Ikki Danab 4:4 - Nobonob Baibel

⁴ Aria, Deborah, Lapidot wau, nug propet ah laa daya, amu nug haen amuppa Israel dilagppa epeɗiak uɗat haaha dayom.

Ikki Danab 4:4 Referans Kwoze

Luk 2:36

Aria, propet ah laa ele dayom am onig Ana. Nug kaino ma malom. Nug Aser buɗub, Panuel aɗeg. Anukka nug danab awe, gamu ele maɗ eblaih aɗitib daapiɗ.

2 King 22:14

King Josaia nug amelagppa haknunab nai amu mattie, mana mettak danab Hilkaia, Ahikam, Akbor, Sapan, Asaia ele oh gokkulagnu aum ele ag oh ahan, propet ah Hulda oɗ mettaglagnu goppig. Hulda nug Tikwa bekka Salum wau. Tikwa mameg am Harhas. Hulda gamu Salum nug kingnu lamen gumak danab dayom. Hulda nug Jerusalem appa, obatak ebqak aɗitppa dayom.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

1 Korint 11:5

Am ah laa nug unuqidkkunu, o propet nai mehuqkkunu haaha, ikki ii haut-tte amu, nug ele aakku laa nug ikki daatte, nug nuhigppa elele ii hette. Nug ikki ii haut-tte dayeb, ah nug ikki uɗug oh hoitte bia hette. Am uɗa nak ele.

Aposel 21:9

Nug am aɗekkud waɗele, ag danab ii diippig. Aɗekkud ag propet nai mehuqttappig.

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Nehemaia 6:14

Da anam doomi amunu, da Kayak inam unuqidmi. “O Kayak dahil, Tobia, Sanbalat ele dilah eheɗ hak, amu propet ah Noadiah, propet laala ele ag heppeg, da baɗak dookkulnu henan daappig amu, da na ahilag hak nau amu ele dabmenana, nob madakkutnu unuqidttem,” unuqidmi.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

Ikki Danab 4:5

Nug ad pam laa onig Deborahnu Pam, nug ad pam amu waappa epeɗiak uɗat nuhig heum. Ad pam amuam Rama, Betel ele gamalahppa dayom. Rama, Betel ele amu Epraim wanppa, qauko qauko daattebppa daapiɗ. Am Israel danab ah ag appa uug ahilag babaitta, elele medakkunu gumidna godappig.

Esekiel 13:17

Yawe Nug anam awowa, Nug nai tuɗitta aum. “Danab bekka, gemu Israel, nahipad danab ah, ag aɗelkad laala ag ahilag dabmakppanu aakkuib dimppa aɗi bekkunu nai mattinna, ‘Ig Kayaknu nai madittem,’ atteb. Ag amu attebnu amu, na ag neekkadna, uug naunab ahilagppa beeb anidkkulagnu propet nai mattinna,

Ikki Danab 5:1

Deɗ amuppa, Deborah, Abinoam bekka Barak ele aa ahi imu edapiɗ.