Jeremaia 15:18 - Nobonob Baibel

¹⁸ Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 15:18 Referans Kwoze

Jeremaia 30:15

Ag danab nug ihi nau ele dayaya gaatte bia gaatteb, amge diig aɗinu ag anam gaatteb? Ag danab nug guittak nau, laa nug heeb, iitta mekkunu elele iitta, nug anam ele dayaya gaatte bia gaatteb, amge diig aɗinu ag anam gaatteb? Amunu diig am, ag beɗulagppa aab nau ele, ag ahilag hipunin huanak amunu, da bu nau amu mattami.

Job 34:6

Ao, da tutukkuib madittem, amge Nug dahilnu, “Nai hambuppuak maditte,” dabmette; da beɗulppa aab iitta, amge Nug bu meɗe, ihilad nau, iitta mekkunu am iitta da beɗulppa daatteb.’ Job nug anam atte.

Maika 1:9

Aɗinu da anam gaakkul? Samaria nug guittak okkai awom; eɗua ena daakkunu elele iitta. Ao, guittak amu Juda ele aokkunu miag doum daatte. Dahilad danab ah dilag wannu odppanab uɗiom daatte. Am Jerusalem aabppanab beum, aakku daatte.

Jeremaia 30:12

Amu Yawe Nug inam awa atte. “Ag Jakop buɗub, ag danab nug layag guittak okkainab mette, ihi nau awe, dokta babaitteb ena daakkunu ib laa iitta bia daatteb. Ao, ag Jakop buɗub ag am danab nug guittak okkainab awe, ihi nau daye, dokta babaitteb, eɗua ena bekkunu ib laa iitta bia daatteb.

Jeremaia 20:7

⌊Jeremaia nug Yawe amegppa aum.⌋ “O Yawe, da nahip uɗat hekkulnu ɠagattag ame, amu da aakku hemi, gemu ele hettem. Ao, na da nahip uɗat hekkulnu wagai meme, amu da aakku nahip uɗat hemi, gemu ele hettem. Amu gemu danab ag dahilnu hanhan ihaklel doon, imiɗtteb. Ao, danab ah oh ag da aon aon iutteb.

Jeremaia 14:19

O Yawe, na Juda danab ah geɗadna malamete? Na Sion danab ah dilagnu ena iinab doottemte? Na guittak nau mekke, ig eɗut ena daagnignu ib laa iittanu diig dookkulnu oɗ medattem. Ig maɗoɗ ele daagnignu oonig dayom, amge ena laa ihinigppa ii beum. Ao, ig eɗut ena daagnignu haen daakkunu oonig dayom, amge baɗak eheɗ nau ele aakkuib beum daatte.

Jeremaia 14:3

Anuqak danab ag heppeg, ahilkad maɗi nid ag le moɗ buuppigppa le itaglagnu gokkulag, amge ag le laa ii anidmana. Ag le ii anidna, ag eɗun, le iitta hamu gonana, ag oolagppa uug nau qak doon, dabmak huanaknab aonna, ikkilag hautkkulag.

Sam 6:3

Da ool uug okkainab ele daattem. O Yawe, haen gane laa ele ukkeb, na da ehaniɗkkut? Ge, haen gane laa ele ukkeb, na da ehaniɗkkut?

Maika 1:14

Ag heppig amunu, ag ⌊wan laappa diia ukka laih me dayak danab ah daaglagnu⌋ gonana, danab ah Moreset Get daatteb, ag keeke ahilag daaglagnu hamu mattaglag. Israel dilag king ag aab Aksipnu, “Ag heppeg, kekeɗ ag ii eɗadmana,” atteb, amge iitta, ag eɗadna uɗiglag.

Job 14:11

Le gottu qaɗaiedatte; o iitta, le laa qaɗaiette, le amun ippu ele qaɗaietta aut auta awak daatte,

Jeremaia 20:18

Da uug digdig hanhan anidttem. Da uugnu oo doyak doyeye oittem. Da uɗa nak doyeye mauhkkulnu oittem. Aɗinu da anai ooppanu dokkulnu dayom?