Jeremaia 18:18 - Nobonob Baibel

¹⁸ Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 18:18 Referans Kwoze

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Jeremaia 18:11

Anam amunu, Jeremaia, na danab ah Jerusalem daatteb, Juda danab ah laa oh ele inam amelagppa appe doyeg! ‘Yawe Nug inam atte. Antteg! Da uug naunab ahilagppa bekkunu babaittette daattem, da ag nau aoglagnu ib aakku ooɗttem amunu, ag anen anen ag nau tuɗidna hemananu ag oolag eɗueb, ag ahilag kobol, ahilag hak ele tutukku dayaɗ!’

Sam 21:11

Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

Jeremaia 43:2

Nug ag amelagppa aum, amge Hosaia bekka Asaria, Karea bekka Johanan, amu beɗuppa tak danab laa oh ele ag akka ag ahilag dabmak dim lamidkkulagnu wagai meppig amu, ag ahan, Jeremaia amegppa appig. “Na hambubuttem. Yawe, ihinig Kayak, Nug na ig amenigppa, ‘Ag Isip aib gona daan oippig,’ na ig amenigppa akkutnu meitte ihinigppa ii uɗime.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Job 5:13

Danab ⌊wan imuppan⌋ dabmak doyak ena ele laala ag doyak amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb. Ge, danab laa ag keeke laa hekkulagnu lokkumakppa dabmenana maittak eheɗ aotteb ele amu, Kayak Nug he, ahilag hak nau amu aakku padal mette.

1 King 22:24

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Jon 9:40

Ɗo gumak danab-Parasia laa appa Nug gukkuidna daappig ele amu, ag amunu appig. “Ig elete danab amenig gaɗuak?” aon appig.

Jeremaia 26:11

Daaegeg amu, mana mettak danab, amu propet ele ag Juda dilag kingnu ehanittak anuqak danab, amu danab ah oh ele amelagppa appig. “Danab imu nug nuhignu, ‘Da propet,’ atte amu, nug kekeɗ ag aab okkai imu heppeg nauhkkunu aum amunu, nuhig propet nai amunu ig qepput mauhkku am elele; am ena. Nug nai amu mattieye, ag daulagppa aakku dooppig,” aon appig.

Luk 11:45

Jesus Nug anam a amu ɗo mehuqak danab doyak amu okkainab ele laa nug oɗeppa awa aum. “Ippunittak danab, na nai ame amu, na nai amuppa ig nai dittiakppa yaaigttem,” awa aum.

Jeremaia 44:17

Ig kayak laa onig Astoret, onig laa Habnu Kuin, ig nug noobppa dup nota, nug binag mekkunignu nai atat, ɠagattag qakkamut amu, ig genabnab genab anam aakku hekkunig. Ig kalu danab ile muttuɗig enanag bette mait, nug mettagnig. Ig nuhignu wain gokkaɗaknu ofa hekkunignu wain gokkaɗkkunig. Ig, ig mamenkad aɗi, ihinkad king, ihinkad ehanittak anuqak danab laa ele anukka Judanu aabppa, Jerusalem appa ele heppig, amubia ig hekkunig. Aɗinu? Anukka, ig Juda wanppa amu hemut, haen amuppa ig ee ele daamut, uug laa ihinigppa ii beum.

Jeremaia 8:8

Ag inam atteb. “Ig Yawenu ɗo ele amunu, ig am danab doyak dabmak ena ele,” amge ag diig attemun anam atteb? Genabnab genab, ahilag ippunittak danab ag uɗat okkai henan, ɗo dahil yaan ippunadppig, amge maɗi ahilag amuam meu iitta.

Jeremaia 18:19

Ag anam aegeg amu, Jeremaia nug Yawe unuqitta aum. “O Yawe, na dahil unuqittak dookkutnu oɗ medattem. Ao, na laa kekeɗ meɗappig umu, ag aɗi aɗi maditteb amu, na daut human, amu dookkutnu unuqidttem.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 37:13

Nug anam heum, amge haen nug aabnu aɗ od laa onig Benyamin od, nug appa ta, aab dimittim gokkunu ukke, daup od amu gumappig ele dilag okkai Iriya, nug Jeremaia aɗom. Iriya mameg am Selemia, nug alag am Hanania. Iriya nug Jeremaia aɗa, nug aum. “Na ahan, Babilon daup gumadna goppe, ag ele daaglagnu hettem,” awa aum.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

2 Stori 24:21

Sekaraia nug anam ag amelagppa aum, amge king, danab okkai ele ag Sekaraia qeppeg mauhkkunu dabmak aona, king nug haknunab a, ag Yawenu mettid lag haɗap-ppa menppa nug qeeg mauhom.

Jeremaia 1:19

Ag na ele ban hekkulag, amge ag na ii eɗidmana. Aɗinu? Da na ele daattep. Da ehanidppi, na padal ii menana.” Yawe Nug anam awa aum.

Jeremaia 44:16

“Na, ‘Da Yawe oɗe awen, iikku ag amelagppa madittem,’ ana, nai ig amenigppa mattie doomut amu, ig daunig humat, nai amu ii doomta.

Gayak Nai 3:62

Ao, na dahilad kekeɗ ag deɗ oh amun tuqan ele aɗi eheɗ dahilppa hekkulagnu akka akka otiptip-ppa maditteb amu, na amu oh ele doottem.

Maika 3:6

Ag eheɗ amu hetteb amunu, ag tuqannu gatatu ooppa daan, buttinu keeke dooglagnu ag tul niiak nakok laa ii anidmana. Ao, gatatu ag tonatteb, emanppa ag dimppa aɗi keeke bekkun daatte doon mattiglagnu ehanittak ii aomna. Aam am propet hambuppuak ag amahlak ii mattama. Ao, propet hambuppuak ag amunppa ele gatatuppaib daaglag.

Maika 3:7

Propet hambuppuak, ag uɗalag nekku. Ao, eman hak danab ag uɗa nak nau guittak ele dooglag. Da Kayak, da nai nakok laa ii madapa. Anam amunu, propet hambuppuak ag uɗa nak doon, ag iɗulag hautkkulag,” awa atte.