Jeremaia 11:16 - Nobonob Baibel

¹⁶ Yawe Nug anukka ag Juda, Nug ahilagnu, “Ag am olip ad enanag, meu ele enanag,” aum, amge Nug heeb, ag bu eheɗ aoglag; bu amuam ulah huana uɗie, gu ele huana ne, amemɗi awa ye, ad amu ewewe, ebekkud ele qiialadtte, amubia.

Jeremaia 11:16 Referans Kwoze

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Sam 52:8

Amge da amu, da olip ad laa, Kayaknu mettid lag, amuppa enanag bette, da amubia daattem. Ao, da Kayaknu oo mauhaknab kobol daatte amu, da amunu oolppa hanhan genab doottem.

Sam 80:16

Ig am nahip danab ah, amge kekeɗ ag ig danab laa nug grep muɗi okkulatte neeg, manatte eoppig bia heikke nauhmut. Ao, na nahipad danab ah alattette, ag mauhtteb.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.

Sam 83:2

Aɗinu? Nahipad kekeɗ ag ahatteb. Ao, nahipad kekeɗ ag ban hekkulagnu ahatteb.

Revelesen 11:4

Ad olip aɗit, amu lam maknu balal aɗit ele, aa wan imu ohnu Naɗi, aa Nug noobppa daattep ele amu, aa danab aɗit imu ippunigttep.

Duteronomi 28:40

Ag olip ad ahilag wanppa eppaladkkulag, amge ag olip goɗen ii aomna. Amunu diig am, olip meu lep ii mak mumuɗna, nena gokkulag.

Job 8:16

Danab ag Kayaknu, nuhig haknu ele uuak kobol dim lamidtteb amu, ag uud laa bia daatteb. Uud amuam ⌊haen tutu⌋ aben le eleleppa, aam ele elele netteppa dayaya, ebekkud, uɗug ele dad tonatte.

Jeremaia 7:20

Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Hosea 14:6

Ao, Israel danab ah ag am geha ad laa ebekkud elab ukkak bia daaglag. Ag olip ad, nuhig neekkak enanag, ag amubia daaglag. Israel danab ah ag Lebanon wanppa ad sida muttuɗig enanag otte, ag amubia daaglag.

Sam 80:17

Ig am danab ah nahipad. Na heppe, ig ɠagattag ele daagnignu oɗ medattem. Ao, ig am na begapad, nahipad danab ah, da na heppe, ig ɠagattag ele daagnignu unuqidttem.

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.