Jeremaia 12:3 - Nobonob Baibel

³ Anam, amge O Yawe, na da dooiɗttem. Da nahipnu attem attem dabmettem amu, na doon, epeɗidttem. Anam amu, na eheɗ hak danab amu, danab nug sipsip aqadkkunu mauhnoaknab diiadtte, amubia na amu eheɗ hadakkutnu ool daatte. Ge, na tituanadna heppe, danab ah huanak aqe mauhak deɗppa laa ag danab eheɗ hetteb ele huanak aqappeg mauhkkulagnu oɗ medattem.

Jeremaia 12:3 Referans Kwoze

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Jeremaia 50:27

Babilon dilag daup enanag, ag makau gaiɗ bia daatteb, amge ag kekeɗ ag Babilon dilag daup amu oh aqappeg mauheg! Ag Babilon, ag ahilagnu gadonnab gadon. Aɗinu? Ahilag bu awak haen aakku uɗiom daatte,” awa atte.

Sam 139:23

O Kayak, na da oolppa neegna, aɗi oolppa daatte anidkkutnu ool daatte. Ao, na dahil dabmakppa neegna, aɗi appa daatte amu anidkkutnu ool hette.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jeremaia 51:4

Kekeɗ ag heppeg, Babilon dilag daup ag Babilon aabnu ib ohppa guittak okkai aon, nena qena mauheg!” awa atte,

Jeremaia 48:15

⌊Ag anam aib appig. Aɗinu?⌋ Kekeɗ ag uɗin heppeg, Moap nauhak daakku. Kekeɗ ag uɗin, Moap dilag aabppa gona, aab aona, ag Moap dilag nid danab bau ena ena daatteb amu, ag aqappeg mauhkkulag.” King naɗi, Nug onig am Yawe Nukka Ɠagattag Oh Ele, Nug anam awa atte.

Jeremaia 20:12

O Yawe Nakka Ɠagattag Oh Ele, na danab ah ag tutukkute, o iittate, na amu epeɗiadnana, na ag oolag, amu dabmak ahilag oh ele doottem. Na anam aakku henana daattem amunu, da eheɗ haknu nob tutukku mattaknu uɗat amu na eppenppa mettem. Uɗat amu na eppenppa mettem amunu, danab ag da eheɗ heiɗkkulagnu hetteb amu, na eheɗ hak ahilag, na amunu nob tutukku madakkutnu oɗ medattem.

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

2 Pita 2:12

Amge hambuppuak ippunittak danab ag am keeke ii doottebnu dabittak nai maditteb. Ag am doɗ dabmak iitta ele daatteb bia daatteb. Ag am doɗ dakkuɗ ag aɗi aɗi hekkulagnu daatteb amu, ag dabmenan ii hetteb. Iitta. Ag hakib hetteb, amubia ippunittak danab hambuppuak imu ag anam hetteb. Ag am doɗ pelemppa aɗualadta, aqadkkunignuib menuattak bia daatteb. Ag geha doɗ dakkuɗ bia padal mekkulag.

Jeremaia 15:15

Yawe Nug anam a, da ami. “O Yawe, laa ag guittak meɗatteb na doottem amunu, na dahilnu dabmena, atognoiɗkkutnu oɗ medattem. Ao, na heppe, laa guittak meɗatteb, ag nob nau aoglagnu unuqidttem. O Yawe, laa guittak meɗatteb amu, ag amu hebeppeg, na oo maɗoɗ ele dayak kobol dim lamidppeppe ukkeb, ag da iuppeg mauhpanu oɗ medattem. Na da nahipnu anuqak doyen oiiyi, laa guittak meɗatteb amu, na amu dabmekkutnu oɗ medattem.

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.