Jeremaia 25:31 - Nobonob Baibel

³¹ Yawe Nug wan ohppan danab ah ag nau heppignu naippa yaaladkku amunu, bannu oqotti am wan atu ohppa daakku. Nug danab ah ohnab epeɗiatta, Nug heeb, nau hak danab ag qep elabppa mauhkkulag.’ ” Yawe Nug anam awa atte.

Jeremaia 25:31 Referans Kwoze

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Joel 3:2

Amu haen amuppa da ele heppi, wan atu ohppan danab ah oh ag uɗin, aben oolnu noak onig Jehosapat, appa qagmekkulag. Ag qagmeppeg, da ahilag eheɗ hak ag Israel dilagppa heppig, Israel am dahilad danab ah amu, eheɗ hak amunu da ag epeɗiadkkul. Amu wanppan wan laalappan danab, eheɗ hak ahilag am inam. Ag danab ah dahiladnab lamatteg gona, wanppan wan laalappa matatun gona daaegeg, wan ahilkad amu, ag oppateg ne, panin aoppig.

Maika 6:2

Qauko, ag Yawenu nai, Israel dilagnu doyeg! Ao, wan ukku, ag daulag human, ag Yawenu nai, Israel dilagnu ele doyeg! Aɗinu ag nai amu dooglag? Yawe Nug nuhikkud danab ah dilagnu nai ele. Ao, Nug nuhikkud danab ah dilagnu nai ele amu, Nug nai amu hettoɗiakppa mette.” Yawe Nug da Israel amelagppa anam akkulnu aum.

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Hosea 12:2

Aria, gemu amu Yawe Nug danab ah Judanu naippa yaaladtte. Jakop buɗub ag kobol nau heppig amunu, ag bu aoglag. Ao, Nug geha ag hipunin heppignu bu madakku.

Aisaia 34:8

Aɗinu amu oh bekkunu daatte? Yawe Nug danab ah eheɗ hetteb ele, Nug ag eheɗ heppignu nob tutukku mattaglagnu haen tituanom daatte. Ao, Nug danab ah ag Juda danab ah eheɗ hadappig ele, Nug ag bu aoglagnu maɗ tituanom daatte.

Esekiel 38:22

Da bu, amuam oɗe nau danab kuɗum aqe mauhtteb, amu danab qe mauhak kobol ele, da bu anam madappi, ahilagppa bekku. Da heppi, gu eheɗ, ais, amu kalu laa huana eotte onig salpa, amuam ewebeb, nug, nuhikkud daup, am wanppan wan laala ag nug ehanidtteb ele dilagppa nekku.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Aisaia 33:3

Na nai hakkaɗ qak bia mattieye, danab ah ag ooltteb. Ao, na ahae, wanppanu wan anen anen ohnu danab ah ag oolna mattatun gotteb.

Aisaia 34:2

Aɗinu? Yawe Nug wanppan wan anen anen ohnu oo nauhak dootte. Ao, wan ohnu dilag daup dilagnu amu, Nug oppoɗi ba autanab awom. Nug heeb, ag nuhignuib, nuhig pelemppa daaglag. Ao, Nug ib oo ii nekku amunu, laa ag ag aqappeg mauhadkkulag.

Jeremaia 23:19

Danab nau hetteb ele amu, Yawe Nug amunu oppoɗi bak doyaya, Nug ulah huanak paha paha uɗitte bia ag bu madakku. Nuhig bu mettak am kilibob itoɗiaya nette, amubia nau hak danab qaɗelagppa daakku.