Jems 4:12 - Nobonob Baibel

¹² Kayak Nug nukka aakkuib ɗo meum, Nug nukka aakkuib epeɗiak danab daatte. Nug nukka aakkuib danab eɗua diikkunu elele. Aria, Nug nukka aakkuib am heeb nauhkkunu elele. Na nakka nahipnu attem doottem amunu, na danab layap epeɗidkkutnu hettem?

Jems 4:12 Referans Kwoze

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Rom 2:1

Amunu, na danab aun, na laipad epeɗiadna, eheɗ heppignu nob nau aoglagnu attem ele amu, na am attemun? Na ele eheɗ amu hettem amunu, na Kayak noobppa, “Da hemi amuam da beɗulppa iitta,” akkutnu elele iittanab. Na laipad epeɗiadna, ag eheɗ hena, nob nau aoglagnu attem, haen amuppa na ele eheɗ nahipnu nob nau aokkutnu, na nakka nai beɗunppa iite yaattem?

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Aisaia 33:22

Aɗinu keeke amu bekku? Yawe Nug ihinig gumak danab daatte. Nug ɗo nuhig ig megatte. Yawe Nug ihinig king daatte. Nug ehanikkebeb padal ii memata.

Jems 5:9

O lailad, ag lailkad ele aib nug naittuɗ meppig. Ag kobol amu hekkulag amu, Kayak Nug ag epeɗiatta, nob nau madakku. Amu Epeɗiak Danab Nug dokkunu haen miagnab malom daatte.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Rom 14:13

Amunu ig lainkad laa dilag kobolnu amu ig ii epeɗiadmata. Iitta. Ig lainig laa hipuninppa na qemanu dabmeta, keeke laa ig hepput na qekkunu ii hematanu dabmetat oitu!

Rom 9:20

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Job 38:2

“Laa nug nai doyak iitta ele mattiaya ha, dahil ulum nai gatatuppa tonom daatte amu, laa amu nug aun?

1 Samuel 25:10

Ag Nabal ameg mena, nug nai nob ma amelagppa akkunu daaegeg, nug amelagppa aum. “Ag Dawitnu appig amge, nug am aun? Ag Jesi bekkanu atteb, amge nug am aun? Gemu maɗi nid kuɗum ag danab okkai ahilkad uuadna oolna laih goppig daatteb.