Jeremaia 21:14 - Nobonob Baibel

¹⁴ Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Jeremaia 21:14 Referans Kwoze

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

Jeremaia 9:25

Amu Yawe Nug atte. “Isip danab, Juda danab, Edom danab, Amon danab, Moap danab, amu laa ag atu taɗak uma daatte, ag appa daatteb, ag oh gaɗa otaɗak dim lamidtteb. Ag kobol amu ag beɗulagppa hetteb, amge ag gaɗalagppaib anam da dim lamiɗtteb. Ag oolagppa ele da ii dim lamiɗtteb. Israel danab ah oh ele anamib; ag da oolagppanab ele ii dim lamiɗtteb. Anam amunu qinob, haen adekkuppa, da danab ah oh ag gaɗalagppaib da dim lamiɗtteb, ag da oolagppanab ele da ii dim lamiɗtteb amu, da ag bu madakkul.” Yawe Nug anam awa atte.

Sekaraia 11:1

Lebanon wan, na aab ewebeb, ad sida nahipad eweb nauhkkulagnu ib babaitteg!

Jeremaia 22:7

Da heppi, kekeɗ ag anen anen bannu keeke eppelagppa aɗan, ag uɗin, ag Juda dilag king laulag heppeg nauhkku. Ag laulagnu ad sidanu plang ena ena daatteb amu, ag mauhnoak oppatppeg neeb, ag amu akkan, aab aɗuppa mawadppeg teppeg aab eweb, iitta mekkulag.

Jeremaia 11:22

da, Yawe Dakka Ɠagattag Oh Ele da inam attem. ‘Ag atteb, diig amunu da bu madakkul. Danab amu, ag oolagppa nid danab bau daatteb, ag banppa mauhkkulag. Ao, danab amu bekkalkad, aɗelkad ele, ag enugppa mauhkkulag.

Jeremaia 6:29

Danab aen, o gol keeke, nug keeke amu babaitta epeɗia awak uɗat hette, amu amubia uug laala danab ah dahilad dilagppa beppeg, hipunin hak uuglagnu hemi, amge ag hipunin ii uuppig. Ag kobol nau hekkulagnu ii uuppig.” Yawe Nug anam aum.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Aisaia 24:21

Yawe Nug haen amuppa hab daup, ⌊ameg laa Kayak ii dim lamidtteb⌋, am wanppan king, ⌊dada hak danab daatteb ele amu,⌋ Nug ag oh bu madakku.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 10:16

⌊Keeke danab eppegppa daatte ele, keeke amu aha, danab aɗatte aben ii aotte, amge Asiria dilag king nug anam hekkunu hette⌋ amunu, Naɗi, Nug Yawe Nukka Ɠagattag Oh Ele, Nug heeb, oɗe nau nuhikkud daup ɠagattag aqeb, ag beɗulag aakku nauhkku. King amu nug ɠagattagnab, amge aab ewewe, ⌊ad keeke iitta mette,⌋ amubia Yawe Nug heeb, nuhig ɠagattag iitta mekku.

Jeremaia 11:16

Yawe Nug anukka ag Juda, Nug ahilagnu, “Ag am olip ad enanag, meu ele enanag,” aum, amge Nug heeb, ag bu eheɗ aoglag; bu amuam ulah huana uɗie, gu ele huana ne, amemɗi awa ye, ad amu ewewe, ebekkud ele qiialadtte, amubia.

Jeremaia 17:27

Ag da oɗel dim lamidkkulag dayeb amu, anam daakku, amge ag oɗel ii dim lamidkkulag dayeb, ag Sabat deɗ am dahilnu tituanak daakkunu ii dabmekkulag dayeb, ag Sabat deɗppa keeke maon uɗin, Jerusalem aab aɗnu od laalappa uɗin, aab ooppa gokkulag dayeb, da heppi, aab ewak, laa qauhkkunu elele iitta aɗnu odppa digma ewawa, appanu ewebeb ukkeb, aab oh, nuhig aab aɗ ɠagattagnab ele oh eokku.” ’ ” Yawe Nug anam awa atte.

Jeremaia 22:1

Amu Yawe Nug da Jeremaia, Nug da amelppa inam aum. “Na ahan, Juda dilag kingnu lag enanagnab, na appa nona, nai imu appe doyeg!

Jeremaia 46:23

Kekeɗ huanaknab uɗin ban hekkulag. Ag tap-lokus, danab ebaqaknu ele iitta bia uɗiglag. Ag uɗin, Isip dilag daup huanak aqappeg mauhkkulag. Ag danab nug atuppa ad huanak oadtte, ag amubia hekkulag.

Jeremaia 50:32

Anam amunu, Babilon danab ah ag beɗuppa tak danab, ag baelag qena, nena qeppeg, laa ehanatteb eɗun ahaglagnu laa iitta. Da heppi, aab ahilkad am aab ewatta, wan laala Babilon talilidna daatteb ele ewadkku,” awa atte.

Gayak Nai 2:3

Yawe Nug ⌊Juda dilag hipuninnu⌋ oo nauhak huanaknab doyom amunu, Nug Israel dilag ɠagattag ohnab he, iitta meum. Kekeɗ ag uɗiegeg, Nug nuhig ɠagattag Juda ehanadkkunu lokkumom. Ao, Nug aab aɗu keeke oh ewewe, iitta mette bia, Nug Jakop buɗub oolagppa anam he, ag nauhppig.

Prowerb 12:14

Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

Jeremaia 6:19

Wan atu ohppan danab ah, ag doyeg! Dahilad danab ah ag dahil nai doyaknu uun, ii doyegeg uɗie, gemu ele ii dootteb; ag dahil ɗo dim lamidkkulagnu ele dimettan, ɗo dahil waappa ii daaegeg uɗie, gemu ele waappa ii daatteb amunu, da heppi, ag bu eheɗ aon, ag nauhna autna aoglag. Ag eheɗ hekkulagnu lokkumakppa dabmenana maittak eheɗ aon heppig amunu, kobol amunu meu nau ahilagppa bekku.

Esekiel 21:3

na inam appe doyeg! ‘Da Yawe, da inam attem. Da ahilag hak amunu eheɗ doyeye ool ii madattem. Ag Israel amu, ahilag kekeɗ am qep elab dahil bia, amu da qep elab dahil nuhig gaɗappanu eeɗe awen, amuppa genab tutukku hak danab, nau hak danab ele aqappi mauhkkulag.

Maika 7:13

Anam amge, wan laa oh hele-ettak daaglag. Aɗinu? Danab ah appa ana daatteb ele amu, ag ahilag hak am nau.