Jeremaia 1:12 - Nobonob Baibel

¹² Da ai, Yawe Nug aum. “Na genab anidna ame. Amunu, amubia da genab dahil nai meu okkunu heppi bekkunu neegkkul,” awa aum.

Jeremaia 1:12 Referans Kwoze

Esekiel 12:28

Ag amu atteb amunu, na ag amelagppa appe doyeg! Naɗi Yawe Nug inam atte. ‘Da heppi, aɗi nai da bekkunu mattimi am ana paha bekku. Haen elab ukkeb ii bema. Iitta. Paha bekku. Da aɗi heppi bekkunu ami amu, paha meu okku!’ ” Naɗi Yawe Nug anam atte.

Esekiel 12:25

Haen amuppa laa nug anam ii hema, amge da, Yawe, da aɗi hekkulnu hettem amu, da anam appi, paha meu okku, diig amunu ag gemu Israel wanppa daatteb, ag nai tappe nak danab ah amu, ag wanppa bau dayak haen ahilagppa da aɗi attem amu, da heppi, meu okku. Da Naɗi Yawe, da anam attem,” awa aum.

Luk 10:28

Awa a amu Jesus Nug amegppa aum. “Na tutukku ame, na anam henana, na bauklel hanhannu aokkut,” awa aum.

Amos 8:2

Nug ippuniɗa, da oɗ meɗom. “Amos, na aɗi anidttem?” awa oɗ meɗom. Oɗ meɗe, da ami. “Da kaleg laa, ad meu lep mak inak ele daatte anidttem,” awe ami. Da anam ai, Yawe Nug da amelppa aum. “Israel danab ah ag hipunin heegeg, ad meu lep meum, haen amuppa danab aotte, amubia ag bu awaknu haenppa aakku daatteb. Da uuadppi baula hamu ii oimna. Da bu madakkul.

Duteronomi 5:28

Ag anam da amelppa aeg, Yawe Nug ahilag nai doya, da amelppa aum. “Danab ah ag na amenppa aɗi appig amu, da doomi; ag elelenab appig.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

Duteronomi 18:17

Ag anam aeg, aria, Yawe da amelppa aum. “Moses, danab ag nai appig amu, ag ena appig,

Luk 20:39

Am Jesus Nug anam a amu, ɗo mehuqak danab laala ag, “Ippunittak danab na ena ame,” appig.

Jeremaia 31:28

Tatam da hei, ag nauhppig, danab nug uud hiɗatte, o lag loppaɗtte, o laa kekeɗ eɗadtte, o keeke he nauhtte, da amubia dabmak elelenab awen hemi. Da tatam anam hemi, amge haen uɗitte, haen amuppa da amu hekkulnu elelenab dabmein hemi, amubia da elelenab dabmein, da heppi, ag ena daaglag; danab nug lag ha autanab aotte, o dad eppa autanab aotte, da amubia hekkul.” Yawe Nug anam aakku atte.

Jeremaia 1:13

Yawe Nug anam ana, Nug nuhig nai laa da meɗom. “Gemu na aɗi anidttem?” awa oɗ meɗom. Oɗ meɗe, da ami. “Da waa, amuppa le hipaɗ qette ele anidttem. Waa amuam ihinigppanu yawalti uɗitteppanu daatte. Am waa amuam tutukku ii daatte. Iitta. Waa amu leloɗia, kaɗehɗeh dayeye, le hipaɗ qak ele gokkaɗa, ig eigkkunu hette anidttem,” awe ami.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Jeremaia 24:3

Anam daaeh anati, Yawe Nug da oɗ meɗom. “Jeremaia, na aɗi anidttem?” awa oɗ meɗom. Nug oɗ meɗe, da nob mein ami. “Da ad fig meu anidttem. Laa ag am ena, laa ag nau. Meu ena am enanag, amge laa nau amu, ag am naunab. Danab nug lakkunu elele iitta,” awe ami.