Jeremaia 13:14 - Nobonob Baibel

¹⁴ Danab ag le ɠagattag huan laeg, kaaka aqe oinna, nug qak henana, guittak aotteb, amubia da heppi, ag oh bu aon, guittak aoglag. Mameg guittak aokku, bekka ele anamib. Da ahilagnu ool gai-iitta doyen, ool matten, iinab ehanadpa. Da ag nauhmananu ehanadppi, guittak ii aomnanu iinab hepa.” ’ ” Yawe Nug anam awa atte.

Jeremaia 13:14 Referans Kwoze

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Jeremaia 21:7

Yawe Nug anam atte, amge Nug Sedekaianu imu ele atte. ‘Da amu hewoya, da Juda dilag king Sedekaia, nuhikkud ehanittak anuqak danab, amu Juda danab ah ele aab okkai ooppa daan, oɗe nau danab kuɗum aqe mauhttebppa, qep elabppa, enugppa ele ii mauhkkulag amu, da amu oh diie, Babilon dilag king Nebukatnesar, nuhikkud daup ag aqappeg mauhkkulagnu hetteb ele amu, da amu eppelagppa maadkkul. Da amu heppi, Babilon dilag king nug ahilagnu oo gai-iitta doya oo matta ehanittak kobol nakok laa iinab ii hema. Iitta. Nug qep elabppa kuɗum aqadkku,’ awa atte.

Jeremaia 6:21

Anam amunu Yawe Nug atte. “Da heppi, Juda danab ah ag gai-iitta daappeg, kekeɗ ag eɗadkkulag. Mamelkad, bekkalkad ele ag danab nug menppa baeg ya, na qette bia nena qekkulag. Ao, ahilkad mudippan laippu, amu ag lailkad ele, ag ele danab nug menppa baeg ya, na qette bia nena qekkulag. Ag oh mauhkkulag,” awa atte.

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Mak 13:12

Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag.

Matyu 10:21

Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag.

Esekiel 24:14

Da Yawe, da iikku ain malami. Da ag bu madakkulnu haen aakku gogppa teum daatte. Da ag oolag eɗukkunu haen nakok laa ii madapa. Da oppoɗil beebe, aɗi hekkulnu ippuniɗtte amu, da anamib hekkul. Da ahilagnu oo gai-iitta doya oo metta ehanittak kobol doyen ii hepa. Da bu madappi ukkeb, gogppa teeb batakkul. Bu mattak am gamagppa ii uupa. Ag ahilag hak naunu, ahilag oiyak eheɗnu bu aoglagnu daatteb amu, da amuppa epeɗiatten, bu amununab aakku madakkul.” Naɗi Yawe Nug anam awa atte.

Esekiel 9:10

Ag amu hetteb amunu, da ag anatten, oo doyak ii doopa! Ge, da ag anatten, bu madakkulnu ii uupa. Iitta. Ag eheɗ nau heppig amunu, da ag amunu nob elele madakkul. Da ii uupa,” awa aum.

Esekiel 9:5

⌊Tuleglegppa⌋ Yawe Nug anam anana, Nug eɗua, danab eblaih laippu ele amelagppa a, da ele aakku doomi. “Ag aab okkai ooppa nug dim lamidna gona, aun aɗi laa ag nug uɗalagppa at ii mak ele amu, ag aqappeg mauheg! Ag oo doyak aib dooppig. Ag oolag bodoetta, le aib meum. Ag aqappeg mauheg!

Esekiel 8:18

Ag amu hetteb amunu, da oo nauhak doyeye, da nob madakkul. Da ag anatte, oo doyak ii doopa! Ge, da ag anatte, bu madakkulnu ii uupa! Israel ag da daulppanab da ehanadkkulnu ekkulagtai, amge da ii doopa; ii ehanadpa,” awa aum.

Esekiel 7:9

Da ag anatte, oo doyak ii doopa! Ge, da ag anatte, bu madakkulnu ii uupa. Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da amu heppi, ag dooglag, da Yawe, da nob nau amu mattami.

Esekiel 7:4

Da ag anatte, oo doyak ii doopa! Ge, da ag anatte, bu madakkulnu ii uupa. Iitta! Da genab ahilag hak nau anitten, bu elele madakkul. Ao, da ahilag hak, da hak amunu oolppa uuaknab doottem amu, da hak amu ele anitten, da nob elele madakkul. Da anam heppi, ag dooglag, da am Yawe,’ ” awa aum.

Jeremaia 48:12

Amge haen miag doum daatte, haen amuppa da, Yawe, da heppi, kekeɗ ag uɗin, Moap heppeg nauhkku. Ag danab laa ag wain botolppanu gokkaɗeg noa, wain iitta me, botol ele ag aoɗtteb amu, kekeɗ ag amubia hekkulag.

Jeremaia 47:3

Kekeɗ ag uɗippeg, hos dawai ag qaiettan gobeppeg, oqotti ob dooglag. Daup ag bannu karisppa gobeppeg, bannu karis oqotti ob, ag dooglag. Nid mamelkad ag anadna, eheɗ baɗan, ag eppelag am gai-iitta luɗua nak dayeb, ag eɗun, nid ii ehanadmana.

Jeremaia 16:5

Anam amunu, Yawe Nug atte. “Laa mauhkku dayeb amu, laa nug laugppa, laikkud ele daaglagnu aib teum. Appa ee ele aib laum. Nug ukka, aib mahiom; mauhak laikkud ele ɠagattag aqak nai aib mattiom. Aɗinu nug amu oh ii hema? Da, Yawe, da Juda danab ah dilagnu oo mauhaknab tuɗid ele ii doopa; da oo gai-iitta doya oo matta ehanadkkulnu kobol tuɗid ele ii hepa; amu da ele itittak ena tuɗid ele ii madapa.

2 Stori 20:23

Amon dilag daup, Moap dilag daup ele ag Edom dilag daup aqaeg, iitta mekkulagnu ahan, ohnab aqappig. Ag aqan malona, ag ahan akka akka ban hena aqanna, ag ele aakku mauhppig.

1 Samuel 14:16

ag oolegeg, Saulnu daup ag kekeɗ maadkkulagnu, Benyamin wanppa aab onig Gibea, aab amu guguittak daappig, ag Pilistia dilag daup oolegeg anadna,

Job 27:22

Ulah amuam danab dilagnu oo gai-iitta doya oo metta ehanittak kobol ii dootte amunu, ulah amu huanaknab na he, nau hak danab nug oolkkunu haaha, elele iitta daatte.

Jeremaia 15:5

Amu laa nug ag Juda danab ah, nug ahilagnu oo gai-iitta doya oo matta ehanadkkunu ii daama. Laa nug ahilagnu ii gaama. Laa nug ag attem daattebnu oɗ madakkunu ele ii daama,” awa atte.

Gayak Nai 2:21

Nid bau, kaino ele ag oh laippu ibnu gappudppa nena qena, mauhadppig niitteb. Juda dilag nid bau, ah makkun ele qep elabppa mauhppig niitteb. O Yawe, na Juda dilag hipuninnu oot nauhe, amu babaittak deɗppa na he, kekeɗ ag aqaeg mauhadppig. Ao, na oo gai-iitta doya oo metta ehanittak kobol ii dabmena he, kekeɗ ag aqaeg mauhadppig.

Hosea 2:4

Amu da geha danab nug wau danab laa ele oiyya, nid menuadttep, gamunab nug nuhikkudnab nid atognoadkku bia, nug wau, danab laa ele menuadpiɗ, nug nid amu nuhikudnab bia ii atognoadma, da amubia hekkul. Amunu diig am, nid naunau amu, ag am ewau pakkua gappai hakppa menuattak.

Sekaraia 11:6

Anam amunu, danab amu ag oo doyak kobol dim ii lamidtteb, amubia da Yawe, da Israel danab ah dilagnu, ⌊ag hipunin henan oitteb amu, da ahilagnu⌋ oo gai-iitta doya oo metta ehanittak kobol tuɗitten ii hepa. Da heppi, danab ah oh ag ahilag mudippan laippu, ahilag king ele eppelagppa daaglag. Ag akka anam nug guittak medappeppeg, da ehanadppi, ii iitta mema.” Yawe Nug anam awa aum.

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 25:16

Da ag hipunin heegeg, oppoɗil be, bu madakkul maidmi; bu mattak amuam ban. Anam amunu, da heppi, ban ahilagppa beeb, ag nauhkkulag, danab wain huana lawowa, spak ma, taataɗ qettak oiyaya, kaaka ha nauhtte, amubia ag nauhkkulag,” awa aum.

Esekiel 7:3

Ag eheɗ heeg uɗie uɗie, bu awak haen aakku miag doum amunu, da oo nauhak dahil ii aɗapa; ag bu aoglag. Da epeɗiatte, ahilag hak naunu nob elele madakkul. Ao, da ahilag hak laala, da hak amunu oolppa uuaknab doottem, hak amunu da ag bu elele madakkul.