Jeremaia 25:15 - Nobonob Baibel

¹⁵ Amu Yawe, Nug Israel dilag Kayak, Nug tulelegppa da, Jeremaia, da amelppa aum. “Jeremaia, kap imu, da eppelppa daatte amu, amuppa dahil oppoɗi bak wain bia daatte amunu, na kap imu da eppelppan aon aɗan, wanppan wan atten atten da ag onilag na amenppa appi, na appa aon gona heppe, ag laig!

Jeremaia 25:15 Referans Kwoze

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Revelesen 14:10

nug Kayaknu wain lakku. Wain amuam oppoɗi bak Kayak Nug danab dilag hipuninnu dootte. Kayak Nug wain amu le ele ii kaboliom. Iitta! Nug oppoɗi bak amu kap-ppa qe noa daatte amu, danab amu lakku. Lawowa, Kayaknu engel noolagppa, amu Sipsip Nag noobppa ele nug guittak okkainab, kalu laa huana eotte onig salpa ewebeb, amuppa guittak aokku.

Job 21:20

Danab nau hette, nugnab nug amegppa Kayak nugib heeb nauhkku anttaɗ! Ao, nugnab Laa Nukka Ɠagattag Oh Elenu bu awaɗ!

Aisaia 51:22

Naɗi Yawe, ahilag Kayak, Nug hettoɗiakppa ahilag ehanittak daatte amu, Nug atte. “Antteg! Da kap laa, wain kap amuppa daatte, wain amu he, danab nauhtte ele amu, da kap amu ag eppelagppanu eɗue aomi. Ag eheɗ heeg, da oppoɗil be, bu mattami, amu bu mattak amuam wain nau kap-ppa daatte bia, amge ag baula wain amu ii lamana. Am malak.

Revelesen 14:19

Nug anam a amu, engel amu nug qep aeg ele nuhig amu awa ukka, wanppanu muɗi grep meu ohnab okkulattom. Okkulatta, grep meu qagma, grep meu oh grep meu tappa leppu awaknu aben bappaidppigppa akke noppig. Keeke imuam oppoɗi bak Kayak nug danab dilag hipuninnu dootte ippunigtte.

Jeremaia 51:7

Wan atu laihppa danab ag hipunin heeg, Yawe Nug ahilagnu oppoɗi be, Nug Babilon ag bu madakkunu uɗat mattom. Nug matte amunu, Babilon kap golppa hak Yawe Nug eppegppa aɗom bia dayom. Yawe Nug danab ah hipunin heppig dilag oppoɗi beum amu, oppoɗi bak amuam wain nau kap-ppa daatte, amubia. Amu Yawe he, wan atu ohppan danab ah ag wain nau amu laeg, kaaka aqom.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Sam 60:3

Na ig bu ɠagattagnab mekkame. Ao, na hee, ig uug doot, danab nug le nau la, qe oiyom bia hemut.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Jeremaia 43:11

Babilon dilag king nug banelag uɗieb, nug Isip danab ele ban hekkulag. Ag ban hebeppeg, aun aɗi laa ag oɗe nau aon mauhkkulagnu daatteb, ag oɗe nau aon mauhkkulag. Aun aɗi laa ag diia ukka laih me dayak danab ah daaglagnu daatteb, ag gona, diia ukka laih me dayak danab ah daaglag. Aun aɗi laa ag qep elabppa mauhkkulagnu daatteb amu, ag qep elabppa mauhkkulag.

Jeremaia 46:1

Nai imu Yawe Nug propet Jeremaia wanppan wan laalanu nai mette doyom.

Jeremaia 48:26

Moap danab ah ag Yawe waappa dayaknu uun, ag Nug oɗe tappaeg neum amunu, kekeɗ ag heppeg, Moap ag uɗa nak doyeg! Ag danab nug le ɠagattag huana la, kaaka qe, bahaha, na qa, bahakppa niia, buɗibɗib oiya, dimppa kaaka qak iitta me, uɗa nak nau dootte, Moap ag amubia doyeg!

Jeremaia 49:12

Yawe Nug inam atte. “Bu mettak dahil am le nau kap-ppa daatte bia. Danab nug bu aokkunu daatte amu, nug le nau amu mettai latte. Huu laa, ag Esau buɗub eheɗ nau heppig bia ii heppig, amge da le nau amu mattai lappig. Ag lappig amunu, Esau buɗub ag naunab heegeg uɗie, gemu ele hetteb amunu, da ag le nau amu lakkulagnu iite madakkul? Da madakkul. Ag genab bu aoglag. Ag bu aqak amu ii eɗidmana,” awa atte.

Esekiel 23:32

Naɗi Yawe Nug inam atte. “Na apan bu nau awom, bu amuam le nau kap-ppa laum bia amu, amubia na lakkut, amge kap nahip am okkai, elab ele. Na lakkut amunu, danab ah ag nahipnu, keeke hamu bia doon, ag eheɗ imidkkulag.

Esekiel 23:33

Danab nug le ɠagattag la, kaaka qe nauhtte, amubia nahip-ppa bekku. Na bu nau aoppeppe, uug naunab, mahiak uɗat ele nahip-ppa daakku. Kap amuppa amu nauhak, padal mak ele daattep. Kap amuam na apan Samaria, nuhig kap aakku.

Esekiel 29:12

Da heppi, Isip wan am hele-ettak daakku. Wan laala ag nauhak daatteb amu, Isip ag oolagppa daakku. Ao, Isipnu aab okkai oh am hele-ettak, maɗ 40 daaglag; am aab okkai laala nauhak daatteb oolagppa anam daaglag. Amu da heppi, Isip danab ag gona, wanppan wan laalappa daaglag. Ao, da heppi, ag matatun gona, wan laalappa daaglag.” Yawe Nug anam atte.

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.

Obadaia 1:16

Amunu, qauko dahilnu tituanak daatteppa, appa dahilad danab ah ag bu awak okkainab aon malappig, amubia wanppan wan laa oh ag ele bu amubia, amge amu eɗittak aoglagoitte. Ag aona, ag ii daappig bia daaglag.

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Sam 75:9

Amge dahilnu amu, da hanhan Kayak aɗi heumnu akkul. Ge, da hanhan ahi edette, Jakop buɗub dilag Kayak binag mekkul.

Aisaia 14:26

Wan imunu wan anen anen ohppa da amuib genab hekkulnu maittak aottem. Ao, da amu hekkulnu amu, da eppel bahien daai, wan oh tonom daatte.” Yawe Nukka Ɠagattag Oh Ele, Nug anam awa atte.

Aisaia 34:2

Aɗinu? Yawe Nug wanppan wan anen anen ohnu oo nauhak dootte. Ao, wan ohnu dilag daup dilagnu amu, Nug oppoɗi ba autanab awom. Nug heeb, ag nuhignuib, nuhig pelemppa daaglag. Ao, Nug ib oo ii nekku amunu, laa ag ag aqappeg mauhadkkulag.

Jeremaia 36:2

“Jeremaia, na buk itoɗiak ele laa aon, da aɗi nai kuɗum na amenppa Israel wan, Juda wan, amu wanppan wan laa oh ele dilagnu ain malami amu, na buk amuppa ye! Da Josaia king daye digmein, na amenppa ai uɗie uɗie, gemu batak nai mattimi amu, na nai amu ohnab buk amuppa ye!

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.