Jeremaia 15:3 - Nobonob Baibel

³ Amu Yawe Nug atte. “Da heppi, kekeɗ nau waɗele ag Juda danab ah, ahilagppa bekkulag. Laa am ban haenppa kekeɗ ag qep elabppa aqappeg mauhkkulag. Laa am qai ag laa gaɗalag eeɗadna, laih gokkulag. Laa am ai ag uɗin, gaɗalag lakkulag. Amu laa am doɗ dakkuɗ ag ag gaɗalag qai, ai ele ii lappig ele, ag lakkulag.

Jeremaia 15:3 Referans Kwoze

Duteronomi 28:26

Ag gaɗalkad am ai, doɗ dakkuɗ ele dilag ee daappeg, ladappeppeg, auntai laa ag lamadkkulagnu ii daama.

Lewitikas 26:22

Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.

Lewitikas 26:16

da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag.

Revelesen 6:8

A amu da neekke, hos laa, nuhig beɗu anttak am lanlan geɗaɗa ele, da amu anidmi. Anitti amu danab hos amu attan dayom, nug onig Mauhak. Hades nug nug gukkuitta dim lamitte dopiɗ. Aa dopiɗ, amu wanppan danab ah oh waɗele waɗele oolagppa aa qep elabppa, enugppa, oɗe danab kuɗum aqe mauhttebppa, amu doɗ dakkuɗ oɗelagppa ele hepeɗ, laippu mauhkku, ewam bau daaglagnu ɠagattag aopiɗ.

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Jeremaia 7:33

Amu haen amuppa danab ah gaɗalkad hamu wan qaɗeppa niippeg, ai hab waappa hagagaɗna oitteb, doɗ dakkuɗ ag wanppa oitteb ele, ahilag ee daaglag. Ag anam daappeg, laa ai o doɗ amu lamadkkunu ii daama.

Aisaia 18:6

⌊Kekeɗ ag geha ban danab wan amuppan kuɗumnab aqappeg mauhppeg,⌋ ag gaɗalag geha mauhna niippig, aben amuppaib anam niippeg, ai doɗ latteb ele, ag lattaglag. Ao, doɗ, ag doɗ teppu latteb ele amu, ag lattaglag. Gakkaɗak haenppa, geha ai teppu latteb ele, ag lakkulag; oug haenppa am geha doɗ teppu latteb ele, ag lakkulag.

Jeremaia 12:9

Ai laa doɗ qe mauhe latte, o doɗ laa onig haaina, nug ele anamib hette amu, dahilad danab ah ag amubia daanna, eheɗ heiɗtteb, amge wan kuɗum, ag ai nau bia, ag ag taliliadna daatteb amunu, wan laappan danab ag ⌊ai amu, o⌋ doɗ dakkuɗ qagmena, ahan uɗin, dahilad danab ah ele ban hena eɗadna heppeg, padal meig!

Jeremaia 14:16

Ag anam mauhkkulag, amu danab ah laa, propet amu ag ag amelagppa nai ahilag maditteb amu, danab ah amu ele ag anamib mauhkkulag. Ag mauhppeg, laa ag ag gaɗalag agappeg gona, lag dimittim aab Jerusalemnu ibppa hamu anam niiglag. Huanak mauhkkulag amunu, laa ag, ag waalkad, ag bekkalkad, ag aɗelkad ele boumadkkunu ii daama. Danab ah amu ag nai hambuppuak amu doon, dim lamidnana, hipunin huanak hetteb amunu, ag bu nau aoglagnu daanna, da heppi, ag bu anam aakku aoglag.

Jeremaia 16:4

“Ag oɗe naunabppa mauhkkulag. Ag mauhppeg, laa ag ii mahimna, ii boumadmana ele. Ag gaɗalag hamu kinipan bia wanppa niiglag. Ele amu, kekeɗ ag qep elabppa ag aqappeg mauhppeppeg, ag enugppa ele mauhkkulag. Ag mauhna, ag gaɗalag am ai hab waappa hagagaɗna oitteb, doɗ dakkuɗ wanppa oitteb ele dilag ee daaglag,” awa atte.

Gayak Nai 3:11

amubia Nug aɗaila, ibppanu eeɗila, guittak okkai meɗe, da nauhmi. Da nauhi, Nug uuiɗe, laa ehaniɗkkunu ii dayom.

Esekiel 33:27

⌊Amu danab bekka, na tuɗidna,⌋ na ag amelagppa, ‘Naɗi Yawe Nug inam atte,’ awona, na imu ele ahilagnu appe doyeg! ‘Ag wan imu ii aomna. Da Naɗi Yawe, da inam attem. Da genab bau daattem, genab amubia ag gemu aab nauhppig daattebppa daatteb amu, laa ag qep elabppa ag aqappeg mauhkkulag. Ag laa ag aab dimittim wanppa daatteb amu, da ag doɗ dakkuɗ nau eppelagppa maadppi, ag ag aqappeg mauhppeg, lattaglag. Amu ag laa ag ban haknu aben ɠagattagppa, o wan oɗeppa daatteb amu, oɗe nau danab kuɗum aqe mauhtteb amu ag aqeb mauhkkulag.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.