Jems 4:9 - Nobonob Baibel

⁹ Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Jems 4:9 Referans Kwoze

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Prowerb 14:13

Deɗ laala danab nug imakku, me ooppa nug guittak doottetai; amu deɗ laala nug oo gamag ahak dootte, me oo gamag ahak amu gogppa uug ele bettetai.

Luk 6:25

O gadonnab gadon ag danab ag gemu ee laeg, oolag diditte ele. Ag dabmeig! Aɗinu? Geha dimppa ag enug aqakku. O gadonnab gadon ag danab ag gemu imatteb ele. Ag dabmeig! Aɗinu? Geha dimppa ag uug doon gaappeg, amelag leb nekku.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Job 30:31

Da harp qettem, amge oo doyaknu ahi aakkuib qettem. Ao, da dumuttum iwalttem, amge mahiaknu ahi aakkuib iwalttem.

Luk 6:21

Ag gemu enug aqatte ele, ag itittak ena aoppig daatteb. Aɗinu? Kayak Nug heeb, ag oolag didikku. Ag gemu oolagppa uug doon gaatteb ele amu, ag itittak ena aoppig daatteb. Aɗinu? Ag oolag gamag ahakku.

Gayak Nai 5:15

Ig oonigppa maɗoɗppan gamag ahak laa ii doottem; ig anukka maɗoɗppan gamag ahak doot, ahi goɗamut, amge gemu ig mahiak hettem.

Jeremaia 31:13

Haen amuppa, nid ahin bau ag oolag huana gamag aheb, ag goɗaglag. Yo, danab bau, amu danab kaino ele ag oolag huana gamag ahakku. Yawe atte. “Ag oolagppa uug doon mahiglag, amge da ag gamag ahak madakkul. Ao, ag oo doyak dooglag, amge da heppi, ag oolag meeb, oolag gamag ahakku.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Eklisiastis 2:2

Da anam antten, da ami. “Danab nug hamu hamu imatte amu, amuppa nug dabmak tutukku iittappa keeke hette. Nug beɗu aɗi kobol hekkunu eeɗe hette amu, amuppa nug aɗi keeke ena he bette?” awe ami.

Sam 119:71

Da nahip ɗo doye aute awen dabmedakkulnu amu, guittak na meɗame, guittak amuam ehaniɗom; dahilnu am ena.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Nehemaia 8:9

Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.

Matyu 21:41

Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.