Jems 4:5 - Nobonob Baibel

⁵ Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

Jems 4:5 Referans Kwoze

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

Genesis 26:14

nug makau, sipsip, maɗi nid maɗi ah ele daye, amu Pilistia danab anidna amelag qe oolag elele ii dayom.

Genesis 6:5

Amu Noanu haenppa Yawe nug danab dilag kobol, amu dabmak ele nauib daye anttom.

Galesia 3:8

Am Kayak Nug anukka iitta aɗi ag geha Nai Ena aona, ag oolagppa genab dooppeg, ahilagnu Nug, “Genab tutukku hak danab,” akkunu doya he, nai amunu nuhig naippa yaak daatte. Nug anam doyom amunu, Nug anukka Abraham amegppa Nai Ena mehuqa, inam aum. “Wanppan wan ohppan danab ah ag nahip-ppa itittak ena aoglag,” awa aum.

Aposel 7:9

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Prowerb 21:10

Nau hak danab nug eheɗ hekkunu oo huana daatte; nug mudippan laippu laanu iinab oo gai-iitta doya oo metta ehanidtte.

Sam 106:16

Danab ah ag aab haen tutu dayaknu kalappigppa daappig amu, ag Mosesnu amelag qe oolag elele ii dayom. Ao, ag Aron, nug Yawenu mana mettak danab, Yawenu tituana mettak dayom amu, ag nuhignu ele anam dooppig.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Rom 9:17

Amu Kayak nug Paro amegppa aɗi aum amu, nai amuam Kayak naippa inam daatte. “Da dahil ɠagattag nahip-ppa danab oh ippunadkkulnu, danab ah wan atu ohppa da onil dooglagnu amu, da na king meitti, na okkai aakku daattem.”

Aisaia 11:13

Israel huu ag Juda dilagnu, ihinigppa anam daalon dabmak iinab aɗan daamna, amu Juda ⌊ag Israel⌋ aqaglagnu dab-ii-memana. Ao, Israel huu ag Juda dilagnu, ihinigppa anam daalon dabmak ii aɗan daamna, amu Juda huu, ag Israel dilagnu, “Ag ihinig kekeɗ daatteb,” ii doomna. Iitta.

Jon 19:37

Am Kayak naippa nai amunu laa ele daatte am inam. “Laa ag qetti banppa atulppig ele amu, ag Nug anidkkulag.”

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Genesis 38:9

Anam aum, amge Onan nug nid amu nug nuhig ii daama doya, nug uua he, nug awag wau ele nug oo ele dayaknu tutukku ii oipiɗ. Nug awag buɗub humakkunu oo ii dayom.