Jeremaia 2:36 - Nobonob Baibel

³⁶ Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 2:36 Referans Kwoze

Jeremaia 31:22

O Israel danab ah, ag am nid ah laa, nug mameg oɗe ii doyaya, kobol digdig hette, ag amubia da dimeɗona kayak hambuppuak laala dim lamadtteb; amu haen gane laa ele ukkeb, ag kobol amu uun, eɗun Yawe ele laippu daaglag? ⌊Yawe Nug heeb, ag eɗun uɗiglag⌋ am kobol baunab aakku. Ah ag digmena, danab gumalob amuam kobol baunab aakku daalo, amubia Yawe Nug heeb, ag eɗun uɗiglag am kobol baunab aakku.

Hosea 5:13

Amu Israel danab ah ag ahilag oɗe anidna doon, ag Asiria dilag king ehanadkkunu dabmena oɗ medappig. Ge, Juda danab ah ag ag ihilkad anidna, ag Asiria dilag king okkai ehanadkkunu dabmena oɗ medappig. Ag anam heppig, amge Asiria dilag king nug heeb, ag ahilag oɗe iitta mekkunu elele iitta. Ao, Asiria dilag king nug heeb, ag ihilkad iitta mekkunu elele iitta.

Hosea 12:1

Israel danab ah ag am danab laa nug ulah lanan daakkunu hette bia hetteb. Ao, ag am danab laa nug kaɗag ulah deɗ ohppa dim lamittattaib hette bia hetteb. Ag hambuppuak kuɗumnab mattinna; ag danab ah guittak nau mauhnoak madatteb. Ag nug tituana nai qakkak Asiria danab ah ele heeg; ag ⌊Isip ahilagnu, “Ig lainig,” dooglagnu, ag amu daden nob daakkunu⌋ olip goɗen meeg, Isip gotte.

Jeremaia 2:23

Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

2 Stori 28:16

Amu dimppa amu, Edom dilag daup ag ahan, Juda banelag uɗin, Juda ele ban hena eɗadna, ag danab ah laa aɗualadna, diin ukkaeg, laih daappig. Haen amuib Pilistia dilag daup ag ele ahan, Juda wan ooppa qauko nakok qaban uɗitteppanu daatteb amu, ag appa, am Negeb ele aab laalappa gona, ban hena, eɗadna, ag aab amu aon daappig. Aab ag aoppig am Betsemes, Aiyalon, Gederot, Soko, Timna, Gimso ele. Ag aab amu eɗadna diiadna, ag aab naunau aab Soko, Timna, Gimso ele taliliattak daappig ele aoppig. Edom, Pilistia ele ag amu heeg, King Ahas nug Asiria dilag king nug uɗia, ehanidkkunu nai me ukkom.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hosea 10:6

Laa ag kayak hambuppuak dottolkad adppa hoyattak amu aon gona, king naɗi Asirianu, nuhig daakkunu hamu mettaglag. Israel ag geha uɗa nak nau guittak ele doon; ag kayak hambuppuak dottolkad eppelagppa hak ahilkad, ag amunu uɗa nak dooglag.

Hosea 7:11

Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Esekiel 29:7

Ag Isip ag Israel ehanadkkulagnu appig, amge iitta. Ag Isip ag am danab nug dudqak hokkat danab oikkunu aha aɗe, hokkat qiia, noob laih ukka, gukka yom bia, ag hokkat amu heum bia heppig. Ao, ag Isip ag am dudqak hokkat danab nug aɗa oikkunu dabmaama aɗa, ehanidkkunu uɗat mette, hokkat qiie, danab gome hiɗe, guittak okkai awom bia, ag Isip ag hokkat amu heum bia heppig.

Gayak Nai 5:6

Ig ee aot lawota, bau daagnignu; ig Isip, Asiria ele waalagppa daagnignu, ig ag ele nug tituanta, nai qakkat oimut.

Gayak Nai 4:17

Haen amuppa ig huu laa ag uɗin ehanigppeg, ig ii mauhmatanu dabmak okkainab aot, neegta daamut, amge ag ii uɗippig. Ge, ihinkad aɗi uɗitte anittak danab ag lag attan ta ukkak menppa hak, ag amuppa daanna, neekkeg ukke, huu laa ig ii nauhmatanu uɗin ehanigppeg anidkkulagnu daappig, amge huu amu ii uɗippig. Amu huu amu uɗilob, ag ehanigkkulagnu elele iitta.

Jeremaia 37:7

“Da, Yawe, da Israel dilag Kayak, da inam attem. Aa eɗuya goya, Juda dilag king, nug aa dahil nai aoya gopeɗ dookkunu maate uɗipiɗ amu, aa nug amegppa inam apeɗ doyaɗ! ‘Paro, nuhikkud daup ele, ag uɗin ehanidkkulagnu Isip wan uun uɗitteb amu, ag eɗun, ahilag wanppa Isip, appa gokkulag.

Jeremaia 2:33

Ah laa ag danab ah noolagppa ah ena daatteb, amge lokkumakppa ag danab kuɗum ele niiglagnu kobol kobol henana, danab kuɗum, ib baag ah eɗittak eeɗadtteb, ib baag ah ahilagppa ippunittak aoglagnu elele, ag Israel ag kayak laa dilagnu amubia hetteb.

Jeremaia 2:18

Ag laa ag Isip appanu ehanittak aoglagnu hetteb, amge aɗinu?. Ag laa ag Asiria appanu ehanittak aoglagnu hetteb, amge aɗinu? Ag wan aɗit amuppanu ehanittak ii aomna.

Aisaia 20:5

Anam beeb amu, danab ah laa ag Kus dilagnu oolagppa genab dooppig, ag Isip binalag meppig amu, ag geha keeke uug ele amu beeb anidna, ag geha baɗan, uɗalag nekku.

Jeremaia 46:12

Wanppan wan laappan danab ah ag ahilag uɗa naknu dooglag. Ag Isip, ag ahilag gayak baag am wanppan wan ohppa dayebeb dooglag. Aɗinu? Ahilag daup ag oolnana, nug ehanittaknu ii dabmenana, laa nug paha gokkunu haaha, layag ibppa daatte ii dabmedatta, layag baegppa qeeb, aa oh neya qekkulah.” Yawe Nug anam aum.

Esekiel 16:28

Na anam daame, amge na danab ele niiglagnu dabmak am iinab uun, na hee, Asiria danab ele niippig. Na ag ele niippig, amge na elele ii doon,

Jeremaia 22:20

⌊Juda danab ah⌋ ag ahan, Lebanon gona gayeg! Ag gaanna daappeg, Basan danab ah ag ag baalag doyeg! Ag Abarim appa gona daanna gayeg! Aɗinu? Kekeɗ ag ahilkad ehanittak oh heeg, padal meppig.

Jeremaia 22:22

⌊Ahilag eheɗ hak am anam amunu,⌋ ulah keeke uug iitta iwale gotte, amubia kekeɗ ag ahilkad danab okkai heppeg laih gokkulag. Ao, kekeɗ ag heppeg, ahilkad ehanittak laa ag diia ukka laih me dayak danab ah daaglag. Amu oh beeb, ag uɗa nak nau guittak ele dooglag. Amu oh ahilagppa bekkunu diig am, nau hak ahilag aakku.