Jeremaia 12:5 - Nobonob Baibel

⁵ Jeremaia nug Yawe amegppa anam a, Yawe Nug nob ma, inam aum. “Na danab ele baelagppa nug eɗidkkulagnu hee, ag na eɗidppig dayeb amu, na attem hena, hos ele nug eɗittak hekkut? Na wan ena, uɗem ele, na wan amuppa oinna, baen keeke laa ye, nena qeme dayeb amu, na Jodan le daugppa, muɗi keeke huanak daattebppa, na attem hena, appa oikkut?

Jeremaia 12:5 Referans Kwoze

1 Pita 4:12

O lailad, uug doyak kobol aab ewak bia ahilagppa betteb amu, amuppa ag aib ottaina, “Kobol laanab iikku betteb,” aon appig.

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Jeremaia 50:44

Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Babilon danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Babilon gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Jeremaia 49:19

Yawe atte. “Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Edom danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Edom gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Prowerb 3:11

O Nid dahil, Yawe Nug na ena bekkutnu tolitta, bu nitteb amu, na amunu ootppa uuaknab aib doome. Ge, Nug na ena bekkutnu daut bateb amu, na nuhignu aib eheɗ doome. Aɗinu? Yawe Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, danab nug bekkanu enanagnab dootte ele, nug nug ena bekkunu tolitta bu medatte, amubia Yawe Nug danab amunu hette.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Jeremaia 26:8

Jeremaia nug keeke oh Yawe nug akkununab aum danab ah oh amelagppa mattia male amu, mana mettak danab, propet, amu danab ah oh ele ag oh dona, nug aɗana, “Na mauhkkutoitte,” aon appig.

1 Stori 12:15

Danab amu ag maɗ ooppanu kalam digmak, kalam amuppa Jodan le ui ele otte, haen amuppa Jodan le ui eheɗ oowo, ag le mataɗna wana, danab ah oolnu noak Jodan leppa nottebppa daappig ele, ag danab ah amu lamatteg goppig. Ag Jodan le heqo laih laih, Jodan leppanu kaɗag uɗitteppanu, qaban uɗitteppanu ele anam lamadppig.

Jeremaia 11:21

Da Yawe amegppa anam unuqitti, ⌊Nug da amelppa aum⌋. “Anatot danab ag nidappeg mauhkkutnu hetteb, ag na amenppa, ‘Na Yawe onig diin, propet nai baula aib mattime. Na anam hekkut dayeb amu, ig nidapput mauhkkut,’ aon atteb amu,