Jeremaia 10:6 - Nobonob Baibel

⁶ O Yawe, laa nug na bia laa iitta. Na onin ɠagattag ele daattem. Na ebehinnab ele daattem.

Jeremaia 10:6 Referans Kwoze

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Sam 96:4

Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Sam 48:1

Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Sam 145:3

Yawe Nug am onig, ɠagattag okkai ele. Nug danab ah ag Nug binag mekkulagnu elelenab daatte. Auntai laa nug Nug onig, ɠagattag okkai ele tutukku dookkunu elele iitta.

Daniel 4:3

Nug uɗat naɗi, Nug heumnu at daatte, Nug amu hette. Ao, Nug uɗat ɠagattagnab ele hette. Nuhig ɗo maɗoɗ am hanhan alet daatte. Ao, nuhig gumak am menuattak huu laippu bia, ahilagppa daye ukke, laa beeg, ahilagppa ele daatte.

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

2 Samuel 7:22

O Naɗi Yawe, na laa oh eɗattaknab daattem. Ig daunigppa doomut, amubianab laa na bia iinab daatte. Na nakka Kayak daattem, laa ii daatte.

Jeremaia 32:18

Na nahip oo mauhaknab kobol dim lamidnana, buɗub buɗub doobob tausen gane batak ehanadttem, amge na danab hipunin hetteb ele bu aqatte ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte. O Kayak, na onin okkai ele, na ɠagattag ele, na onin am Yawe Nakka Ɠagattag Oh Ele.

Aisaia 40:25

Kayak Oppiaawak Ele, Nug oɗ madatte. “Ag auntai laa anidna, ‘Kayak Nug danab amubia daatte,’ akkulag? Aun nug da bia daatte? ⌊Amu oh iitta. Laa da bia laa iinab daatte,⌋” awa atte.

Eksodas 8:10

Moses anam a amu, Paro nug aum. “Butti unuqitte!” awa aum. A amu, Moses nug aum. “Aria, na geha Yawe, ihinig Kayak, na laa Nug bia ii daatte dookkutnu, da na ame bia anam hekkul.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Aisaia 46:9

Ge! Ag anukkan keeke, keeke ag anukkanunab dooppig ele, keeke amu ag daulagppa doaɗ! Aɗinu? Da am Kayak. Kayak laa ii daatte. Da am Kayak, laa nug da bia ii daatte.

Aisaia 46:5

Ag laa anidna, ‘Yawe Nug nug bia daatte, aa oh anamib, aa elele elele,’ akkulagnu elelete? Iitta! Ao, ag laa anidna, ‘Nug Yawe ele aa laippu bia daattep, aa piɗe piɗe iitta,’ akkulagnu elelete? Iitta!

Aisaia 40:18

Kayaknu neekkakppa wan atu oh anam daatteb amunu, ag danab laa anidna, “Kayak Nug danab amubia daatte,” akkulagnu elelete? Iitta! O ag keeke laan dottog anidna, “Kayak Nug amubia daatte,” akkulagnu elelete? Iitta!

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Nehemaia 9:32

O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.

Nehemaia 4:14

Da amu hein maloya, da keeke oh antte, itale malen, da anuqak danab, Juda dilag ehanittak anuqak danab, amu danab ah laa oh ele amelagppa ami. “Ag kekeɗ dilagnu aib baɗappig. Naɗi, Nug ɠagattag okkai ele, danab Nug antta, ebehi oh bodoetta le mette elenu Kayak, Nug daatte amunu, ag Nug dabmenana, ag, ag awalkad amalkad, ag bekkalkad aɗelkad, ag waalkad, ag laulkad ele ena daaglagnu ban heig!” awe ami.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Eksodas 9:14

⌊Aɗinu na paɗadppe gokkulag?⌋ Na ii paɗadppe gokkulag dayeb, na geha wan ohppa aun laa da bia ii daatte tutukku dookkutnu, da eheɗ naunab na metten, nahipad ehanittak anuqak danab ele matten, danab ah nahipad ele madakkul.

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

1 Stori 16:25

Aɗinu? Yawe Nug onig ɠagattag ele, laa oh eɗattak daatte. Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.