Ikki Danab 3:9 - Nobonob Baibel

⁹ Amge, Israel ag Yawe ehanadkkunu gaaeg, Yawe Nug danab laa ag ehanatta, Kusan Risataim eppegppan eɗua diikkunu qappom. Nug onig am Otniel, nug am Kalep amag Kenas bekka.

Ikki Danab 3:9 Referans Kwoze

Ikki Danab 3:15

Anam daye amu, Israel ag Yawe ag ehanadkkunu baula gaaegeg, Yawe Nug danab laa ag ehanatta, Moap eppelagppanu eɗua diikkunu qappom. Nug onig amu Ehud. Nug Gera bekka; nug am Israel dilag huu okkai laa Benyamin, amuppan danab. Ehud nug am naneh danab. Am Israel ag Ehud meeg, Moap dilag king Eklon toppa ahilag en takis bia medakkunu ukkom.

Ikki Danab 1:13

Kalep nug anam aum amu, nug amag Kenas bekka Otniel nug aab amu eɗittom amunu, Kalep nug, nug aɗeg Aksa, Otniel wau daakkunu aakku nug mettom.

Ikki Danab 10:10

Israel ag amu anidna, ag dimppa Yawenu gaan appig. “Ig na, ihinig Kayak, ig na dimetata, ig kayak hambuppuak Bal iɗu iɗu waalagppa daat, ag oɗelag dim lamidmut. Ig amu hemut amunu, amuppa ig nahip-ppa hipunin hemut,” aon appig.

Ikki Danab 6:7

Midian danab ag anam heppig, diig amunu Israel ag Yawenu gaappig, haen amuppa,

Sam 22:5

Na ag ehanadkkutnu unuqidppig doona, na ag ehanatte, ag padal ii meppig. Yo, ag nahipnu oolagppa genab dooppig, amu na ag ehanatte, ag uɗalag ii neum.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

Ikki Danab 2:16

Amu dimppa Yawe Nug epeɗiak danab laa ag Israel danab ah ehanatteg, ag kekeɗ eppelagppa ii daamnanu tituanatta, ɠagattag matte, ag ehanatteg, Israel danab ah ag danab ag ban hena, danab aqadna, ahilkad keeke aotteb amu, ag ag eppelagppa ii daappig.

Sam 78:34

Haen laala Kayak Nug laa aqe amu, haen amuppa laa daappig ag Kayaknu dabmak dooglagnu meulag ohppa dabmena, ag oolag eɗue, Kayak toppa wappig.

Nehemaia 9:27

Ag nau amu oh heppig amunu, na uuatte, ahilkad kekeɗ ag eɗatteg, ag kekeɗ eppelagppa daappig. Daaegeg, kekeɗ ag eheɗ hadappig. Kekeɗ ag anam eheɗ hadappig, amge haen amuppa ag nahipnu gaaeg, hab attan, na appa daattem amu, appa na ahilag gayak doon, na ahilagnu oot bodoetta auta autanab awa, le me, na hee, ehanittak danab ahan heeg, ag ahilkad kekeɗ eppelagppa ii daappig.

1 Samuel 12:10

Kekeɗ ag Israel anam eɗatteg, Israel ag Yawe amegppa, ‘Ig na dim metat, ig kayak hambuppuak Bal, Astoret ele iɗu iɗu waalagppa daata, oɗelag dim lamidmut. Ig amu hemut amunu, ig hipunin hemut. Amge na ehanigna, kekeɗ ihinig eppelagppanu awigppe, ig naib waatppa daat, na oɗen dim lamidkkunig. Ig nahip kobolib hekkunig,’ aon appig.

Josua 15:17

Kalep nug anam aum amu, nug amag Kenas bekka Otniel nug aab amu eɗittom amunu, Kalep nug, nug aɗeg Aksa, Otniel wau daakkunu aakku nug mettom.

Ikki Danab 3:8

Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.

Ikki Danab 2:18

Am haen Yawe Nug epeɗiak danab laa Israel dilag qappom amu, nug epeɗiak danab amu ele daayya, epeɗiak danab amu nug bau dayaya oiyom, haen amu ohppa Yawe Nug danab ah ehanatte, ag kekeɗ eppelagppa ii daappig. Aɗinu Yawe Nug epeɗiak danab anam he beppig? Haen nuhikkud danab ah ag kekeɗ eppelagppa daaeg, kekeɗ ag eheɗ hattana, guittak mattegeg, ag gaaegeg, Yawe Nug nuhikkud danab ah dilagnu oo bodoetta le meum.