Jeremaia 14:2 - Nobonob Baibel

² “⌊Gu ii nekku amunu,⌋ Juda danab ah ag gaaglag. Aabppan danab ag uug naunab dooglag. Ag ahilag wan nauhkku amunu, ag qanak bia hekkulag. Jerusalem appa gayak aakku daakku.

Jeremaia 14:2 Referans Kwoze

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Jeremaia 8:21

Da ele tiinig laippu ag aakku guittak naɗi okkai aon malappig amunu, da oolppa ele guittak okkai naɗi doottem. Da mahiak okkai hettem. Da antten, ameg iɗuak doottem.

1 Samuel 5:12

Kuɗum ag mauhadna malappig, amge laa ag ii mauhppig amu, Kayak Nug he, mamattin nau ag beɗulagppa beum amunu, ag eheɗ gaappig. Ag gaaegeg, gayak amuam habppa teum.

Sekaraia 7:13

Amu Yawe Nukka Ɠagattag Oh Ele Nug atte. “Israel danab ah ag da ag amelagppa nai mattimi, haen amuppa ag dahil nai dooglagnu uuppig amunu, ag da onilppa eeg, da ele ii doomi.

Jeremaia 11:11

Amu Yawe Nug atte. “Juda ag anam hetteb amunu, da heppi, uug naunab laa, ag eɗidna, ii anidmananu elele iitta, ahilagppa bekku. Uug naunab amu beebeb, ag da ehanadkkulnu da onilppa ekkulag, amge da ahilag ewak da ii doopa.

Joel 2:6

Am danab wanppan wan ohppa daatteb ele, ag tap-lokus amu anidna, ag eheɗ baɗaeg, beɗulag hahaɗtte; iɗulag ele hakkab ebatte.

Joel 1:10

Dad okkai oh am nauhppig, wan qaɗaiettom; danab daalo am mahilo. Aɗinu? Keeke ee aeg otteb am padal meeg, muɗi grep ele qaɗaiettom. Olip ad, nuhig goɗen iitta meum.

Hosea 4:3

Diig amunu ahilag wan atu taɗatte. Danab ah appa daatteb amu, ag mauhegeg, doɗ dakkuɗ, ai, kakai keeke, ag ele mauhadtteb.

Gayak Nai 5:10

Danab enug eheɗnab qe, beɗu eheɗ gakkaɗtte; amubia ig enugnu beɗunig gakkaɗaknab daatte.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Jeremaia 12:4

O Yawe, wan gemu qaɗaietta, nauha auta awom daatte; amu haen gane laa ele ukkeb, uug amuam iitta mekku? Ao, gemu dad okkai ohppa gikkiɗah bunaɗom daatte; amu haen gane laa ele ukkeb, uug amuam iitta mekku? Nau hak danab ag wan imuppa daatteb, ag hipunin henana, ag, ‘Yawe Nug eheɗ hak ihinig ii anidtte,’ aon atteb amunu, uug nau amu be, doɗ ai ele ag aakku mauhppig.” ⌊Jeremaia nug anam unuqittom.⌋

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Aisaia 33:9

Ihinig wan am nauhak daatte, appa danab ah laa ii daatteb. Lebanon appanu ad huanak bunaɗtteb. Atu onig Saron amu, gemu wan amuam atu Araba, am amubia daatte. Wan laih onig Basan, qauko nuhig Karmel appa amu, ad nauhegeg, uɗulag nena qetteb.

Aisaia 24:7

Grep meu guɗ oh qaɗaiedappeg, muɗi grep ele bunaɗkku. Am danab ah ag wain, grep lebuppan hak, ag amu lakkulagnu gamalag ahatte, danab ah amu ag amunu oolag doyeb, gaan oiglag.

Aisaia 24:4

Wan nug qaɗaietta nauhkku. Ao, wan nug hamu daya nauhkku. Ge, wanppan danab okkai okkai, ag padal mekkulag.

Aisaia 15:5

Moap danab ah oolna gona, laih daaglagnu hena gona amu, ameg laa ag oolna gona, Soar batak tekkulag. Ameg laa ag oolna gona, Eklat Selisia batak tekkulag. ⌊Gadonnab,⌋ da Moap dilagnu oo doyak huan doottem. Aɗinu? Laala ag gona, Luhit tenana, ag qananna qananna gokkulag. Ele amu, laala ag Horonaim gokkulagnu gonana, ag ibppa gonana, ag eheɗ aoppignu qanaglag.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Job 34:28

Danab okkai amu ag daɗek danab ah dilag eheɗ hatteg, daɗek amu ag Kayak ehanadkkunu gaappig. Ag gaaegeg, Nug ahilag unuqittak doyom.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.

Eksodas 2:24

Israel ag anam heeg, Kayak Nug ahilag gayak amu doya, Nug hei, Nug Abraham, Aisak, Jakop ele nug tituanna nai qagappig ele amu, Nug tituana nai qakkak nuhig amu dabmeum.

Sam 144:14

Dad ihinkadppa ee eppaladttem ele am meulkad huana oppeg, makau mawadkkulagnu uug ele daakku. Ihinkad kekeɗ ag uɗin aab okkainu aɗ loppaɗppeg neeb, appanigppa nona heppeg, ig gota, wan laalappa ii daamta. Ao, auntai laa nug baekkudppan laa qeppig, o laa aon goppig, nug amu ii anidma, mahiak amu ii hema. ⌊Aɗinu? Eheɗ hak kobol amuam oh ii daamna.⌋

Aisaia 24:11

Laa amu, wain, danab ah ag lakkulagnu am iitta mekku amunu, aab okkainu ib ohppa ag hippaidna daanna, wain lakkulagnu ekkulag. Uug naunab wan ohppa beeb, oo gamag ahak eɗua, oo uug doyak daakku. Laa oo gamag ahak iinab dooma.

Jeremaia 12:11

Danab amu ag heppeg, dahil wan oh am wan meu waknu nakokib elele, am anam daakku. Wan amuam da noolppa wan qaɗaiettaknab, wan hele-ettak daakku. Appa danab wan atognokkunu ii daama amunu, wan oh am nauhahkib daakku.

Jeremaia 46:12

Wanppan wan laappan danab ah ag ahilag uɗa naknu dooglag. Ag Isip, ag ahilag gayak baag am wanppan wan ohppa dayebeb dooglag. Aɗinu? Ahilag daup ag oolnana, nug ehanittaknu ii dabmenana, laa nug paha gokkunu haaha, layag ibppa daatte ii dabmedatta, layag baegppa qeeb, aa oh neya qekkulah.” Yawe Nug anam aum.

Gayak Nai 2:8

Yawe Nug Sion aabppa aɗ loppaɗak daakkunu dabmak awe, dabmak amuam ɠagattag eppa dayom. Nug Jerusalem aabnu aɗ loppaɗak daakkunu maittak awa Nug he, kekeɗ ag heeg nauhom; Nug amu bekkunu dabmak nuhig ii eɗuom. Nug he, Sion nuhig wan buue te aɗ itak, aɗ ele loppaɗadppig daatteb amunu, aɗ amu ag danab daalob, ag mahilob.

Hagai 1:11

Da hei, gu ii ne, appa dadppa, qaukoppa, ee aeg dadppa, grep dadppa, olip dadppa, keeke laa oh eppakppa, danab qaɗelagppa, makau qaɗelagppa, ag aɗi aɗi hetteb ele, amu ohppa, appa gu ii ne, keeke ena ii daatte,” awa atte.

Joel 1:11

Amu ag ee eppak danab, ag dabmak kuɗum aon, ag, “Ig eɗut ena daagnig,” aib dabmeppig! Ao, muɗi grep gumak danab, ag gayeg! Dad okkainu ee oh nauhppig amunu, ag wit, bali ele nauhpiɗnu gayeg!

Joel 1:14

Ag danab ah oh ag Yawe noobppa ee ohnu kud mena daaglagnu appeg doyeg! Ao, ag oh Yawe noobppa qagmena dup nona Nug binag mekkulagnu deɗ metteg! Ag ikki danab uɗiglagnu eig! Ao, ag wan imuppan danab ah laa oh ele onilagppa eig! Ag Yawe, ahilag Kayak, ag Nug laugppa uɗippeg, ag oh Nug unuqitteg!