Jeremaia 23:9 - Nobonob Baibel

⁹ Propet dilagnu amu, da oolppa uug nau, kahipal aoɗom bia dooiyi, da ebehilad hahaɗtteb. Da danab spak meum bia daattem. Ao, da danab wain huanak lawowa, spak meum bia daattem. Aɗinu? Propet ag Yawenu, nuhig nai oppiaawak elenu hamu bia doon, Yawe noobppa mauhnoak oinna, nuhig nai tappaeg nette.

Jeremaia 23:9 Referans Kwoze

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Gayak Nai 3:15

Danab keh mua ele la, oo dittie, ena iinab dootte amu, Yawe he, da anam bia doottem. Ao, danab nug uud ad tiig mua ele lana, eheɗnab dootte amu, Yawe he, da anam bia doottem.

Aisaia 51:21

Anam amunu, ag Juda danab ah, ag danab wain la ukke, kaaka qe, eheɗ kuɗum aotte, ag amubia daatteb, amge ahilag eheɗ awak am le ɠagattag lanakppan iitta. Iitta. Ag hipunin heeg, Yawe Nug bu mattom amunu, ag Juda danab ah, ag nai imu doyeg!

Sam 60:3

Na ig bu ɠagattagnab mekkame. Ao, na hee, ig uug doot, danab nug le nau la, qe oiyom bia hemut.

Rom 7:9

Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Aisaia 29:9

Ag ⌊Juda, ag⌋ dabmak iitta ele oinna, ag dabmak kuɗumnab aotteb! Ag heeg, amelag gaɗue oitteb! Ag kaaka aqe oitteb, amge ag le ɠagattag lappig amunu, ag anam ii hetteb! Ag oinna, nena qena, ahan eɗun nena qetteb, amge ag le ɠagattag lappig amunu, ag anam ii hetteb!

Aisaia 28:1

Amu Israel danab ah ag le lanana, spak metteb ele, ahilagnu am gadonnab gadon. Gemu ahilag aab anuqak, Samaria, aab amuam binag amahlak oppiaawak ele; nug aben laa wan ittag enanag ele, amuppa qauko nakok eleppa daatte. Amu Israel danab ah ag wain lanana, spak metteb ele ag Samaria onig attannab human, laa oh eɗattak anambia dootteb, amge iitta! Bala laa bunaɗkkunu mauɗe neekkak ena iitta daatte, aab amuam amubia daatte.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Sam 69:20

Ag dahilnu, “Keeke hamunab,” doyegeg, da keeke laa hekkulnu elele iitta. Da oo doyak laala awaknu dabmemi, amge iittanab. Ao, da danab laa, da oo mak meɗakunu neegmi, amge laal iitta.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Jeremaia 36:16

Nug ebqa male, ag nai amu oh doon, ag nug neekkidnana, baɗan, ag Baruk amegppa appig. “Ig king nai imu oh dookkunu ig akkunigoitte!” aon appig.

Esekiel 13:3

Naɗi Yawe Nug inam atte. ‘Ag propet hambuppuak, ag dabmak tutukku iitta ele, ag akka ahilag dabmak dim lamidtteb, ag keeke laa da ii ippunadminu mattinna, da ag ippunadmi bia maditteb amu, ahilagnu am gadonnab gadon.