Jeremaia 25:21 - Nobonob Baibel

²¹ Amu dimppa da ⌊tuleglegppa⌋ Edom danab ah, Moap danab ah, Amon danab ah ele mattami.

Jeremaia 25:21 Referans Kwoze

Jeremaia 48:1

Moapnu amu, Yawe Nukka Ɠagattag Oh Ele, Israel dilag Kayak, Nug inam atte. “Kekeɗ ag aab Nebo heppeg nauhkku amunu, Nebonu am gadonnab gadon. Kekeɗ aab Kiriataim heppeg nauheb, appan danab ah ag uɗa nak nau guittak ele doon, kekeɗ eppelagppa daaglag. Kekeɗ ag aab Misgab ele heppeg nauheb, appan danab ah ag uɗa nak nau guittak ele dooglag.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Obadaia 1:18

Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Esekiel 32:29

Edom dilag daup, nuhikkud king, appan anuqak danab laa ele, ag ɠagattag, amge ag ele aakku mauhak abenppa, laa ag qep elabppa laa aqaeg mauhppig, ag ag ele niitteb. Edom dilag amu gemu iitta aɗi ele mauhppig moɗppa niitteb, ag ag ele niitteb.

Jeremaia 27:3

Aria gemu amu, danab laala ag Edomnu, Moapnu, Amonnu, Tairnu, amu Saidonnu ele ag ahilkad king ag Juda dilag king Sedekaia ele nai mattiglagnu maatteg Jerusalem uɗippig daan, amu hetteb ele amu, na amu gumadna gona, dahil nai ag eɗun aon gona, ahilkad king amelagppa nai amu akkulagnu ag eppelagppa mekkut.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Jeremaia 40:14

Ag gona, ag Gedalaia amegppa appig. “Gedalaia, Amon dilag king Balis nug Netania bekka Ismael na nitteb mauhkkutnu me uɗiom amu, na amu iite doottem,” aon appig. Ag anam appig, amge Ahikam bekka Gedalaia nug ahilag nai am doya, ooppa genab ii doyom.

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

Amos 1:13

Yawe Nug inam atte. “Amon danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag wan tuɗidna aoglagnu ag Gileatnu ah oolkad ele qep elabppa oolkad oppatattegeg nauhppig.

Amos 2:1

Yawe Nug inam atte. “Moap danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag ⌊oo doyak ii doon, ag naunab hena, ag⌋ Edom dilag king ebehiud aon, manaeg ewa, kalu ka bia dayom.

Jeremaia 27:2

Yawe Nug da, Jeremaia, da amelppa inam aum. “Na ad maha laa, amu matagiɗ ɠagattag doɗ gaɗappa hak ele aon, doɗnu duugppan tuqai bappaidna, na duutppa qakke!

Esekiel 25:1

Amu Yawe Nug nuhig nai laa da meɗom. Nai amuam inam.