Jems 5:1 - Nobonob Baibel

¹ Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!

Jems 5:1 Referans Kwoze

Prowerb 11:28

Aun laa nug enubnu ooppa genab dootte, nug ad uɗug qaɗaiettak bia na qekku; amge genab tutukku hak danab, ag am ad uɗug bau daatteb bia bau daaglag.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Prowerb 11:4

Kayak Nug danab ah hipunin heegeg bu madatte, haen amuppa en okkai am danab ah ii ehanadma; amge genab tutukku hak kobol am danab ehanitte, danab ii mauhtte.

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.

Maika 6:12

Juda danab enub ele, ag amu, ag am laa guittak nau, mauhnoak mettak tiigppa dayak danab. Juda danab ah laa ag am nai hambuppuak mattiak danab. Ge, ag oɗelagppa mattiak hambuppuak hetteb.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Jems 4:13

Aria, ag oolagppa danab laala ag, “Gemute o iitta buttite ig aab okkai laappa gota, maɗ laippu daatta, men doɗo mattiak uɗat hetat, men doɗo aognig,” aon atteb ele amu, ag doyeg! Amuam hambuppuak bia.

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Joel 1:11

Amu ag ee eppak danab, ag dabmak kuɗum aon, ag, “Ig eɗut ena daagnig,” aib dabmeppig! Ao, muɗi grep gumak danab, ag gayeg! Dad okkainu ee oh nauhppig amunu, ag wit, bali ele nauhpiɗnu gayeg!

Joel 1:5

⌊Uug naunab amunu amu,⌋ ag danab, ag wain lanan, kaaka aqatte ele, ag gayeg! Ao, ag wain lanak danab, ag mahieg! Aɗinu? Tap-lokus ag uɗin, ag oɗelagppanu wain bau aɗadppig amunu, ag wain laa ii lamana.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Aisaia 15:3

Moap ag uug doon, lamen heɗiag ele takkan, aab mattan oiglag. Ag lamen amu takkan gona, Moap aab okkai ooppa haɗap-ppa, amu ag laulkad koɗokko uɗem ukkakppa ele oinna, aben amu ohppa ag qanak huanak hekkulag. Ag qanak heppeg, ukkeb ukkeb, ag ebehilag bodoedakku.

Esekiel 30:2

“Danab bekka, na dimppa aɗi bekkunu nai anan, na inam a! Naɗi Yawe Nug inam atte. ‘Gayeg! Gadon, deɗ naɗi uɗiom daatte,’ aig! Aɗinu? Dahil deɗ naɗi, deɗ amu aakku miag uɗiom daatte. Deɗ amuppa lombig hinqak ele daakku. Am deɗ amuppa wanppan wan oh ag uug naunab aoglag.