Jeremaia 2:23 - Nobonob Baibel

²³ Ag, “Kayaknu neekkakppa ig oonigppa dubuttid ii teum daatte,” atteb, amge attem hena, ag anam atteb? Ag, “Ig kayak hambuppuak Bal iɗu iɗu dim dim ii lamidmut,” atteb, amge attem hena anam maditteb? Amu oh am nai genab iitta. Ag oolnu noak onig Hinom, ag appa kayak hambuppuak noolagppa dup nona binalag iite metteb? Ag hetteb. Ag aɗi aɗi heppig dabmena autna aweg! Ag kamel balat, dawai antteb papalkkunu qaiqaɗ laih gotte laih uɗitte, ag amubia kayak hambuppuak dilag dup nona binalag mekkulagnu hetteb.

Jeremaia 2:23 Referans Kwoze

Jeremaia 7:31

Oolnu noak onig Hinom Bekkanu Oolnu Noak, appa aben laa onig Topet daatte. Amu Topet appa Juda ag mana mettak aben kayak hambuppuak dilag mettid lag nakokppa bappaladna, appa ag bekkalkad, aɗelkad ele manadna, kayak hambuppuak madatteb. Da ag amu hekkulagnu iinab ami! Ag amu hekkulagnu dahil dabmakppa nakok laa iinab beum.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Luk 10:29

Nug anam aum, amge ɗo doyak danab nug nukka onig ena daakkunu ha, nug Jesus oɗ metta aum. “Am dahil mudippan laippu am aun?” oɗ mettom.

Jeremaia 31:22

O Israel danab ah, ag am nid ah laa, nug mameg oɗe ii doyaya, kobol digdig hette, ag amubia da dimeɗona kayak hambuppuak laala dim lamadtteb; amu haen gane laa ele ukkeb, ag kobol amu uun, eɗun Yawe ele laippu daaglag? ⌊Yawe Nug heeb, ag eɗun uɗiglag⌋ am kobol baunab aakku. Ah ag digmena, danab gumalob amuam kobol baunab aakku daalo, amubia Yawe Nug heeb, ag eɗun uɗiglag am kobol baunab aakku.

Jeremaia 9:14

Ag anam da ii dim lamiɗppig. Iitta. Ag da oɗel dim lamidmananu dabmak ahilag ɠagattag eppe, ahilag dabmak dim lamidkkulagnu dabmenan heppig. Ag mamelkad aɗi ag kayak hambuppuak Bal iɗu iɗu dim lamadkkulagnu ippunadppig, ag amubia dim lamadppig. ⌊Amu diig amunu uug amu oh aakku beum.” Yawe Nug haen amuppa oɗmak amunu nob ma, anam awa akku.⌋

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Prowerb 30:20

Imuam ah ewau pakkua gappai hette, nuhig kobol iikku. Nug kobol nau ha, hamunab doya; nug, ‘Da eheɗ laa ii hemi,’ awa atte.

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.

Sam 36:2

Aɗinu? Ag akka ag ahilagnu enanagnab dooglagnu ag akka ahilagnu oo eeɗaknu ittag nai maditteb. Ag Yawe Nug ag hipunin heppeg anidkkunu elele iitta daya, ag eheɗ heppignu ag amelagppa ii ama, ag anam dabmetteb.

Esta 8:16

Juda ag amunu oolag ena daye, ag gamag ahak okkai doyegeg, aben ohppa ag binalag okkai ele dayom.

Jeremaia 2:36

Ag dabmak digdig dim lamidnana, kobol kaboliak kuɗum hetteb. Tatam ag Asiria ehanadkkulagnu dabmeppig; iitta anidna, ag ahan, Isip ehanadkkulagnu goppig. Amge ag ele ii ehanadmana.

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Jeremaia 16:10

Am na, Jeremaia, na danab ah imu amelagppa anam appe, ag na amenppa inam akkulag. ‘Aɗinu Yawe Nug uug naunab amu ihinigppa heeb bekku? Ig aɗi eheɗ hemut? Ig Yawe, ihinig Kayak, ig nuhigppa aɗi hipunin hemut?’ aon akkulag. Ag anam appeg amu,

Hosea 1:2

Yawe Nug digma Hosea oɗeppa nai nuhig imu Israel danab ah amelagppa mattieb dooglagnu haaha, Nug nai imu Hosea amegppa aum. “Na gona, ah laa awe! Na aoppe, nug geha nahip ah daakku, amge nug ah nau dayebeb, nuhig nid laala amu ag mamelkad laappan daaglag. Aɗinu? Kobol amuam Israel danab ah ag dahilppa ewau pakkua gappai hak kobol uɗig wak naunab heegeg uɗie, gemu ele hetteb ⌊danab ah ippunadkku⌋. Israel ag kayak hambuppuak laala noolagppa dup nona binalag meegeg uɗie, gemu ele hetteb amu, kobol amuam gappai kobol ah nahip hekku, amubia,” awa aum.