Jeremaia 2:13 - Nobonob Baibel

¹³ Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Jeremaia 2:13 Referans Kwoze

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Jon 7:37

Hobul amu malaknu deɗ beum, deɗ amuam hobul amunu naɗinab amu, haen amuppa Jesus Nug hibaitta, baag okkaippa ewa aum. “Danab laa nug le baag diieb amu, nug da gumiɗa uɗia, le lanaɗ!

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 2:11

Ag neegna, ag danab ah laa ag ahilkad kayak uuadnana, kayak laa dim lamadtteb, o iitta antteg! Israel danab ah ag amubianab aakku heppig. Kayak laa oh am kayak genab iitta, amge dahilad danab ah ag da uuiɗna, ag kayak hambuppuak laa, kayak amu ag ag ehanadkkulagnu elele iitta, ag dottolkad amu noolagppa dup nona binalag madatteb.” Yawe Nug anam awa atte.

2 Pita 2:17

Aria, hambuppuak ippunittak danab amu ag am lenag qaɗaiedappig bia; ag am bud ulah iwalatte gotteb bia ele amunu Kayak Nug aben gatatu teppu naunab ele ahilagnu babaittom daatte.

Jeremaia 2:17

Keeke amu oh ahilagppa beum amu, amunu diig am, ag da, Yawe, ahilag Kayak, da ag omalatti uɗippig amu, ag da uuiɗppig. Ag da uuiɗppig amunu, kobol eheɗ ahilagppa beum ele, amuam ag beɗulagppa iittate?

Jeremaia 1:16

Ge, dahilad danab ah ag da dimeɗana, ag kalu danab ile muttuɗig enanag bette manan, kayak hambuppuak mattanna, ag akka eppelagppa dottolkad hadappig ele, ag dottolkad amu noolagppa dup nona binalag mena, kobol nau amu oh aakku heegeg uɗie, gemu ele hetteb amunu, da bu okkai ag madakkul.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Aisaia 63:8

Yawe Nug nuhikkud danab ah dilagnu, Nug aum. “Genab, danab ah imuam dahilad. Ag am da bekkalad, ag da ii buppuiɗmana,” awa aum. Nug anam aum amunu, Nug ahilag Padal ii maknu ehanittak beum.

Aisaia 5:13

Anam amunu, genabnab genab geha kekeɗ ag uɗin, ag dahilad danab ah, ag Yawe ɗonu, nuhig kobolnu ele doyak pehettak iitta amu, diig amunu kekeɗ ag ag diin, uma goppeg, ag diia ukka laih me dayak danab ah, wan laappa anam daaglag. Danab okkai okkai enugnu mauhkkulag. Danab ah laa ag le ele iitta daappeg, ag lemaɗulag qaɗaiedakku.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Eklisiastis 2:11

Da eppelppa uɗat amu okkai hein; da aɗi keeke bekkunu uɗat heinne daami. Da anam hemi, amge da hein malen, keeke amu oh am gaɗappa, unuqagppa ele anttak laippu iitta anidmi; keeke amu oh am danab nug ulah aɗakkunu, ulah dim lamidtte, am amubia. Aam waappa uɗat amu oh hemippa, am keeke meu ele ii beum.

Eklisiastis 1:2

Amu Dawit bekka, nug ippunittak danab amu, nug nai imu mattiom. Wan imuppanabnu keeke oh, ge keeke amu oh, am gaɗappa, unuqagppa ele anttak laippu iitta! Ge, gaɗappa, unuqagppa ele anttak laippu iitta! Am genab, gaɗappa, unuqagppa ele anttak laippu iitta.

1 Samuel 12:10

Kekeɗ ag Israel anam eɗatteg, Israel ag Yawe amegppa, ‘Ig na dim metat, ig kayak hambuppuak Bal, Astoret ele iɗu iɗu waalagppa daata, oɗelag dim lamidmut. Ig amu hemut amunu, ig hipunin hemut. Amge na ehanigna, kekeɗ ihinig eppelagppanu awigppe, ig naib waatppa daat, na oɗen dim lamidkkunig. Ig nahip kobolib hekkunig,’ aon appig.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Jeremaia 2:26

Amu Israel oh ag uɗa nak nau guittak eleppa daatteb. Haen polis ag yab danab aɗaeg, uɗa nak nau guittak ele dootte, uɗa nak ahilagppa anamib daatte. Ag, ahilag king, ahilag ehanittak anuqak danab, ahilkad mana mettak danab, amu ahilkad propet danab ele, ag oh anamib.

Eklisiastis 2:21

Uug da doominu diig am, danab laa nug uɗat nuhig hekkunu doyak dabmak ena okkai ele, uɗat amu haknu diignu doyak tutukku ele, eppeg uɗat amu haknu dootte amunu, nug ha autanab aotte, amge dimppa nuhig uɗatnu meu am laa nug uɗat ii heum ele, nug eppegppa gokku. Kobol amu ele am gaɗappa, unuqagppa ele anttak laippu iitta; kobol amuam uug naunab ele.

Eklisiastis 1:14

Da keeke oh danab ah ag ⌊beɗu ehanittaknu⌋ aam waappa henan daatteb anatten malami, amu keeke amu ohnab am gaɗappa, unuqagppa ele anttak laippu iitta; amuam danab nug ulah aɗakkunu, ulah dim lamidtte, am amubia.

Ikki Danab 10:13

Da anam aakku hemi, amge ag da uuiɗna, kayak hambuppuak noolagppa dup nona binalag meppig amunu, da baula ag ehanatte, ag eppelagppanu eɗue ii diipa.

Maika 6:3

⌊Amu Yawe Nug atte.⌋ “O danab ah dahilad, da ahilagnu aɗi eheɗ laa hemi? Da kobol eheɗ laa aɗi hei, ag bahilag yom? Ag oɗmak amunu nob mena meɗeg!

Maika 2:8

⌊amge⌋ dahilad danab ag tumai bia digmen ahan, dahil kekeɗ bia daan hetteb. Ag hak ahilag am inam. Ban danab ag banppanu eɗun uɗin, ibppa danab ah ag uug laa bekkunu ii dabmena oiyegeg, amu dilag keeke wagai mena, yab aotteb amu, ag amubia hetteb.

Jeremaia 18:14

Sno Lebanon qaukoppa daatte, am alet anamib daatte. Ii iitta mette. Ao, le oug appanu nette amu, le amu ele alet, anamib nette. Ii iitta mette.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

Eklisiastis 12:8

Da ippunittak danab, da attem. “Gaɗappa, unuqagppa ele anttak laippu iitta! Gaɗappa, unuqagppa ele anttak laippu iitta! Keeke ohnab am gaɗappa, unuqagppa ele anttak laippu iitta!”

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 4:11

Jesus Nug anam a amu, ah nug aum. “Danab Naɗi, na le itakkutnu hanak iitta, am le moɗ imu ele umanab unuqagnab daatte amunu, na le bauklel ele amu adeppanu aokkut?

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Jeremaia 14:3

Anuqak danab ag heppeg, ahilkad maɗi nid ag le moɗ buuppigppa le itaglagnu gokkulag, amge ag le laa ii anidmana. Ag le ii anidna, ag eɗun, le iitta hamu gonana, ag oolagppa uug nau qak doon, dabmak huanaknab aonna, ikkilag hautkkulag.

Jeremaia 19:4

Aɗinu da anam hekkul? Juda danab ah ag da dim lamiɗaknu uun, kayak laihnu diiadna uɗin meeg, aben imuam kayak hambuppuak dilag aben aakku daatte. Ag aben imuppa doɗ manan, kayak hambuppuak amu mattegeg uɗie, gemu ele hetteb. Ag, am ag mamelkad aɗi ele ag kayak amu ii dooppig. Juda dilag king tatam daappig, ag ele kayak amu ii dooppig. Juda amu henana, ag laa eheɗ laa ii heppig, beɗulagppa aab iitta ele, ag ag hamu aqaeg mauhegeg uɗie, gemu ele hetteb.

Esekiel 47:1

Aria, danab amu nug anam da amelppa ana, nug eɗua, da omaiɗa, Kayaknu mettid lag odppa ukke, da neekki, le laa Kayaknu mettid lag od ukku, laih kaɗag uɗitteppanu, amu waappanu noa ugekke anidmi. Amu le amu Kayaknu mettid lag, amuppanu aam bedeppa, appa ugakka, qaɗab laih yau uɗitteppanu qe-eɗitta, aam bedeppa, appa wana ukkom. Le amu Kayaknu mettid lag, amuppanu kaɗag uɗitteppanu, appa ukkomnu diig am, Kayaknu mettid lag noob am kaɗag uɗitteppanu daatte.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

Aisaia 1:4

O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.