Jeremaia 25:34 - Nobonob Baibel

³⁴ Ag gumak danab, ag danab sipsip gumadtte bia ag gumak danab daanna, danab ah gumadtteb, ag eheɗ gaanna, mahieg! Ao, ag gumak danab, ag danab sipsip gumadtte bia daan, ag danab ah gumadtteb amu, ag gappudppa niin, beɗulag itoɗinna dayeg! Aɗinu? Danab ag doɗ kuɗum aqaeg mauhtteb bia, kekeɗ ag banppa ag aqappeg mauhkkulagnu haen aakku beum daatte. Ao, ag aakku hinai enanag na qa aoɗtte, ag amubia daaglag.

Jeremaia 25:34 Referans Kwoze

Jeremaia 6:26

O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Daniel 11:8

Nug anam ha, nug ahilkad kayak dottolkad gol, silwa eleppa hak amu, nug amu akka, nug ahilkad en, gol, silwappa hak ele akka, keeke amu oh diia, Isip gokku. Nug anam ha mala, maɗ nakok kuɗum nug wan yawalti uɗitteppanu daatte, nug amu dilag king baneb ele ii goma.

Esekiel 34:20

Anam amunu, Naɗi Yawe Nug laa eheɗ hetteb ele amelagppa inam atte. “Antteg! Da dakka, da sipsip atten nug titiɗak, sipsip atten am ebehitak ele daatteb epeɗiadkkul.

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Jeremaia 48:26

Moap danab ah ag Yawe waappa dayaknu uun, ag Nug oɗe tappaeg neum amunu, kekeɗ ag heppeg, Moap ag uɗa nak doyeg! Ag danab nug le ɠagattag huana la, kaaka qe, bahaha, na qa, bahakppa niia, buɗibɗib oiya, dimppa kaaka qak iitta me, uɗa nak nau dootte, Moap ag amubia doyeg!

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Jeremaia 25:36

Doyeg! Sipsip gumak danab ag sipsip dilag gikkiɗah dad, laa heeg nauhtte anidna, huana gaatteb, amubia gumak danab ag gaaglag. Ao, doyeg! Sipsip gumak danab ag sipsip dilag gikkiɗah dad, laa heeg nauhtte anidna, mahiak huana hetteb, amubia gumak danab ag mahiglag. Aɗinu ag anam hekkulag? Yawe Nug heeb, ahilag wan aakku nauhkku.

Jeremaia 25:23

Da ag matte malen, da Dedan, Tema, Bus ele, ag miag iitta amu, da appan danab ah mattami.

Jeremaia 25:12

Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Jeremaia 22:28

⌊Yawe Nug anam awa atte, amu laa atteb.⌋ “O gadon, Jehoiakin nug am waa laa aoɗak daatte, danab laa nug waa amunu ena iinab dootte, nug amubia daattete? Ao, Jehoiakin nug laa waanu, ‘Waa amuam enanag, da aokkulnu ool okkai daatte,’ iinab atte amu, Jehoiakin nug amubia daattete? Aɗinu Yawe Nug heeb, danab nug men buɗie, laih gotte, amubia kekeɗ ag heppeg, Jehoiakin, bekkod ele ag amubia laih gokkulag? Ao, aɗinu Yawe Nug heeb, kekeɗ heppeg, Jehoiakin, bekkod ele ag wan imuppanu ahan gona, wan laappa, ag wan amu ii dootteb ele, ag aguppa daaglag?” aon atteb.

Jeremaia 3:19

Da dakka, da oolppa, ‘Da danab nug bekkod ena hadatte, amubia da ena hatten, wan aulag enanag, enanag laa oh eɗattaknab, da wan amu madakkulnu ool daatte,’ ami. Da ag dahilnu, ‘Mama,’ akkulagnu, ag da ii dimeɗan, ag eɗun, ii dim lamiɗmananu uuglagnu dabmemi.

Aisaia 34:6

Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Aisaia 30:14

Gilil aoɗak ele anam am, danab nug waa adppa o aoɗa, maha naunaunab, amunu maha laappa uɗat laa haknu elele iitta daatte, amubia nauhkku, ⌊amu ag ele amubia nauhkkulag.⌋”

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 2:16

Am Tarsisnu uub okkai okkai oɗiaknu en maotteb ohnu epeɗiaknu haen, Uub ena ena oh elenu epeɗiaknu haen ele.

2 Stori 36:10

Jehoiakin nug king ba daye ukke, aam haen digmeumppa Babilon dilag king Nebukatnesar nug he, nuhikkud daup ag gona, Jehoiakin omalna, Babilon goppig. Ag nug omalna gonana, ag Yawenu mettid lagppan keeke daden maknu am men doɗo okkai ele, ag amu ele aon goppig. Ag amu heeg, Nebukatnesar he, Jehoiakin mameg nakok Sedekaia nug Juda oh dilag king ba dayom.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Aisaia 34:7

Makau okkai ebehi ele dakkuɗ am ele aqeb mauhkkulag. Makau gaiɗ, makau dawai okkai okkai ele aqeb mauhkkulag. Edom wanppa tiig huanaknab neeb, tiilag am wan amu toneb, leppu medakku. Ao, wan amuppan mauhak huanaknab dayebeb, ittag am gappud ele kabolieb, gappud leppu ambak ele bia daakku.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Jeremaia 48:38

Lag oh attan, koɗokko uɗem ukkakppa, aab haɗap ohppa ele Moap danab ah ag eheɗib gaaglag. Amu Yawe Nug atte. “Oo doyak okkai amu daakkunu diig am, da heppi, Moap nauhkku. Waa ena iitta laa, danab laa waa amunu oo ii hette, laa nug waa amu o aoɗtte, amubia da heppi, Moap nauhkku.” Yawe Nug anam awa atte.

Hosea 8:8

Israel danab ah ag geha wanppan wan laala oolagppa ukkan daaglag. Ag waa ena iitta, laa amunu ena ii dootte, ag amubia daaglag.

Sekaraia 10:3

Yawe Nug atte. “⌊O Juda danab ah, ahilkad danab okkai ag am sipsip gumak danab bia, amge ag pehettak ii hetteb amunu,⌋ da ikki danab amu dilagnu ool huan nauhtte. Ao, da ikki danab amu bu madakkul,” awa atte. Aɗinu? Yawe Nukka Ɠagattag Oh Ele Nug Juda danab ah, ag nuhikkud danab ah, nuhikkud sipsip bia, Nug ag atognoadtte. Nug heeb, ag ɠagattag, binalag okkai ele, bannu hos bia daaglag.

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Jeremaia 23:1

Yawe Nug inam atte. “Danab okkai ag danab ah dahilad eheɗ hadatteb ele, ag am sipsip gumak danab nau, sipsip eheɗ hattaeg nauheg, lamatteg, pitaiettan gotteb, ag amubia hetteb amunu, ag gumak danab amu, ahilagnu am gadonnab gadon,” awa atte.