Jeremaia 20:3 - Nobonob Baibel

³ Pasur nug anam he ukke, wagɗe deɗ amuppa nug he, ag ad maha uhuqeg, Jeremaia nug ii qakkak dayaya, nug Pasur amegppa aum. “Danab ah ag na onin Pasur dootteb, amge Yawe Nug na onin Pasur ii dootte. Iitta. Nuhig neekkakppa na onin am Mago Misabib.

Jeremaia 20:3 Referans Kwoze

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Gayak Nai 2:22

O Yawe, anukka na danab ah ag uɗin, hobul dayaknu haen na epeɗiadna maadme laa anidkkulagnu onilagppa eme; amubia na baɗak eheɗ nau taliligna daaglagnu onilagppa eme. Yawenu oo nauhe, bu mettaknu deɗppa laa nug hamu ii oolom. Laa nug bau ii dayom. Ao, laa ig ag atognoadmut ele amu, kekeɗ ag oh aqaeg mauhadppig.

Jeremaia 46:5

Ag amu hekkulag, amge da aɗi iikku anidttem? Da Isip dilag daup ag baɗak eheɗ nau doon, ag eɗun ooltteb. Babilon dilag daup ag Isip dilag daup eɗadppig. Isip ag eheɗ ooltteb. Ag eɗun neegnana, ii ooltteb. Iitta. Ag oolna ukkakib eheɗnab gotteb. Baɗak eheɗ nau ag taliliatte daatteb.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Jeremaia 6:25

⌊Kekeɗ amu uɗippeg, nau aomnanu nai inam daakku.⌋ Kekeɗ ag qep elab ele, ag heeg, baɗak nau, guittak ele aben ohppa daatte amunu, ag aab dimittim aib goppig! Ag ib aon, laih aib goppig.

Aisaia 8:3

Am dimppa da ukkai, ⌊ah dahil, nug am⌋ propet ah amu, da nug ele niiɗa, nug oo ele daya, nid danab menuom. Menue amu, Yawe Nug da amelppa aum. “Na nid amu onig Maher Salal Has Baz ataɗe!

Aposel 16:30

Na qa, eɗua aha, nug diiata dimittim wana, oɗ matom. “O danab naɗi aɗit, Kayak Nug da eɗua awiɗkkunu amu, da attem hekkuloitte?” awa aum.

Jeremaia 29:29

Amu Semaia nug pas amu me, mana mettak danab Sepanaia nug awom, amge nug pas amu propet Jeremaia amegppa ebqeum.

Jeremaia 19:6

Amu Yawe Nug imu ele atte. “Anam amunu, ag dabmeig! Haen laa uɗitte amu, haen amuppa danab ah ag aben imunu, ‘Topet,’ ii amana. Ag, ‘Hinom Bekkanu Oolnu Noak,’ ele ii amana. Iitta. Ag aben imunu, ‘Danab Ah Eheɗ Aqaeg Mauhppignu Oolnu Noak,’ aon akkulag.

Jeremaia 19:2

na aɗnu od onig Potsherd wana, ab dimittim gona, na oolnu noak onig Hinom Bekkanu Oolnu Noak, na appa gona, appa da nai ippunidttem amu, na appe doyeg!

Jeremaia 7:32

Ag amu hetteb amu, ag dabmeig! Butti, haen adekku danab ah ag aben amunu Topet ii amana. Ag oolnu noak amunu ele, ‘Hinom Bekkanu Oolnu Noak’ ii amana. Iitta. Kekeɗ ag uɗin, Juda danab ah eheɗnab aqappeg mauhppeg, laa ag ag gaɗalkad aguppa boumadppeg ukkeb, ambak dayeb, haen amuppa ag oolnu noak amuam onig, Danab Ah Eheɗnab Aqaeg Mauhppignu Oolnu Noak, ataɗkkulag.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Genesis 17:15

Kayak Nug anam awowa, Nug tuɗitta, Abraham amegppa aum. “Na waatnu amu, na Sarai baula aib ame. Aɗinu? Nug onig Sarah daakku.

Genesis 17:5

Da heppi, na wanppan wan laala kuɗum mamelag daakkut amunu, na onin Abraham daakku. Abram tuɗitta ii daama.

Esekiel 13:9

Da propet hambuppuak ag tulegleg hambuppuakppanu maditteb, ag emannu hambuppuak nai ele atteb amu, da ahilag hak amunu eheɗ doyeye ool ii madattem. Ag amu hetteb amunu, da heppi, ag Israel dilag okkai oolagppa baula ii daamna. Da heppi, ag onilkad am buk laa, Israel onilkad amuppa yaak daatte, ag onilkad amuppa ii daamna. Da heppi, Israel danab ah ag gona, diia ukka laih me dayak danab ah wan laappa daappeg ukkeb, eɗua uɗiak haen doob, propet hambuppuak ag eɗun ii uɗimna. Da anam heppi, ag ⌊Israel, ag⌋ dooglag, da am Naɗi Yawe.