Jeremaia 25:12 - Nobonob Baibel

¹² Anam, amge maɗ 70 amu gogppa teeb, da Babilon dilag king, nuhikkud danab ah ele, ag Babilon wanppa daatteb amu, ag eheɗ heppignu, da ag bu madakkul. Da heppi, Babilon wan am hele-ettak, anamib daakku,’ awa atte.

Jeremaia 25:12 Referans Kwoze

Daniel 9:2

maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.

Aisaia 13:19

Wanppan wan oh oolagppa, danab ah ag Babilon am attannab dabmetteb. Babilon danab ah ag dada hak kobol henana, Babilonnu, ‘Am binag amahlak oppiaawak ele,’ dootteb. Ag anam dootteb, amge Kayak Nug heeb, Babilon am Sodom, Gomora ele nauhpiɗ, amubia nauhkku.

Jeremaia 29:10

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.

Aisaia 14:23

Da geha heppi, Babilon am geha ɗu beeb, hipunai ag Babilon daaglag. Da geha heppi, Babilon oh padal ma, iitta mekku.” Yawe Nukka Ɠagattag Oh Ele, Nug anam atte.

Esekiel 35:9

Da amu heppi, ahilag wan amu hanhan hele-ettak daakku. Danab o ah laa baula ahilkad aabppa ii daama. Da amu oh heppi, ag dooglag, da am Yawe.” Yawe Nug anam awa atte.

Jeremaia 25:14

Da heppi, wan laala, ahilkad king ebehilkad okkai ele ag gona heppeg, Babilon danab ah ag ahilkad begbeg maɗi nid daaglag. Da heppi, Babilon ag heppig bia, ag eppelagppa aɗi aɗi heppig bia ahilagppa bekku,’ awa atte.” Yawe Nug da Jeremaia, nug da amelppa anam aum.

Jeremaia 23:2

Yawe, Nug Israel dilag Kayak, Nug anam atte amunu, Nug gumak danab ag danab ah gumadtteb, Nug ag amelagppa inam atte. “Ag danab ah dahilad tutukku dabmattaglagnu daatteb, amge ag anam ii hetteb. Iitta. Ag dahilad sipsip amu, ag lamatteg, ag pitaiettan laih laih gotteb. Ag gumattak uɗat ena ii hetteb amunu, da Yawe, da ahilag eheɗ hak anidmi. Ag kobol nau heppig amunu, nob mekkulnu amu, da ahilag eheɗ hak amu nob elelenab ag madakkul.

Aisaia 46:1

Babilon dilag kayak onig Bel, nug genab daalo, nug dup nolo. Babilon dilag kayak laa onig Nebo, nug genab daalo, nug gomela daalo. Danab ag dottolti aon, laih gokkulagnu uɗatnu doɗ gomeppa maatteg daattep. Danab ag kayak hambuppuak aɗit amu dottolti, ag keeke amu doɗ bahilag yaatte ele gomelagppa meeg maotteb.

Aisaia 20:1

Maɗ laa, maɗ amuppa Asiria dilag king Sargon nug he, ban daup ikki anuqak, nug ban danab huu laa diie, Pilistia wanppa gona, aab okkai Asdot ele ban hena aqappig.

Aisaia 15:6

Qanaknu diig laa amu ⌊kekeɗ ag heppeg,⌋ lenag Nimrim ituak daya, nauhak daakku. Aria laa amu, ⌊le daugppan⌋ gikkiɗah bunaɗeb, keeke laa oh ⌊le daugppa⌋ wanppa beum amu, keeke amu ele iitta mekku. Ao, ⌊le daugppan⌋ keeke oh am bunaɗadna malaglag.

2 King 24:1

Haen Jehoiakim nug Juda dilag king dayeye, haen amuppa Babilon wanppanu King Nebukatnesar nug nuhikkud ban danab ele ag uɗin, Juda ele ban heppig. Ag ban hena, nug Juda eɗatta he, Jehoiakim nug waappa dayom. Amge maɗ ewam dimppa amu, Jehoiakim nug Nebukatnesar waappa dayebeb, gumakkunu dabmak eɗue, nug Nebukatnesar waappa daakkunu uua, nug nuhig nai tappe neum.

2 Stori 36:22

Anam be amu, Persia dilag king Sairus nug Babilon eɗitta mala, Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Sam 137:8

O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!

Aisaia 33:1

Na laa, na hee, laa nauhtteb, laa ag na heitteg ii nauhme amu, nahipnu am gadonnab gadon. Yo, na laa hambuppualadna, nahip nai ag amelagppa ame ii dim lamidttem; laa ag nahipnu anam ii heppig ele amu, nahipnu am gadonnab gadon. Na laa heppe nauhkkulagnu uuppe, danab laa ag na heidppeg nauhkkut. Ao, na laa hambuppualadna, nahip nai ag amelagppa anana, ii dim lamidkkutnu kobol uuppe, laa ag hambuppuidna, na amenppa nai mattinna, ii dim lamidkkulag.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Jeremaia 27:22

“Babilon dilag daup ag keeke amu oh aon, Babilon gokkulag. Ag aon gona, maadppeg daappeg, haen laa dimppa, laa ag eɗun aon wan imuppa uɗiglagnu dabmekkul amu, haen amuppaib ag Babilon wanppa eɗun ii daamna. Haen amuppa da heppi, laa ag aon uɗin, keeke amu ag abennalagppa mekkulag,” awa atte.’ ”

Habakuk 1:17

O Yawe, Babilon dilag okkai nug kakai eeɗak danab nug hanhan uhui nuhig ewawa, haen oh kakai aotte bia danab ah tuɗid ele diiadkkute? Ao, nug oo gai-iitta doya oo matta ehanittak kobol tuɗidib ii dabmaama, tuɗitta, wan laala eɗatta heeb nauhkkulagte?” awa unuqittom.