Jeremaia 26:2 - Nobonob Baibel

² Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.

Jeremaia 26:2 Referans Kwoze

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Jeremaia 19:14

Aria Yawe Nug Jeremaia amegppa anam a, Jeremaia nug amu oh ha mala, nug aben onig Topet, Yawe Nug appa ukka, dimppa aɗi bekkunu nai madikkunu me ukkom amu, nug aben amuppanu aha, eɗua Yawenu mettid lagnu haɗap-ppa dayaya, nug danab ah oh amelagppa aum.

Jeremaia 1:17

Amunu, Jeremaia, na meut oh dahil uɗat hekkutnu babaitte! Da na aɗi ag amelagppa appenab dooglagnu ippunadppi, na amu aakku a! Na ahilagnu aib eheɗ nau baɗame. Na amu dilag eheɗ nau baɗakkut dayeb amu, da heppi, na ag noolagppa daanna, na eheɗ nau baɗakkut.

Aposel 20:20

Amu da nai oh ig ehanadkkunu mehuqkkulnu dayom amu da madikkulnu ii bodoettami. Iitta. Da qagmak abenalkadppa, ag laulkadppa ele da amu ippunadmi. Amu ag amu ele dootteb.

Aposel 5:42

Anam amu, deɗ oh ag Kayaknu mettid lakka, amu danab ah laulagppa ele oina, Jesus Nug am Kristus, amu mehuqnana ippunadppig. Ag Nai Ena mehuqkkulagnu ii uuppig.

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Esekiel 3:10

Amu Yawe Nug tuɗitta, inam ele da amelppa aum. “Danab bekka, keeke oh da na amenppa attem amu, na nai amu ohnab na dautppa daakkunu, na dahil nai doon autna aon, dabmette! Na dahil nainu, ‘Am keeke nakok hamu bia,’ aib doome.

Jeremaia 23:28

Propet aun laa nug tul niia, nug tul niiak amuam dahilppanu uɗiom ii dookku dayeb amu, nug, ‘Tul niiak imuam dahil tul niiak,’ aakkuib akkuoitte, amge propet aun laa nug dahil nai doyom dayeb amu, nug tutukku, genabnab mehuqaɗ! Wit gumu am keeke hamu, wit aeg am keeke enanag, amubia.

Jeremaia 7:2

“Da am Yawe. Na Juda danab ah ag nai imu dooglagnu, na da laul odppa daanna, mehuqppe doyeg! Na mehuqnana, na inam a! ‘Ag Juda danab ah oh, ag lag imunu aɗ odppa Nug noobppa dup nona binag mekkulagnu uɗitteb ele, ag Yawenu nai imu doyeg!’ aon akkut.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Revelesen 22:19

Am laa nug propet nainu buk imuppanu nai laala heeb, iitta mekku amu Kayak Nug ele heeb, danab amu nug bauklel ad meu ii lama; nug Kayaknu aab okkaippa ele ii daama. Bauklel ad, Kayaknu aab okkai ele amu, keeke aɗit amu aa attem daattep amu buk imuppa yaak daatte.

Aposel 5:25

Amu ag anam mattiegeg, danab laa uɗia amelagppa aum. “Doyeg! Danab ag maniguittakppa inadppig ele amu, ag Kayaknu mettid lag ooppa danab ah ippunittak nai madatteb,” awa aum.

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Luk 19:47

Nug anam hewowa amu Nug deɗ oh Kayaknu mettid lag ooppa noa, danab ah Kayak nai ippuanattom. Nug anam heehe amu, mana mettak danab okkai amu ɗo mehuqak danab am danab ah gumattak ikki ele ag ahan, Nug qeppeg mauhkkunu ib madippig.

Jeremaia 42:4

Ag Jeremaia anam oɗ mettaeg, propet Jeremaia nug nob ma aum. “Am ena. Da ahilag nai aakku doomi. Da genab Yawe, ahilag Kayak, ag da oɗ meɗappig bia da Nug unuqidppi, Nug aɗi ab dookkul amu, da nai amu oh appi dooglag. Da nuhig nai ooppanu keeke nakok laa ii lokkumpa,” awa aum.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Jeremaia 7:27

Yawe Nug anam ana, Nug tuɗitta, da amelppa aum. “Jeremaia, na Juda danab ah amelagppa anam abeppe, ag nahip nai ii doomna. Na ag onilagppa ebeppe, ag nai noob laa ii mettamna.

Esekiel 33:7

Yawe Nug anam ana, Nug nai tuɗitta aum. “Danab bekka, da na Israel dilag aɗi uɗitte anittak danab daakkutnu tituanidmi amunu, da na amenppa ag nau aomnanu nai appi, na dahil nai amu ag matte!

Esekiel 40:4

Da danab anam dayeye anitti, nug da amelppa aum. “Danab bekka, da na aɗi ippunidkkul amu, na amenppa pehettan neegna, dautppa ele pehettan doon, keeke amu oh pehettak dabmette! Aɗinu? Na anam hekkutnu Kayak Nug he, na ippa uɗime. Amu na aɗi keeke digdig anidkkut amu, na amu oh Israel danab ah amelagppa appe doyeg!” awa aum.

Josua 8:35

Keeke haknunab, Moses nug mattom ele amu, nug amu oh danab, ah, nid naunau, amu wan laihnu danab ah, ag uɗin Israel oolagppa daappig amu, nug ag oh dooglagnu ebqeum. Nug maha nakok laa ii tippalom.

Jeremaia 1:7

Da anam ami, amge Yawe Nug da amelppa aum. “Na, ‘Da am nid nakokib,’ aib ame. Da na adeppa gokkutnu appi amu, na appa gokkutoitte. Da na amenppa aɗi nai madikkutnunab ippunidppi, na amu madikkutoitte. Aib na ii heme!

Jeremaia 25:2

Nug Yawe oɗeppanu nai laa amu awom amunu, propet Jeremaia nug danab ah Jerusalem daappig, amu Juda danab ah laa oh ele amelagppa aum.

Jeremaia 28:5

Aria, propet hambuppuak Hanania nug anam a amu, propet Jeremaia nug mana mettak danab oh, amu danab ah oh ele Yawe laug ooppa daappig, nug ag noolagppa, Hananianu nai nob ma aum.