Jeremaia 2:15 - Nobonob Baibel

¹⁵ Am genab, kekeɗ ag laion gaatte bia hena heeg, ag eheɗ aoppig. Ao, kekeɗ ag laion bau nug liɗimtte bia hena heeg, ag eheɗ daappig. Kekeɗ ag heeg, ag Israel, ag ahilag wan am nauhaknab awom. Ao, kekeɗ ag ahilag aab amoteg ewe, appa danab ah ii daatteb.

Jeremaia 2:15 Referans Kwoze

Jeremaia 4:7

Yawe Nug anam a, da, Jeremaia, da Juda danab ah amelagppa ami. “Laa amu uɗitte amu, nug am laion laa nug teɗ nuhigppan aha, doɗ aqeeb mauhkkulagnu oitte bia uɗitte. Ao, laa nug wan kuɗum he nauhtteb ele, nug uɗikkun aakku ahom. Nug heeb, ag Juda, ag ahilag wan am nauhaknab daakkunu ahom. Ao, nug heeb, ahilkad aab kuɗum am nauhakib daaglag. Danab ah laa appa ii daamna. Iitta.

Jeremaia 50:17

Israel am sipsip ag oolna, matatun gona daatteb bia daatteb. Laion nug sipsip lamatte gona, tamtam daatteb, Israel ag amubia daatteb. Tatam Asiria dilag king nug uɗia, doɗ layag qe mauhe latte bia heeg, Israel nauhom. Dimnab amu, Babilon dilag king Nebukatnesar nug uɗia, nug Juda danab ah he nauhna autna aoppig,” awa atte.

Jeremaia 9:11

Amu Yawe Nug inam awa atte. “Da heppi, Jerusalem am kinipan ameg okkai hume tak daakku. Doɗ jakal ag aguppa daaglag. Ge, da heppi, Judanu aab laala ag nauhakib daaglag. Danab laa appa daakkunu elele iitta daaglag,” awa atte.

Aisaia 5:29

Ban danab amu ag oɗelagppa ena, muttub qena, oqottilag laion gaatteb, baalag oqotti amubia oqotti okku. Ao, ag laion bau gaatteb bia heppeg, oqotti okku. Laion liɗimna, doɗ aɗan qena, maon ukkaeg, laa doɗ amu ehanitteb, qagaiettakppa ii daamanu ii daatte amu, amubia kekeɗ ag anam hekkulag.

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Sepanaia 3:6

Amu Yawe Nug atte. “Da wanppan wan kuɗum hei, nauhna autna aoppig daatteb. Ao, da hei, ahilag ban haknu aben ɠagattag ele nauhppig. Da hei, ahilag aab okkainu ib amu, danab ah laa ag appa ii oitteb. Ao, da hei, appa auntai laa ii noa gotte. Ahilkad aab am nauhak daatteb. Danab o ah laa appa bau ii daatte.

Sepanaia 2:5

Anam amunu, ag Keret danab ah yu ihippa daatteb ele, ahilagnu am gadonnab gadon. Ao, ag Pilistia danab, Kanan wanppa appa daatteb amu, Yawe Nug ag bu madakkunu matu aum. Yawe Nug inam aum. “Da heppi, ag ohnab padal mekkulag. Ag oolagppanu laippu laa bau ii daama,” awa aum.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Nahum 2:11

Laion ag nalkad teɗppa ee mattaeg latteb. Laion dawai, laion anig ele aa teɗppa ukkaeheh, nalti am baɗak laa iitta ele appa daatteb. Anukka Niniwe anam bia daye, appan danab ah ag baɗak iitta daappig, amge gemu am attemun? Gemu anambia iittanab iitta.

Amos 3:12

Am Yawe Nug inam ele atte. “Sipsip gumak danab nug laion uɗia, sipsip laa aɗa, beɗu he nauhe antta, nug aha, wagai ma, sipsip baeg ebehi aɗit, o daug laihib laion oɗeppanu eɗua aotte, amubia Israel danab Samaria daatteb laippu laippuib ehanittak aon daaglag. Gemu amu, Israel danab amu ag ahilkad betppa, o ahilkad sia enappa heɗep nen daatteb, ⌊amge ahilagppa uug nau anam bekku⌋,” awa atte.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Amos 3:4

Laion nug doɗ laa qa lakkunu oiyaya, nug doɗ laa ad qataiettak daattebppa ii antta dayaya, gayak okkai hettete? Iitta! Laion bau nug ele appidppa doɗ laa lakkunu ii qa dayaya, nug liɗimttete? Iitta!

Hosea 11:10

Geha, haen amuppa Israel danab ah ag da, Yawe, ag da dim lamiɗkkulag. Geha da laion huana gaatte, da anambia huana onilagppa ekkul. Da anam hekkul amunu, danab ah dahilad, ag qaban uɗitteppanu, beɗulag hahaɗebeb uɗiglag.

Hosea 5:14

Aɗinu? Da laion laa bia Israel danab oolagppa daakkul. Ao, da laion bau bia Juda danab oolagppa daakkul. Da laion nug doɗ awa kattiɗe, huppu naunau nette, amubia geha da Israel, Juda ele kattiɗatppi, naunau nepeɗ, da anam uuatppi daaglah. Ao, da laion ɠagattagnab nug doɗ laa qewowa, lakkunu mawa gotte, da amubia heppi, laa ehanatkkunu laa ii daama.

Esekiel 5:14

Da heppi, Jerusalem aab nauha auta aweb, wan laala Jerusalem talilidna daatteb, wan amuppan danab ah ag laih gonana, Jerusalem aab anidna, ag aon aon aqaglag.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Jeremaia 34:22

Da appi, Babilon dilag king, nuhikkud daup ele ag eɗun, aab okkai imuppa daanna, ban hekkulag. Ag aab imu eɗidna aon, ag manappeg eokku. Amu da heppi, Babilon dilag daup ag Judanu aab heppeg nauhattakib daappeg, danab ah laala ag amuppa daaglagnu elele iitta daaglag.” Yawe Nug anam awa atte.

Jeremaia 33:10

Amu Yawe Nug inam atte. “Na attem. ‘Aben imuam hele-ettak, wan meu waknu nakokib elele, am anam daakku, amu danab, doɗ ele imuppa ii daamna,’ aon attem. Na attem am genab, Judanu aab, aab Jerusalem imu ele nauhakib daaglag, amu danab, doɗ ele ag appa ii daamna, amge da heppi, aben amu ohppa danab ah ag qinob eɗun daanna,

Jeremaia 26:9

Anam anana, ag nai tuɗidna appig. “Aɗinu na, ‘Yawe Nug dimppa aɗi bekkunu nai imu meɗe madittem,’ anana, nai imu mattime? Na ame. ‘Yawenu lag Jerusalem daatte imu geha aab onig Silo, Nug he nauhom, lag imuam amubia daakku; aab okkai imuam hele-ettak daakku; amu danab ah ippa ii daamna,’ aon ame,” aon appig. Ag anam anana, danab ah oh ag Yawe laug ooppa Jeremaia talilidna daappig.

Jeremaia 25:30

Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.

Jeremaia 5:6

Danab ah imu oh ag anam hetteb. Ag Yawe oɗe huana tappaeg nette. Ao, ag haen kuɗum tuɗidna, Yawe dimettona kayak hambuppuak laala dim lamadtteb. Anam amunu, kekeɗ ag laion laa atuppanu uɗia, doɗ, o danab qe mauhtte bia heppeg nauhkkulag. Doɗ wulp, nug atu taɗak appanu uɗia, doɗ, o danab qe mauhtte bia kekeɗ ag heppeg, danab ah imu ag nauhkkulag. Doɗ laa onig lepad, pusi okkai amu, nug aab guguittak dayaya, aun laa aab dimittim uɗikku amu, doɗ amu nug aha, danab amu aɗa he, nug beɗu huppu naunau na niitte, amubia kekeɗ ag heppeg, danab ah imu ag nauhkkulag.

Aisaia 24:1

Yawe Nug genab geha wan atu oh heeb nauhakib daakku. Nug geha wan tappa oɗoɗa, eɗua eɗua ma heeb, wan am geha eɗua, iɗu laanab daakku. Nug geha heeb, danab ah ag oolna, matatun gokkulag.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Aisaia 5:9

Am Yawe Nukka Ɠagattag Oh Ele, Nug nuhig nai ɠagattag qetta, da amelppa inam aum. “Genabnab genab, gemu lag kuɗum daatteb, geha danab ag lag amuppa laa ii daamna; hele-ettak daaglag. Ao, gemu lag okkai okkai ena ena daatteb, amuppa danab ii daamna. Iitta!

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Job 4:10

⌊Danab nau hetteb ele ag am laion bia.⌋ Laion ag doɗ ɠagattag, ag baalagppa liɗimtteb, oɗelagppa ele gaatteb, amge laion bau, ag ele nauhtteb.

Ikki Danab 14:5

Aakku, Samson nug anam aum amunu, nug, mameg anig ele ag Timna nonana, ⌊Samson nug aa ele oh ii goppig, nukka piɗe ugekke,⌋ laion bau laa Timna dilag grep dad guguittak appa, baneb doa, gayaya uɗiom.

Jeremaia 51:38

Babilon danab ah ag laion bau doɗ laa qekkunu gaatte, ag amubia hetteb. Ag laion nag ee aokkun liɗimtte, ag amubia hetteb.

Esekiel 36:3

Kekeɗ ag anam appig amunu, danab bekka, na dimppa aɗi bekkunu nai imu qauko amelagppa inam appe doyeg! Naɗi Yawe Nug inam atte. “Kekeɗ ag uɗin, ban huan henan, wagai meegeg, qauko ag nauhatteg, danab laala ag, ag ag diiadna heeg, ahilag daappig. Ag anam heegeg, danab ah kuɗum ag ahan, ag ahilagnu ag nai nau anana, baeg qak nai ele appig,” ’ ” awa atte.

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Jeremaia 6:8

O Jerusalem danab ah, ag bu amu aomnanu, ag hamu bia aib dooppig. Iitta! Ag nau baula aomnanu dabmeig! Iitta dayeb amu, laa nug appa daakkunu elele iitta daakkunu, da dimatten heppi, ahilag wan am hele-ettak daakku,” awa atte.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Jeremaia 10:22

Ag daulag human doyeg! Oqotti okkai wan laa yawalti uɗitteppanu daatte, appanu uɗitte! Amuam kekeɗ huanak ag appanu uɗiegeg, oqotti otte. Ag uɗin heppeg, Juda dilag aabppa danab ah qainqainib daappeg, aab am nauhakib daaglag. Ao, doɗ jakal, ag aguppa daaglag.” Da anam ami.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.