Jeremaia 20:18 - Nobonob Baibel

¹⁸ Da uug digdig hanhan anidttem. Da uugnu oo doyak doyeye oittem. Da uɗa nak doyeye mauhkkulnu oittem. Aɗinu da anai ooppanu dokkulnu dayom?

Jeremaia 20:18 Referans Kwoze

Job 3:20

Aɗinu danab ag oolagppa uug naunab doon oitteb ele ag wanppa bau daan, amahlak anidtteb? Ge, aɗinu laa ag bau dayaknu nau ninig ele dootteb amu, ag wanppa bau daan oitteb?

Gayak Nai 3:1

Deɗ kuɗum laa Yawe Nug oppoɗi be, bu meɗe; da guittak awewe oimi.

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

Sam 69:19

Na doottem, dahilad kekeɗ ag dahilnu, “Keeke hamunab,” doon, ag da uɗa nak, amu uɗa nak nau guittak ele meɗatteb. Na dahilad kekeɗ oh, na doon malame.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 11:36

Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Gayak Nai 1:12

Ag danab ah ag oinna, ag neegna, ig Juda anignana, ag guittak nau ig tonikkom daatte am keeke hamu doottebte? Ao, Yawe Nug ig Juda ig hipunin huanak hemut antta, Nug oo nauhak huanaknab doya he, kekeɗ ag heeg, ig guittak okkainab aomut oittem amu, laa guittak ig aomut bia laa awomte?

Jeremaia 8:18

O Ehanittak dahil, da uug doottem. Da ool am gai-iitta meum daatte.

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Aisaia 1:6

Israel ag ⌊nid amu⌋ beɗu oh baegppanu ukka igippa tak nauha autanab awa, oppatpat ne, ena iittanab dayaya, beɗu ohppa ebitta bak, ihi nau, ihi okkai okkai ele ⌊bia daatteb⌋. Ihi amu laa dubuttid ii daamanu ii ihappig. Laa ii itappig. Laa ag ihinu guittak iitta mekkunu marasin laa ii laidppig.

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

Job 5:7

Am genab, uug digdig ig danab, ihinigppa betteb am hamu ii betteb; ig heut betteb. Ao, aab ewewe, aeg genabnab pitigna tetteb, nak o laih laih ukkak iitta, genab amubia ig heut, uug ig iqatte.

Sam 102:3

Aɗinu? Kahug pahanab qatia gotte bia, haen elab iitta, dahil bau dayak qettoɗkku. Da beɗul am gakkaɗaknab, aab ewa qaɗab gakkaɗtte bia daatte.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Jeremaia 15:10

O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.

Habakuk 1:3

O Yawe, laa ag nai doya mala hettoɗia epeɗia elele mettak kobol ii dim lamidna, laa eheɗ hattegeg, na ag amu ii hemananu ib oo ii nettem amunu, ag heegeg, da ag anadttem. Da amu antten, diig aɗinu na hee, ag amu ii hemananu ib oo ii nettem amu, da ool ii maidtte. Laa ag laa dilag keeke heeg nauhtte anidttem. Laa ag laa dilagppa guittak nau mauhnoak mettak kobol dim lamidna hetteb anidttem. Nug aittak, nug qak ele huanak daatteb anidttem.

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.