Jems 3:3 - Nobonob Baibel

³ Ig hos, nug ihinig dabmak dim lamitta gokkunu, ig ulum aen mahappa hak laa nug oɗeppa mettem amunu ig hos beɗu eɗuta, ib mettautut gotte.

Jems 3:3 Referans Kwoze

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

2 King 19:28

Na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi, na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. Ge, da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Aisaia 37:29

Ao, na dahilnu oppoɗi bak huanak doonna, na dada hak kobol ele dim lamidttem amu, da amu doottem. Da amu doottem amunu, diig amunu da heppi na uɗimeppa eɗun, na wanenppa gokkut. Da danab nug makau dawai noobppa aen huk ma, makau amu huk amuppa omala laih laih gotte bia, da nahip-ppa hekkul. O da danab nug aen maha hos oɗeppa ma he, hos laih laih gotte, da amubia nahip-ppa hekkul.” ’ ” Yawe Nug Senakeripnu Aisaia oɗeppa Hesekaia amegppa anam mattiom.

Jems 3:4

Amu ag uub okkainu ele antteg! Uub okkai nug am keeke okkai, amu ulah okkai uɗia duttune, yu qaɗeppa gotte. Amge uubnu ulum mettaknu ad am keeke nagnag, ulum danab nug laih gokkunu oo daatte dayeb, nug ulum eɗue, uub nug laih amuppa gotte.

Job 41:13

Laa nug lewiatan gaɗa hiɗakkunu elelete? Iitta! O iitta, laa nug muɗi awa, hos noobppa hetteb bia, nug muɗi amu lewiatan noobppa qagakkunu nug guguitta gokkute? Iitta!