Jeremaia 2:7 - Nobonob Baibel

⁷ Da ag Israel, da ag omalatti, ag uɗin, wan ittag ele imuppa uɗippig. Ag wan imunu ad meu, ee laa oh ele lakkulagnu uɗippig. Ag am anamnu aakku uɗippig, amge ag uɗin, wan da aul ag heeg, dahil neekkakppa dubuttid tak ele daatte. Ao ag heeg, da dahil wan imunu oolppa uuaknab doottem.

Jeremaia 2:7 Referans Kwoze

Jeremaia 16:18

Juda ag am kayak hambuppuak huanaknab akkan, dahil wanppa meeg, wan amu dahil neekkakppa dubuttid tak ele daatte. Dottolkad amu, ag bau iitta, ag uɗig wak nau ele. Ao, ag heeg, kayak hambuppuak dottolkad dahil wanppa ambak daatteb. Dottolkad amunu amu, da oolppa uuaknab doottem. Juda danab ah ag anam hetteb amunu, da ahilag hak nau, ahilag hipunin ele, da diig amunu da bu elelenab madakkul.” Yawe Nug anam awa atte.

Namba 13:27

Ag Moses amegppa inam appig. “Wan na ig appa gokkunignu meigme amu, ig appa gomut. Wan amuam wan enanag, am wan ittag ele, amuppa ee meu huana otte. Antte! Ee meu laala wan amuppanu iikku akkat ele uɗimut.

Esekiel 36:17

“Danab bekka, deɗ laa Israel ag ahilag wanppa daappig, haen amuppa ag kobol nau digdig, hak nau digdig ele heeg, ahilag wan am dahil neekkakppa dubuttid tak dayom. Kalam aqak tiig am dubuttid ele, amubia da Israel dilag hak haen amuppanu dahil neekkakppa dubuttid ele daye doomi.

Jeremaia 3:9

Israel danab ah ag eheɗ heppignu uug laa ii dooppig. Ag anam heegeg, wan am dubuttid tak ele daye, ag da dimeɗan, ag kayak hambuppuak dottolkad menppa hak, adppa hak ele, ag amu noolagppa dup nona binalag meppig, amuppa ag danab ah ag ewau pakkuna gappai hak kobol hetteb bia heppig.

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Maika 2:10

Ag nau amu hetteb amunu, ag ahan, wan imu uun ukkeg! Wan imuam ag ahilag aben hik aon daaglagnu iitta. Aɗinu? Ag heeg, wan ag daattebppa imu, am Kayaknu neekkakppa dubuttid tak ele daatte. Ao, ag heeg, wan ag daattebppa imuam nauha autanab awom daatte; babaittaknu elele iitta.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Nehemaia 9:25

Ig mamenkad aɗi bekkalkad ag aab okkai ɠagattag aɗ ele eɗadna aona, ag wan ittag ele aoppig. Ag lag kuɗumnab, wan amuppa daappig, appa keeke ena ena ele ambak dayom amu, ag amu aoppig. Le moɗ laa buuppig, grep dad, olip dad, ad meu otteb digdig huanak ele aoppig. Ag keeke amu oh aona, ag ee laeg, oolag aɗom. Ag ee elelenab amunu, ag enaib daappig. ⌊O Kayak,⌋ ag keeke ena ena na ag mattamenu ag gamag ahak eheɗ nau aoppig.

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.

Duteronomi 6:18

Am ahilagppa ena, elele ba daakkunu amu, ag Yawe noobppa kobol tutukku, kobol ena ele hena, amu ag Yawe Nug wan ena, ag mamelkad aɗi madakkunu nuhig nai ɠagattag qetta aum eleppa nona aon daaglag.

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Jeremaia 32:23

Na ag mattae, ag wan amuppa uɗin, danab daappig eppelagppanu aoppig, amge ag na oɗen ii dim lamidppig, nahip ɗo ele dim ii lamidppig. Ag na aɗi hekkulagnunab ame amu, ag ii heppig amunu, na uug nau imu ahilagppa hee beum.

Jeremaia 32:30

Israel huu, Juda huu ele ag memetalkad anukkanab, ag digmena, kobol digdig, danab nug kobol amu hette nug da neegttemppa eheɗ hette amu, ag kobol amu aakkuib heegeg uɗie, gemu ele hetteb. Genab, ag eppelagppa kayak hambuppuak dottolkad bappaidna, ag heegeg, da oppoɗil beum daatte.

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Hosea 9:3

Ag geha Yawenu wanppa ii daamna. Geha Israel danab ah ag Isip eɗun gokkulag. Ao, ag geha Asiria gona, appa ag ee ii lanaknu epeɗiak daatte lakkulag.

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

Nehemaia 9:26

Na ahilagnu enanag anam heme, amge ag na oɗen ii dim lamidna, nahip nai tappaeg ne, ag nahip ɗo ag dimulagppa meppig. Ag nahipad propet danab, danab amu ag ag eɗun, na waatppa daaglagnu ag amelagppa madippig amu, ag ag aqaeg mauhppig. Ag dabittak nai nau ele madippig.

Aisaia 19:25

Yawe Nukka Ɠagattag Oh Ele, Nug ag itittak ena inam madakku. “Isip danab ah, ag am danab ah dahilad, Asiria danab ah, da ag hattami, Israel danab ah amu, ag dahiladnab daatteb. Anam amu, ag oh ag itittak ena aon malappig,” awa ana itittak ena madakku.

Esekiel 20:24

Da amu hekkulnu diig am, ag dahil ɗo iɗu iɗu uun, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon ii dim lamidppig. Ag amu henana, ag mamelkad aɗi dilag kayak hambuppuak dottolkad ele binalag mekkulagnu oo hak nau doon, ag aakku heppig.

Esekiel 23:35

Anam amunu, Naɗi Yawe Nug inam atte. “Na dahilnu daut atie, da dimeɗan autnanab aonna, na gappai heeb baknu kobol henan, ib baag ah kobol ele heme amunu, na amunu bu aokkutoitte.” Yawe Nug anam atte.