Jeremaia 20:12 - Nobonob Baibel

¹² O Yawe Nakka Ɠagattag Oh Ele, na danab ah ag tutukkute, o iittate, na amu epeɗiadnana, na ag oolag, amu dabmak ahilag oh ele doottem. Na anam aakku henana daattem amunu, da eheɗ haknu nob tutukku mattaknu uɗat amu na eppenppa mettem. Uɗat amu na eppenppa mettem amunu, danab ag da eheɗ heiɗkkulagnu hetteb amu, na eheɗ hak ahilag, na amunu nob tutukku madakkutnu oɗ medattem.

Jeremaia 20:12 Referans Kwoze

Jeremaia 11:20

Ag anam henan appig amu, da Yawe unuqitte, inam ami. “O Yawe Nakka Ɠagattag Oh Ele, na epeɗiak tutukkuib hettem. Na danab ag oolagppa, ag ahilag dabmak unuqagppa ele, ag diig aɗinu kobol laala hetteb amu, na diig amu doottem. Na amu doyeye, da hak nau ag dahilppa hekkulagnu hetteb ele na eppenppa mettem amunu, na danab ag eheɗ heiɗkkulagnu hetteb ele nob elele madappe anidkkulagnu oɗ medattem,” awe unuqidmi.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 54:7

Da anam hekkulnu diig am, da uugppa daaiyi, na da ehaniɗe, qagaiettak ii aomi. Ao, na da ehaniɗe, dahil kekeɗ eɗadmi.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Sam 59:10

Kayak dahil Nug dahilnu oo mauhaknab dootte amunu, Nug uɗia da ehaniɗkku. Nug da ehaniɗa heeb, da kekeɗ dahil oh eɗadkkul.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Aisaia 37:14

Amu Hesekaia nug uɗug yaak amu danab amu eppelagppanu awa, ebqa malowa, nug aha ukka, Yawenu mettid lakka ta, nug uɗug yaak amu Yawe amegppa kola meum.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Jeremaia 12:8

Dahilad danab ah ag laion atuppa oitte bia bena daan, dahilnu kekeɗ dootteb. Laion kekeɗ antta, eheɗ gaatte, ag amubia dahilnu hetteb amunu, da ag uuadkkul.

Aisaia 38:14

Da ai laala, ahilag gayak oqotti teppu iitta ele, da anambia gaami. Uppuɗil beɗulag nakok laa, nug nakok gaatte, da anambia gaami. O Kayak, da gaai ukke, nahip ehanittak anidkkulnu nahipnu neekki, da amel guittom. Da uug doottem. O Naɗi, na uɗin, da ehaniɗkkutnu od medattem.

Sam 86:4

Ge, O Naɗi, da, nahip maɗi nid, da na unuqidttem amunu, na heppe, da gamag ahak dookkulnu oɗ medattem.

2 Stori 24:22

King Joas nug Sekaraia mameg Jehoiada nug nuhignu ena heum ii dabmeum. Iitta. Nug danab nuhignu ena heumnu bekka aakku qe mauhom. Nug anam he, Sekaraia nug mauhaha, nug aum. “Yawe Nug nahip hak imu antta, Nug heeb, nahip hak nau imunu bu mettak nahip-ppa bekkunu ool daatte,” awa aum.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.

Sam 58:10

Genab tutukku hak aɗi ag Yawe Nug laa ag eheɗ ahilagppa heppig ele nob tutukku madakku anidkkulag amunu, ag gamalag ahakku. Daup laa ag kekeɗ nena qeeg, tiilag na, wan qaɗeppa dayeye, daup amu ag kekeɗ lamadnana, tiilag baelagppa tappan gotteb, amubia genab tutukku hak danab ag nau hak danab eɗadna, gamalag ahakku.