Jerusalemnu ag kobol eheɗ heegeg, Kayaknu mettid lag, nuhig neekkakppa am dubuttid teum daatte. Ge, ag hambuppunna, Kayaknu ɗo inam inam ippunigtte atteb, amge Kayaknu ɗo anam ii ippunigtte.