Biblia Todo Logo
Bib sou entènèt

- Piblisite -




Ikki Danab 6:3 - Nobonob Baibel

3 Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

Gade chapit la Kopi




Ikki Danab 6:3
25 Referans Kwoze  

Am ban daup Midiannu, Amaleknu, amu kaɗag uɗitteppanu danab ele, ag tap-lokus bia happutna, oolnu noakppa aben aon daappig. Ahilkad kamel ebaqaknu am kuɗumnab, yu ihippa ihi bia daappig; laa ebaqadkkunu elele iitta.


Anam daye, haen elab iitta, ban daup Midian, Amalek, amu danab kaɗag uɗitteppanu, appan ban danab ele ag baula aɗaeg ooho, ag gona, Jodan le mataɗna, oolnu noak onig Jesril, appa ag haen tutu dayaknu aab kalappig.


Amu bekkunu amu, Moap dilag king Eklon nug Amon dilag okkai, Amalek dilag okkai ele, ag nug ehanidkkulagnu oɗ matte, ag oolag laippu dayom amunu, Eklon, nuhikkud daup, ag ele ag aakku Israel banelag gona, ban hena, Jeriko aoppig.


Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.


Solomon nug doyak, dabmak ena ele amu okkainab, aam bedeppanu doyak dabmak ena ele danab, amu dilag doyak oh eɗitta, Isip dilag doyak dabmak ena ele danab, amu dilag doyak oh ele eɗittom.


Haen amuppa amu Seba, Salmuna ele aa, ahilti ban danab 15,000 ele ag aab Karkor daappig. Ag, aria ban danab kaɗag uɗitteppanu, ag aakkuib appa bau daappig. Laa oh mauhadna malappig. Israel danab ag ban danab 120,000 am aqappig.


Aria, Jakop ukka ukka, nug danab ah wan laa aam bedeppa daatte, ag appa daatteb ele amu, nug wan amuppa ta,


Ag keeke eppaglag, amge ag meu ii aomna. Ag olip meu tappaglag, amge ag goɗen laa aon, beɗulagppa ii laidmana. Ag grep meu titiglag, amge ag wain aon, ii lamana.


laa ag uɗin, ee da eppami ele amu, ag aon lalob am elele, am tutukku. Ge, laa ag uɗin, ee da eppami ele, ag hiɗalob am elele, am tutukku.


Wan amuppan ban danab ag doɗ manan nalkad, ee ele oh lappeg, ag Israel, ag geha enug aqeb mauhkkulag. Ag ee aeg, wain bau, olip goɗen, makau nag laa, sipsip nag laa ele iinab uuppeg daakku amunu, ag nauhkkulag.


da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag.


Midian ag ɠagattag daan, ag Israel eheɗnab hattegeg, Israel ag oolna, qaukoppa goppig. Qaukoppa amu, ag daaglagnu aben teɗ bia bappaidna, wan, o men oɗe ele bappaidna, ag ele ban haknu aben ɠagattag ele bappaidna, aguppa daappig.


Ag haen tutu dayaknu aab wan amuppa kaladna, ag keh keeke, heeg nauha ukka, Gasa waum. Ag heeg, Israel ag aɗitai laa lakkulagnu iitta daappig. Ag ahilkad sipsip, makau, amu donki keeke, ag amu oh diippig.


Israel ag ele bannu keeke bapaidna daappig amunu, Israel dilag king nug nuhikkud ban danab onilagppa e uɗin qagmeeg, ag bannu keeke amu bapaidna ahan, Aram daappig, aben amu gukkuidna goppig. Ag gona, haen tutu dayaknu aab kalappig, amge ag ahilag huu amu okkai iitta, nakoknab, meeme huu aɗit bia daappig. Amge Aram ban danab ag am kuɗum huanaknab, aben oh ag aoeg ambe daappig.


Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.


Ag amu heppig amunu, gemu da heppi, kaɗag uɗitteppanu danab ag uɗin eɗadppeg, ag Amon danab ag ag eppelagppa daan, ahilag daaglag. Danab amu ag kaɗag uɗitteppanu uɗin, ag haen tutu dayaknu aab ag Amon danab oolagppa kalan daaglag. Ag peh lag ahilkad ag oolagppa qappan taiettan daaglag. Wan laappan danab amu ag ag Amon danab, ag ahilag ee, ahilag huh ele aon lakkulag.


nug ele bekkod laa, ag anilti am nug wauuɗ amge wauuɗnab iitta amu, nug aa bekkalti keeke ahilkad daakkunu hamu mattom. Matta malowa amu, nug ag nug bekka Aisak uuidna gokkulagnu a, ag laih kaɗag uɗitteppanu gona, wan amuppa daanna oippig.


Aria, dimppa amu Repidim appa Amalek ag banelag uɗin, Israel aqaglagnu heeg,


Aakku ib amuppa amu, Hiram nug Solomon oo dayom bia ad sida, ad pain ele awa mettom.


Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.


Nai imuam Kedar, amu Hasor dilag huu digdig, Babilon dilag king Nebukatnesar nug ahilagppa ban ha, ag eɗattom amu, ⌊nai imuam, amu ii beum haenppanu⌋ nai ahilagnu. Yawe Nug ahilagnu inam atte. “Ag Kedar danab ah, huu laala ag kaɗag uɗitteppanu daatteb ele amu, ag doyeg! Da, Yawe, da ⌊Nebukatnesar amegppa⌋ ami. ‘Na ahan, banelag gona, Kedar aqe! Ao, na danab kaɗag uɗitteppanu daatteb heppe, ag padal meig!’ ami.


na, ‘Ag Amon danab ah, ag Naɗi Yawenu nai doyeg!’ awona, na Naɗi Yawe Nug inam atte appe doyeg! ‘Haen kekeɗ ag uɗin heeg, dahil mettid lag nauhom, haen ag heeg, Israel wan oh nauhaknab dayom, haen ag heeg, Juda danab ah ag Babilon wanppa diia ukka laih me dayak danab ah daaglagnu goppig, haen amuppa diig amu ohnu ag Amon, ag oolag gamag ahe, “Enanag, ig oonig anamib hette,” appig.


Swiv nou:

Piblisite


Piblisite