Jeremaia 11:2 - Nobonob Baibel

² “Nug tituana nai qakkak nai da anukka hei, da Israel memetalkad ele hemut amu, na nai amuppa da aɗi hekkul, ag aɗi aɗi hekkulag daatte amu, na nai amu doon, na danab ah Jerusalem daatteb, Juda danab ah laa oh ele appe doyeg!

Jeremaia 11:2 Referans Kwoze

Jeremaia 11:6

Da anam ai, Yawe Nug da amelppa tuɗitta aum. “Na Jerusalem danab ah amelagppa, Juda danab ah laa oh ele amelagppa nai imu appe doyeg! ‘Ag nug tituana nai qakkak imuppa aɗi aɗi haknu nai daatte, ag nai amu doon, dim lamitteg!

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

2 Stori 34:31

King nug nai amu ebqewowa, nug Yawenu mettid lag, amuppa king aben laa biidod daugppa daakkunu tituanak dayom amu, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum.

2 Stori 29:10

Anam amunu, da Yawe, ig Israel, ihinig Kayak, nuhig oo nauhak huanaknab ig Israel, ihinignu amu iitta mekkunu, da Nug ele nug tituanta nai qakkagnignu dabmein daattem.

2 Stori 23:16

Aria, Jehoiada nug he, nug, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai.

2 King 11:17

Aria, Jehoiada nug he, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai. Nug amu hewowa, nug he, king, amu danab ah ele ag nug tituanna nai qagappig.

Jeremaia 11:1

Yawe Nug nuhig nai imu Jeremaia metta, Nug inam aum.