Jems 5:9 - Nobonob Baibel

⁹ O lailad, ag lailkad ele aib nug naittuɗ meppig. Ag kobol amu hekkulag amu, Kayak Nug ag epeɗiatta, nob nau madakku. Amu Epeɗiak Danab Nug dokkunu haen miagnab malom daatte.

Jems 5:9 Referans Kwoze

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Jems 4:11

O lailad, ag lailkad dilagnu nai eheɗ aib appig. Danab laa nug layag laanu nai nau atte, o iitta nug layag epeɗitte ele amu, nug ɗonu ele nai nau ana, ɗo ele epeɗitte. Aria, na ɗo epeɗittem dayeb amu, na ɗo dim lamittak danab iitta; na ɗo epeɗittak danab daattem.

Matyu 24:33

Anam amu, amubia ag kobol digdig oh da amunu ami ele amu bebeppeg anidna, ag dahilnu, ‘Nug eɗua uɗikkunu haen miag, odppa daatte,’ dooglag.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

Galesia 5:26

Ig aɗi kobol hepput, ig lainkad oo nauhak dooglag amu, ig kobol amu ii hemata. Ig laa dilagnu ameg qe oo elele ii dayak kobol ele ii hemata. Ig amubia ii hetata amu, ig dada kobol ele aib hemut.

1 Pita 4:5

Amge dimppa ag akka Kayak amegppa ag kobol hetteb amunu miag atinna akkulag. Nug am epeɗiak danab anuqak, amu Nug danab bau daatteb, amu mauhppig ele oh kobol anen anen heppig amuppa epeɗiadkkunu babaittom daatte.

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

1 Korint 10:11

Keeke imu oh amu ig anidpput oo maittak kobol daaglagnu beppig. Kayaknu yaak ooppa kaya amu yaaladppig daatteb amu, ig danab gogtak haen imuppan, ig anidtata, nau aomtanu dabmak aota oignignu ippunigtte

Mak 13:29

Anam amu, amubia ag kobol digdig, da amunu ami ele amu bebeppeg anidna, ag dahilnu, ‘Nug eɗua uɗikkunu haen miag, odppa daatte,’ dooglag.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

Mak 6:19

Jon aum, diig amunu ele Herot wau Herodias nug oo aeg be, nug Jon qeeb mauhkkunu heum, amge elele iitta.

Sam 59:15

Qai ag ee mattin wana dona wana dotteb, ⌊amubia dahil kekeɗ ag gotteb dotteb henana, da iuglagnu hetteb⌋. Qai ag ee elele ii anidna amu, ag liɗimtteb, ⌊amubia kekeɗ dahil ag da ii iun, ag oppoɗilag bette⌋.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Jems 4:12

Kayak Nug nukka aakkuib ɗo meum, Nug nukka aakkuib epeɗiak danab daatte. Nug nukka aakkuib danab eɗua diikkunu elele. Aria, Nug nukka aakkuib am heeb nauhkkunu elele. Na nakka nahipnu attem doottem amunu, na danab layap epeɗidkkutnu hettem?

Jems 5:7

O lailad, diig amunu ag oolag bodoettak ele daan, Naɗi eɗua uɗikkunu haen ameg meig! Antteg! Dad mameg nug ee meu ena okkunu ameg ma dayaya, nug oo bodoettak ele gu tatamnu, gu dimnu ele ameg mette.

Jems 5:10

O lailad, eheɗ hettak doya, oo bodoettak dayaya maokkunu kobol, ag amunu antte oo maittak kobol laa anidkkulagnu anukka propet ag Naɗi onigppa nai mehuqttappig ag daulagppa doaɗ!