Jeremaia 25:24 - Nobonob Baibel

²⁴ Da ag matte malen, da Arebia dilag king mattai laeg, danab ah atu taɗakppa daatteb, ahilkad king ele mattami.

Jeremaia 25:24 Referans Kwoze

2 Stori 9:14

Laa ele, Solomon nug keeke laihnu awa dadennu mak danab, nug amu dilagppa takis men doɗo awewe, amu Arebia dilag king anen anen, am gawana Israel wan oppatakppa daatteb ele, ag ele gol, silwa ele aon, Solomon medattappig.

Jeremaia 25:20

Da Isip danab ah lakkulagnu anam matte, danab ah atu laihnu uɗin, Isip wanppa daatteb ele, da ag ele lakkulagnu mattami. Amu dimppa da Us dilag king, Pilistia dilag king anen anen ele mattami. Pilistia dilag king amuam Askelonnu, Gasanu, Ekronnu, amu danab ah Asdot appanu ii mauhppig daatteb, amu dilag ele.

Esekiel 30:5

Kekeɗ ag amu hena, Isip danab ah aqanna, ag Kus, Put, Lidia, Arebia, Libia, amu Juda danab ah, da danab ah amu ele nug tituanta nai qakkamut amu, kekeɗ ag danab amu oh ele qep elabppa aqappeg mauhkkulag,” awa atte.

Jeremaia 50:37

Ag kekeɗ ag qep elabppa Babilon dilag hos aqanna, ag bannu karis ele heppeg nauheg! Ag wan laihnu danab, ag uɗin, Babilon danab ehanadtteb ele amu, am ele aqeg! Ag aqappeppeg, danab amu ag ah bia daaglag. Ag kekeɗ ag qep elabppa wagai mena, Babilonnu en oh aweg! Ag amu heppeg, Babilon ag keeke iitta ele daaglag.

Esekiel 27:21

amu Arebia danab, Kedar dilag anuqak danab ele ag nahip keeke ele aoppig. Ag amu aoglagnu hena, ag sipsip nag, sipsip dawai, aria meeme ele aon uɗin, amuppa nahip keeke daden meppig.

Aisaia 21:13

Nai meunab ele Arebia wanppanu Yawe he, Aisaia doyom ele am iikku. Arebia danab ag ⌊kekeɗ aqadmananu,⌋ ag oolna gona, atu taɗakppa haen tutuib dayaknu aab kalan daaglag amunu, ag Dedan danab, ag aben ohppa oiyak danab, ag oinna, keeke daden mena, eɗun meeg, laa ag daden mattegeg, ag men doɗo tuɗidna aotteb amu, ag Arebia dilag, atu taɗakppa baalag qaɗaiettom ele le matteg! Ao, ag Tema wanppan danab ah, ag amu, ag ee aon gona, Arebianu oola ukka laih dayaknu danab amu, ag danab amu gumadna gona matteg!

1 King 10:15

Laa ele, Solomon nug keeke laihnu awa dadennu mak danab, nug amu dilagppa takis men doɗo awewe, amu Arebia dilag king anen anen, am gawana Israel wan oppatakppa daatteb ele, ag ele Solomon men doɗo medattappig.