Jeremaia 24:3 - Nobonob Baibel

³ Anam daaeh anati, Yawe Nug da oɗ meɗom. “Jeremaia, na aɗi anidttem?” awa oɗ meɗom. Nug oɗ meɗe, da nob mein ami. “Da ad fig meu anidttem. Laa ag am ena, laa ag nau. Meu ena am enanag, amge laa nau amu, ag am naunab. Danab nug lakkunu elele iitta,” awe ami.

Jeremaia 24:3 Referans Kwoze

Amos 8:2

Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.

Sekaraia 4:2

Nug anam he ahai, nug oɗ meɗom. “Gemu na aɗi anidttem?” awa oɗ meɗom. Oɗ meɗe, da nug amegppa ami. “Da lam maattaknu balal, golppa hak, amu tappiɗ igippa daatte anidttem. Am lam eblaih aɗit ele lam maattaknu balalppa daatteb. Amu tappiɗppanu goɗen lamppa gokkunu ippu am eblaih aɗit, laippu lam anen anenppa gotteb.

Amos 7:8

Da tuleglegppa amu anitti, Yawe Nug da oɗ meɗom. “Amos, na aɗi anidttem?” awa oɗ meɗom. Nug anam oɗ meɗe, da ami. “Da plam lain anidttem,” awe ami. Da anam ai, Naɗi Nug da amelppa aum. “Antte! Danab nug gilil keeke, tutukku tak daakkunu, ikki laih imu o laih umu ukkak ii daamanu, nug plam lain aɗa anidtte, amubia da Israel danab ah ag tutukku, o iitta epeɗiadkkul. Da tuɗitten, bu madakkulnu ii uupa. Da bu madakkul.

1 Samuel 9:9

Amu Saul nug aum. “Am ena! I goɗu!” awa aum. Nug aum amunu, aa goya, aa aab laa amu, Kayaknu danab appa dayom, aab amuam qauko nakok igippa dayom amu, aa aab amuppa tekkulahnu qauko nakok teyaya, aa ah makkun laala ag le itaglagnu uɗippig, aa ag uɗalag tepiɗ. Aa uɗalag teya, aa oɗ madapiɗ. “Keekenu doyak danab nug aabppa, appa ana daattete?” aoya apiɗ. Anukka, Israel wanppa amu danab ah ag propet dilagnu, “Keekenu doyak danab,” adappig; gemu danab amunu am propet atteb. Amunu anukka, haen ag propet anidna, keekenu oɗ mettaglagnu heppig amu, ag, “Ahappeg, ig keekenu doyak danab toppa gokkunig,” adappig.

Sekaraia 5:2

Da anam anitti, engel nug da oɗ meɗom. “Na aɗi anidttem,” awa oɗ meɗom. Oɗ meɗe, da ami. “Da buk itoɗiak ele hagagaɗa ugekke anidttem. Buk amunu elab am 10 mita, emaitak nuhig am 5 mita,” awe ami.

Jeremaia 24:4

Amu dimppa amu, Yawe Nug nuhig nai imu da, Jeremaia, Nug da meɗom.

Jeremaia 29:17

Ao, Yawe Nukka Ɠagattag Oh Ele, Nug ahilagnu inam atte. “Da heppi, ag qep elabppa, enugppa, amu oɗe nau danab kuɗum aqe mauhtteb ele, ag amuppa mauhkkulag. Da heppi, ag ad fig meu naunab, danab lakkunu elele iitta, ag anamnab aakku daaglag.