Jeremaia 1:1 - Nobonob Baibel

¹ Buk imuppa propet Jeremaia nug nai laala aum amu, nai amuam buk imuppa yaak daatte. Jeremaia nug mana mettak danab laa. Nug mameg onig am Hilkaia. Hilkaia, mana mettak danab laala ele, ag appalag diig onig am Anatot. Anatot am Benyamin wanppa daatte.

Jeremaia 1:1 Referans Kwoze

Jeremaia 11:21

Da Yawe amegppa anam unuqitti, ⌊Nug da amelppa aum⌋. “Anatot danab ag nidappeg mauhkkutnu hetteb, ag na amenppa, ‘Na Yawe onig diin, propet nai baula aib mattime. Na anam hekkut dayeb amu, ig nidapput mauhkkut,’ aon atteb amu,

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

1 Stori 6:60

Israel danab ag Kohat buɗub ⌊Juda, Simeon ele wanppanu⌋ aab amu mattaeg, ag Israel dilag huu okkai Benyamin wanppanu aab imu madappig: Gibeon, Geba, Alemet, Anatot ele. Aab amu oh am gikkiɗah dad okkai aab am talilittak daatteb ele madappig. Aria, Israel ag aab ikki Kohat danab Juda, Simeon, Benyamin ele wanppanu aab madappig amu, aab amu ebqak am 13.

Amos 7:10

Amos nug nai amu mattie, Amasaia, Betelnu mana mettak danab, nug nai imu Israel dilag king Jeroboam toppa me ukkom. “Amos nug Israel danab ah oolagppa noa he, ag na kekeɗ mettaglagnu daatteb. Nug nai huan huan maditte, amu na nug uuidppe daakku, nuhig nai heeb, wan imu nauhkku.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Aisaia 2:1

Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagnu aɗi bekkunu Amos bekka Aisaia miagib ippunittom amu, ippunittak amunu nai ⌊laa⌋ am iikku.

Matyu 2:17

Aqappig amunu, amuppa propet Jeremaia nug Naɗi oɗe awa, nai mattiom, nai amu elele mettom. Nug inam aum.

Matyu 16:14

Nug anam a amu, ag appig. “Laa ag nahipnu, ‘Layattak Jon,’ atteb; laa ag, ‘Nug am Elaiya,’ atteb; amu laa ag, ‘Nug am Jeremaia,’ o, ‘Nug am propet oolagppan laa,’ aon atteb,” aon appig.

Matyu 27:9

Amuppa amu, anukka propet Jeremaia nai laa mattiom, nai amu elele mettom. Nug aum. “Israel ag silwa men doɗo 30ppa nug daden mekkulagnu nai qagappig amu, ag silwa men doɗo 30 amu aon,

1 King 2:26

Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

2 Stori 36:12

Nug king dayaya, nug Yawe, nuhig Kayak, nug nuhig neekkakppa eheɗ heum. Propet Jeremaia Yawenu nai mehuqom amu, Sedekaia nug nai amu nug oɗeppa doyom, amge nug Jeremaia noobppa dayaya, nug nukka nug onig ii qe neum. Iitta.

Esra 1:1

Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Aisaia 10:30

Ag Galim aabnu danab ah, ag baalag okkaippa huan eig! Laisanu danab ah ag daulag humeg! Aab okkai Anatotnu danab ah, ag nai nob meig!

Jeremaia 29:27

Anam amunu, aɗinu na Anatot ted Jeremaia, nug ag oolagppa, ‘Da propet danab,’ anan oitte amu, aɗinu na nug bu anam ii mettame?

Daniel 9:2

maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.

Esra 2:23

Anatotnu uɗippig, ahilag ebqak am 128.

Jeremaia 30:1

Deɗ laa Yawe Nug Jeremaia nai laa metta, Nug aum.

Jeremaia 37:12

Jeremaia nug Benyamin wanppa ukka, nuhig aab ikkinu wan ooppa wan laa nuhig daakkunu dayom, nug amu aokkun gokkunu dabma aha, Jerusalem uua gokkunu ukkom.