Jeremaia 23:35 - Nobonob Baibel

³⁵ Ag anen anen ag inam nug oɗ mettan atteb. “Yawe Nug nai imunu nob aɗi meum?” o “Yawe Nug aɗi nai na amenppa mattiom?” aon atteb.

Jeremaia 23:35 Referans Kwoze

Hibru 8:11

Amu da heppi, ig nug tituana nai qakkak amu heta malota, danab laa nug layagtai, o awagtai, o amagtai baula amegppa, ‘Na Naɗi doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Naɗi doye!’ akkunu ii hema.

Jeremaia 42:4

Ag Jeremaia anam oɗ mettaeg, propet Jeremaia nug nob ma aum. “Am ena. Da ahilag nai aakku doomi. Da genab Yawe, ahilag Kayak, ag da oɗ meɗappig bia da Nug unuqidppi, Nug aɗi ab dookkul amu, da nai amu oh appi dooglag. Da nuhig nai ooppanu keeke nakok laa ii lokkumpa,” awa aum.

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.