Jeremaia 25:25 - Nobonob Baibel

²⁵ Amu dimppa amu, da kap amu Simri, Elam, amu Midia dilag king ele mattai laeg,

Jeremaia 25:25 Referans Kwoze

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Genesis 10:22

Sem bekkod am Elam, Asur, Arpaksat, Lud, Aram ele.

Jeremaia 51:28

Ge heppeg, Midia dilag king anen anen, Midia dilag gawana, amu ahilkad ehanittak anuqak danab oh ele, amu wan laa oh Midia waappa daan, Midia ehanadtteb, ahilag daup ele, ag oh Babilon gona, appa Babilon ele ban hekkulagnu babaitteg!

Jeremaia 51:11

Ag lat doɗo babaitteg! Ahilag guppiɗ human aɗeg! Babilon ag heeg, Yawenu mettid lag nauhom amunu, Yawe Nug Babilon eheɗ hak amunu nob tutukku madakku. Yawe Nug heeb, Babilon nauhkkunu maittak awom daatte. Amunu Nug Midia dilag king Babilon ele ban hekkulagnu dabmak matta he, ag hekkulagnu yag bak dootteb.

Aisaia 13:17

⌊Amu Yawe Nug atte.⌋ “Ag antteg! Da geha Midia danab uɗippeg, Babilon ele ban hekkulagnu dabmak ahilag eeɗkkul. Midia danab ag silwanu dabmak okkai ii aotteb. Ao, ag golnu enanagnab ii dootteb. ⌊Ag amu oh dab-ii-metteb. Iitta. Ag ahilag dabmakib dim lamidkkulagnu dabmetteb.⌋

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Daniel 5:28

Peresnu meu am, obatak. Kayak Nug heeb, nahip ɗo maɗoɗ, na ele gamalahppa obatak dayeb, na okkai ii daappe, Midia danab, Persia danab ele ag aon gumaglag,” awa aum.

Esekiel 32:24

Elam, nuhikkud daup huanaknab oh ele ag mauhak daatteb, aben amuppa daatteb. Amu oh ag qep elabppa mauhppig. Ag oh ag bau dayak wanppa daan heeg, laa ag baɗak eheɗ nau dooppig amu, amu oh ag moɗppa nona, iitta aɗi mauhak daatteb, ag appa goppig. Ag laa ag laa eɗadna, akka akka binalag mewona, uɗa nak aon, moɗppa noppig amu, ag amunu uɗa nak ele maon nona, appa nona daatteb.

Aisaia 22:6

Elam wanppan ban danab ⌊ag baelagppa oinna ban hetteb amu,⌋ ag ban, lat aɗualadppeg, ⌊appan ban danab laa, ag⌋ bannu karis attan daan, ban hetteb, laa ag hos attan daan, ban hetteb ele amu, ag ele oh ban hekkulagnu uɗiglag. Ag uɗippeppeg, Kir wanppanu ban danab ag guppiɗ mawadna, ban hekkulagnu uɗiglag.

Genesis 25:2

aa nid danab eblaih laippu ele menuadpiɗ. Ag onilag am Simran, Joksan, Medan, Midian, Isbak, Sua ele.

Genesis 14:1

Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Aposel 2:9

Ig amu Partia, Midia, Elam, amu Mesopotemia ele daattem. Ig Juda, Kapadosia, Pontus, amu Asia ele daattem.

Aisaia 21:2

Da keeke anidmi am Yawe Nug tulegleg uug okkainab ele laa da meɗe anittitti, amuppa Yawe Nug inam a doomi. “Wan laa, ag nug bubuittak kobol nau hetteb ele amu, ag amuib tuɗidna hetteb. ⌊Amuam Babilon wan.⌋ Ao, wan laa ag ban hena, wan laappan danab aqaeg, amu dilag keeke aotteb ele amu, ag amu tuɗidna hetteb. ⌊Amuam Babilon wan aakku.⌋ Ag anam heegeg, ⌊kobol nau amu ba, naɗi mette amunu,⌋ Elam ban danab ag banelag uɗin, Babilon aqeg! Ao, Midianu ban danab ag uɗin, aab okkai amu talilidna, oo mettan dayeg! Da geha uug oh Babilon ag danab ah huu laa dilagppa madappig amu, da amunu nob elele mekkul,” awa aum.