Jeremaia 15:12 - Nobonob Baibel

¹² Amu Yawe Nug Juda dilagnu tuɗitta, inam aum. “Danab nug keeke aenppa hak, aen enanag laihnu awa uɗiak, o keeke brasppa hak eppegppa heeb qiikkunu elelete? Iitta. Amubia ag kekeɗ yawalti uɗitteppanu uɗitteb ele, ag amu eɗadkkulagnu elele iitta.

Jeremaia 15:12 Referans Kwoze

Jeremaia 28:14

Amu bekkunu diig am, Yawe Nukka Ɠagattag Oh Ele, Israel dilag Kayak, Nug inam atte. “Da wanppan wan ohppan danab ah ag Babilon dilag king Nebukatnesar waappa maɗi nid daan, nuhig uɗat hekkulagnu ag duulkadppa doɗnu duugppan tuqai laa aenppa hak meppi, ag nug waappa maɗi nid daan, nuhig uɗat hekkulag. Da amuib ii hepa. Iitta. Da ele heppi, doɗ dakkuɗ ele ag nug oɗe dim lamidkkulag,” awa atte.

Aisaia 45:9

Danab nug laa nug heittom ele, nug nuhignu nai hette amu, danab amunu am gadonnab gadon. Ao, danab ag waa aoɗak qatti laa, ag amubia aakkuib daatteb, amu danab nug laa nug heittom ele nuhignu nai hette ele amu, nug waa aoɗak qatti kuɗum oolagppa bia daatte aakkuib amunu, nuhignu am gadonnab gadon. Waanu lekkoh nug aha, nug waa keeke hak danab amegppa, ‘Na aɗi hekkutnu hettem,’ attete? O waa nug aha, ‘Laa heiɗtte ele amu, nug eppeg iitta,’ attete?

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?

Namba 34:7

Ahilag tom yawalti uɗitteppa amu, Mediterenia yuppanu tutukku ukka, Hor qauko batakku.