Ikki Danab 4:2 - Nobonob Baibel

² Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

Ikki Danab 4:2 Referans Kwoze

Ikki Danab 4:16

Barak, nuhikkud daup ele ag kekeɗ ban daup amu, ahilkad bannu karis ele lamadna gona, Haroset Hagoim teppig. Nug, nuhikkud ban daup ele ag Siseranu ban danab oh aqappig. Laippu laa uueg, bau ii dayom.

Ikki Danab 4:13

Ag aeg doya, Sisera nug nuhig bannu karis aenppa hak diia, ban danab ele onilagppa e, ag Haroset Hagoimnu ukka, Kison leppa batak uɗippig.

Josua 11:1

Haen Hasor dilag king, Jabin, nug kobol beum amu doya, nug oo qeqaɗak nai laa me, king imu dilagppa ukkom; Madon dilag king Jobab, Simron dilag king, amu Aksap dilag king ele.

Sam 83:9

O Kayak, amu oh ag eheɗ hekkulagnu atteb amu, na Midian danab ah eɗadme, na amubia eɗadkkutnu oɗ medattem. Ao, na Sisera, amu Jabin ele dilahppa Kison Leppa heme bia hena eɗadkkutnu unuqidttem.

1 Samuel 12:9

Amge ag Yawe, ahilag Kayak, ag Nug daulag atie, Yawe Nug he, Hasor dilag ban daup ikki Sisera, nuhikkud daup ele, amu Pilistia dilag daup, amu Moap dilag king, nuhikkud daup ele, ag oh haen anen anen uɗin, Israel ele ban henana, ag Israel eɗadppig.

Ikki Danab 10:7

Ag anam heppig amunu, Yawe Nug Israel dilag oo huana nauhe, Nug ag uuatte, Pilistia, Amon ele banppa eɗatteg, ag eppelagppa daaegeg,

Matyu 18:25

amge nug lonnu nob eɗukkunu elele iitta. Amunu king nug nuhikkud daup ag danab amu, ah nuhig, nug bekkod aɗekkud, amu nuhig keeke oh ele ee oɗiak abenppa maadppeg, danab laala ag daden meppeg, king nug amuppa lonnu nob eɗua aokkun aum.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Josua 19:36

Adama, Rama, Hasor,