Jeremaia 17:27 - Nobonob Baibel

²⁷ Ag da oɗel dim lamidkkulag dayeb amu, anam daakku, amge ag oɗel ii dim lamidkkulag dayeb, ag Sabat deɗ am dahilnu tituanak daakkunu ii dabmekkulag dayeb, ag Sabat deɗppa keeke maon uɗin, Jerusalem aab aɗnu od laalappa uɗin, aab ooppa gokkulag dayeb, da heppi, aab ewak, laa qauhkkunu elele iitta aɗnu odppa digma ewawa, appanu ewebeb ukkeb, aab oh, nuhig aab aɗ ɠagattagnab ele oh eokku.” ’ ” Yawe Nug anam awa atte.

Jeremaia 17:27 Referans Kwoze

2 King 25:9

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Jeremaia 7:20

Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Amos 1:14

Amon danab ag anam heppig amunu, da heppi, Amon dilag aab okkai Raba aab eweb; Rabanu aab aɗ ɠagattagnab ele, aab amu ele ewatteb, iitta mekkulag. Kobol amu bekku amu, deɗ amuam bannu deɗ, danab ag ban henana, ban haknu ewak huana hebeppeg, uug mettak deɗ amuppa ulah huanaknab ele uɗikku.

Esekiel 22:8

Dahil keeke, dahilnu tituanak daatteb amu, ag Jerusalem danab ah ag keeke amunu ena iinab doyegeg uɗie, gemu ele anam hetteb. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidna, gemu ele hetteb.

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Jeremaia 49:27

Amu Nug imu ele atte. “Da heppi, kekeɗ ag uɗin, Damaskus aab manappeg ewa, aɗ am nauhakib daakku. Ao, da heppi, kekeɗ ag uɗin, Benhadat, Damaskus dilag okkai, ag nuhikkud aab aɗ ɠagattagnab ele manappeg, nauhakib daaglag,” awa atte.

Jeremaia 39:8

Appa ag Sedekaianu anam heppig, amge Babilon daup Jerusalem daappig amu, ag kingnu lag enanagnab manaeg ewe, danab ah laulkad ele manatteg ewegeg, ag aab aɗ ele loppaɗeg, nauhakib dayom.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Amos 2:2

Moap danab ag anam heppig amunu, da heppi, Moap wan eweb; Kirotnu aab aɗ ɠagattagnab ele, aab amu ele ewatteb, iitta mekkulag. Kekeɗ ag ban hebeppeg, muttub okkai naɗi dayebeb, Moap na qekku. Ge, ban haenppan ewak huanak dayebeb, trampet ele gayebeb, Moap na qekku.

Amos 1:12

Edom danab ag anam heppig amunu, da heppi, Edom dilag aab Teman aab eweb; Bosranu aab aɗ ɠagattagnab ele, aab amu ele ewatteb, iitta mekkulag.” Yawe Nug anam atte.

Amos 1:10

Tair danab ag amu heppig amunu, da heppi, ahilag aab Tair am aab eweb; Tairnu aab aɗ ɠagattagnab ele, aab amu ele ewatteb, iitta mekkulag.” Yawe anam awa atte.

Amos 1:7

Pilistia danab ag amu heppig amunu, da heppi, ahilag aab Gasa am aab eweb; Gasanu aab aɗ ɠagattagnab ele, aab am ele ewatteb, iitta mekkulag.

Amos 1:4

Aram danab ag amu heppig amunu, da heppi, ahilag King Hasael laug aab eweb; aab aɗ ɠagattagnab ele, ahilag king laa Benhadatnu amu, aab amu ele ewatteb, iitta mekkulag.

Esekiel 16:41

Ag lag kuɗum, na appa eheɗ hekkutnu bappaidme amu, ag amu amotppeg eweb, ah laa kuɗumnab amelagppanab na bu mettaglag. Amu da heppi, na baula ib baag ah ii daamna. Na baula danab laa ag na ele niiglagnu men doɗo keeke ii mattamna.

Jeremaia 44:16

“Na, ‘Da Yawe oɗe awen, iikku ag amelagppa madittem,’ ana, nai ig amenigppa mattie doomut amu, ig daunig humat, nai amu ii doomta.

Jeremaia 32:29

Babilon daup, ag gemu aab okkai imuppan danab ah aqaglagnu ban hetteb, ag aab okkai imu eɗidna, ooppa uɗin, maippeg eokku. Ewebeb, Jerusalem danab ah ag lag laala koɗokkoppa tena, appa ag kalu danab ile muttuɗig enanag bette ele main, kayak hambuppuak Bal mettona, ag wain gokkaɗaknu ofa kayak hambuppuak laala dilagnu ele heeg, da oppoɗil beum amu, Babilon dilag daup ag lag amu ele maippeg eokku.

Jeremaia 22:5

Amu Yawe Nug imu ele atte, “Amge ag haknunab nai da ag madattem dim ii lamidkkulag dayeb, da dakka da onilppa da dahil nai ɠagattag qetten, da heppi, lag enanagnab imuam nauhaknab aakkuib daakku attem,” awa atte.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Jeremaia 17:4

Ag beɗulagppa ag wan ahilag, da wan amu ag aulag daakkunu ag mattami amu, ag beɗulagppa ag wan amuppa ii daamna. Ag hipunin anam heeg, oo nauhak dahil am aab huana ewewe, laa qauhkkunu elele iitta bia daatte amunu, da heppi, ag kekeɗ waalagpa, ahilag begbeg maɗi nid daan, ag wan laappa, ag amu ii dootteb ele, ag aguppa anam daan oiglag,” awa atte.

Jeremaia 6:17

Amu da aɗi uɗitte anttak danab ehanadkkulnu maatte, da, ‘Danab amu ag trampet iwalppeg, ag doyeg!’ ami, amge danab amu ag trampet iwalegeg, ag dooglagnu uuppig. Ag, ‘Ig ii doomta,’ appig.

Aisaia 1:31

Haen amuppa danab ɠagattag ag gikkiɗah bunaɗak bia daappeg, ahilag kobol nau amu aab ewawa, attokke na amu, kobol nau ahilag am aab aeg amubia daakku amunu, aab ewawa, aab adokka na, aeg ta he, gikkiɗah eotte, amubia uɗat nau amu ahilagppa anam hekku. Anam bia hipunin danab ag nob nau aoglag. Amu haen amuppa danab laa nug ag ehanadkkunu laa iitta.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Sam 122:7

Amu da maɗoɗ Jerusalemnu aɗ ooppa daakkunu ool daatte. Ao, da ban danab ag nahipad aab ooppa aben aɗ ɠagattagnab eleppa daatteb amu, ag ɠagattagib daaglagnu ele ool hette.

Jeremaia 18:1

Deɗ laa Yawe Nug Jeremaia nai laa metta, Nug aum.

Gayak Nai 2:6

⌊Kekeɗ ag⌋ dad heeg nauhtte, amubia Nug he, Nug laug nauhaknab daatte. Ao, Nug he, danab ah Nug noobppa qagmekkulagnu lag, lag amuam nauhom daatte. Yawe Nug he, Juda danab ah ag Sion tena, hobul dayaknu haen epeɗiak, Sabat ele dabmekkulagnu amu, ag amu hekkulagnu elele iitta. ⌊Juda danab ah ag hipunin heppig amunu,⌋ Yawe oo nauhak huanaknab doya; Nug king, mana mettak danab ele geɗattom.

Esekiel 21:15

Danab ah oolag bodoettak, ɠagattag iitta dooglagnu, ag kuɗum mauhkkulagnu ele da, Yawe, da dahil qep elab, qep amuam danab aqadtte ele, da qep amu Israel dilag aabnu aɗnu od ohppa memi daatte. Ge, laa nug qep dahil aɗa, danab ah aqakkun aɗom daatte. Nug he, qep amu amemɗi bia, amemɗiag aotte.

Esekiel 23:38

Aa amu heyaya, aa inam ele dahilppa hepiɗ. Aa heeh dahil neekkakppa dahil mettid lag dubuttid teum daatte, amu aa ɗo da aa Sabat deɗppa dim lamidkkulahnu ami amu, aa amu ii dim lamidpiɗ.

Hosea 8:14

Da, Yawe, da Israel danab ah hattami, amge ag dahilnu daulag atie, ag king laulkad okkai okkai buualadppig daatteb. Juda danab ah ag ⌊kekeɗnu baɗan,⌋ ag aab kuɗumppa aɗ keeke heppig. Ag anam heppig, amge da heppi, aab dittia, ahilkad aab okkai, amu ahilkad aab okkai aɗ ɠagattagnab ele eokku.” Yawe Nug anam awa atte.

Esekiel 21:3

na inam appe doyeg! ‘Da Yawe, da inam attem. Da ahilag hak amunu eheɗ doyeye ool ii madattem. Ag Israel amu, ahilag kekeɗ am qep elab dahil bia, amu da qep elab dahil nuhig gaɗappanu eeɗe awen, amuppa genab tutukku hak danab, nau hak danab ele aqappi mauhkkulag.