Ikki Danab 4:5 - Nobonob Baibel

⁵ Nug ad pam laa onig Deborahnu Pam, nug ad pam amu waappa epeɗiak uɗat nuhig heum. Ad pam amuam Rama, Betel ele gamalahppa dayom. Rama, Betel ele amu Epraim wanppa, qauko qauko daattebppa daapiɗ. Am Israel danab ah ag appa uug ahilag babaitta, elele medakkunu gumidna godappig.

Ikki Danab 4:5 Referans Kwoze

Jeremaia 31:15

Yawe Nug inam atte. “Laa Rama appa gayeye dootteb. Ge, appa laa nug eheɗ gayaya, mahitte. Amuam Rahel, nug nid nuhikkud oh iitta meppig amunu, nug nid dilagnu gayaya, mahiadtte. Nug mahiatta gayeye, laa heeb, oo mekkunu uua daatte,” awa atte.

1 Samuel 1:1

Aria, anukkanab, danab laa, onig Elkana, nug dayom. Elkana nug am Israel dilag huu okkai onig Epraim, nug amunu ted, amu nuhig aab ikki am Sup. Amu Elkana nug Epraim wanppa, qauko qauko daattebppa, nug aben amuppa aab laa onig Rama, appa dayom. Elkana mameg am Jeroham. Jeroham mameg am Elihu. Elihu mameg am Tohu. Aria, Tohu mameg am Sup.

Josua 18:25

Josua aɗi ag aab laala ele ag madappig. Amuam Gibeon, Rama, Berot,

Josua 18:22

Betaraba, Semaraim, Betel,

Josua 16:2

Betel, onig laa Lus, appanu tom amu ukka, Atarot waum. Atarot am Ark danab dilag wannu tomppa dayom.

Eksodas 18:26

Nug otiatte, ag hanhan epeɗiak uɗat amu gumappig. Eheɗ hak, am nai nakok amu ele agib bappaidppig, amge eheɗ hak okkai amu, ag danab ah amu omaladna, Moses gumidna ukkaeg, nug babaittom.

Eksodas 18:19

Gemu da na uɗat nahip hekkutnu ulum nai laala appi, na doye! Da appi, na Kayak oɗe bia dookkut dayeb amu, na da attem bia hekkut. Na inam helom. Na Kayak noobppa danab ah dilag anuqak danab daanna, na ahilag uug amu aon, Nug amegppa akkut.

Eksodas 18:13

Aria, ag ee anam lawona, wagɗe deɗ amuppa amu, Moses nug dayaya, Israel danab ah ag uɗin, ahilag uug nug amegppa appeg, nug ahilag nai epeɗikkunu dayom. Danab ah kuɗum buttuanu digmena, Moses gumidna uɗiegeg ukka, tueb meum.

Genesis 35:8

Betel appa Rebekanu maɗi ah Deborah nug mauhe, ag ad ok laa Betel guguittak daatte ele, ag nug ad amu waappa, appa boumppig amunu, ag ad amu onig Alon Bakkut ataɗppig.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

1 Samuel 1:19

Aria, Hana nug anam daye, wagkkaɗe buttuanab ag ahan, Yawe noobppa dup nona binag mewona, ag eɗun, Rama goppig. Rama am ag appalag diig aakku. Ag gona daanna, Elkana nug Hana ele oieheh, Yawe Nug Hananu dabmaama he, Hana nug oo ele dayom. Nug oo ele daye ukke, nuhig haen uɗie, nug nid danab menuom. Nug menua, nug “Da Yawe nid imunu oɗ mettami,” awa aum amunu, nug onig Samuel ataɗom.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Ikki Danab 4:4

Aria, Deborah, Lapidot wau, nug propet ah laa daya, amu nug haen amuppa Israel dilagppa epeɗiak uɗat haaha dayom.

1 Samuel 22:6

Dawit nug eɗua, nug laih Juda dilagppa dayeye, deɗ laa Saul nug danab laa nug Dawit, nuhikkud ele ag adeppa daatteb anttomnu nai doyom. Saul aab Gibea guguittak, qauko nakok laa igippa ad tamarisk laa waappa dayom. Saul nug ban gudkkud eppegppa aɗa, dayak balalppa dayeye, nuhikkud ikki danab ag gukkuidna hippaidna talilidna daappig.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.