Jeremaia 25:26 - Nobonob Baibel

²⁶ da king kuɗum ag ippanu laih yawalti uɗitteppanu daatteb, laa miag daatteb, laa uma daatteb amu, da ag oh kap amu mattai lappig. Ɗo maɗoɗ ohnab wanppa daatteb amu, da ag mattai lappig. Aria, ⌊tuleglegppa da anam hemi, qinob anam aakku bekku. Beeb⌋ amu dimppa amu Babilon dilag king nug ele lakku.

Jeremaia 25:26 Referans Kwoze

Jeremaia 51:41

Kekeɗ Babilon eɗadkkulag. Ao, wanppan wan ohppan danab ah ag aab laa binag metteb ele, aab amu, am Babilon, aab amuam kekeɗ eppelagppa daakku. Anam beeb, wanppan wan laala ohppan danab ag Babilon anidna, ag ameg iɗuak dooglag.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Esekiel 32:30

Yawalti uɗitteppan dilag anuqak danab, amu Saidon danab oh ele ag mauhak abenppa aakku niitteb. Ag wanppa bau daanna ɠagattag heeg, danab ah eheɗ nau baɗappig, amge laa aqaeg mauhna, ag uɗa nak nau guittak ele mauhak abenppa noppig. Ag iitta aɗi danab daanna, ag laa qep elabppa uɗa nak ele mauhppig, ag ag ele mauhak abenppa aakku uɗa nak ele niitteb.

Jeremaia 25:12

Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Jeremaia 51:51

⌊Ag Israel danab ah, ag atteb.⌋ “Wan laihnu danab ag Yawenu mettid lag, amuppa Oo Gun ele, Oo Gunnab Ele, aben amu oh am Yawenu tituanak daattep amu, ag amu ooppa noppig. Ao ag noppig amunu, danab laa ag eheɗ aon aon iqaeg, diig amunu ig uɗa nak nau guittak ele doottem. Uɗa nak ig tonikkom daatte,” aon atteb.