Ikki Danab 3:10 - Nobonob Baibel

¹⁰ Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

Ikki Danab 3:10 Referans Kwoze

1 Samuel 11:6

Ag aeg Saul doye, Kayak Ouɗi nuhigppa ɠagattag ele uɗie, Saul nug oo huana nauhom.

Ikki Danab 14:19

Aria, aakku Yawenu Ouɗi nuhigppa ɠagattag ele uɗie, nug aab Askelon noa, nug danab 30 aqe mauheg, ahilkad lamen keeke, aɗatta awa, nug ukka, lamen nug danab ag nuhig oɗmak, nuhig nob unuqagnab daatte ele, ag nai amunu nob meppig amu, nug ag mattom. Amge Samson nug kobol beum, nug amunu oo huana nauhe, nug appagppa anig mameg ele daaglagnu eɗua ukkom.

Ikki Danab 14:6

Haen amuppanab, Yawenu Ouɗi Samson nuhigppa ɠagattag ele uɗie, nug eppegppaib laion aɗa, he nauhom. Nug amu meeme nagppa hak bia uug iitta heum. Amge nug heum, nug amunu mameg o anig amelahppa ii mattiom.

Ikki Danab 13:25

Anam amu, Samson nug Mahane Dan appa, aab Sora, aab Estaol ele gamalahppa dayeye, appa Yawenu Ouɗi digma, Samson nug Yawenu uɗat hekkunu dabmak maɗettom.

Ikki Danab 11:29

Haen amuppa Yawenu Ouɗi Nug Jepta, nuhigppa uɗia a, Jepta nug daup ag Amon danab ele ban hekkulagnu dim lamidkkulagnu nug Gileat wan ooppa, Manase wan ooppa ele oiya oiya ukka, nug Gileat wanppa Mispa teum. Appanu nug Amon banelag ukkom.

Ikki Danab 6:34

Ag amu heeg amu, Yawenu Ouɗi Nug Gideon, nuhigppa uɗie, nug Abieser buɗub ag nug gumidna gona dim lamidna, banelag gona, ban hekkulagnu trampet ag onilagppa ekkunu iwalom.

2 Stori 15:1

Juda dilag daup ag eɗun, Jerusalem ukkaegeg, Kayak Ouɗi Nug Odet bekka Asaria, Nug nuhigppa uɗiom.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Hibru 6:4

Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

2 Stori 20:14

Ag anam daanna, Jehosapat nug unuqitte, Yawenu Ouɗi Nug Lewi buɗubppan mana mettak danab iitta, ag oolagppan laa onig Jahasiel, nuhigppa uɗiom. Jahasiel memetab anukkanu laa am Asap. Jehasiel nug Sekaraia bekka. Sekaraia nug Benaia bekka. Benaia nug Jeiel bekka. Jeiel nug Matania bekka.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 10:6

Ag anam hebeppeg anadna, Yawenu Ouɗi Nug ɠagattag ele nahip-ppa ukkeb, na ele propet nai madikkut. Amu na eɗun, danab laa daakkut.

Namba 27:18

Moses nug anam Yawe amegppa a amu, Nug Moses amegppa aum. “Da Ouɗil amu Nan bekka Josua, nuhigppa daatte amunu, nug onigppa eppe uɗiaɗ! Nug uɗieb amu, na heppe, nug mana mettak danab Eleasar, amu danab ah oh ele noolagppa hibaitta dayebeb, baɗ mette! Amu na anam hekkutnu amu, na nug aakku nahip aben aokku ippunattak henana, nug gukka laplap eppen mekkut.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Namba 11:25

Ag appa daaegeg amu, Yawe Nug lombig mettid haknu peh lag tonom ele amuppa no, Nug Moses ele nai madipiɗ. Amu anukka haen laappa Yawe Nug a, nuhig Ouɗi Moses ehanidkkunu nuhigppa dayaya ehanitte, amu gemu Nug baula a, nuhig Ouɗi Nug ikki danab 70 amu ahilagppa ukka dayeye, ag propet nai madippig, amge ag haen laippu aakkuib heppig.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Ikki Danab 3:8

Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.

Ikki Danab 3:11

Amunu maɗoɗ dayak maɗ 40 wan amuppa daye ukke, Kenas bekka Otniel mauhom.

1 Stori 12:18

Dawit nug ag amelagppa anam a, Amasai, nug haen amu dimugppa ban danab ɠagattag 30 dilag okkai dayom, nug danab uɗippig oolagppa dayeye, Kayak Ouɗi Nug Amasai, nuhigppa uɗie, nug aum. “O Dawit, ig am nahip danab. Ge, Jesi bekka, ig na ehanidkkunignu daattem. Kayak Nug na ehanidkku amunu, na maɗoɗ ele daakkut. Na, am laa ag na ehanidtteb, amu ele, ag maɗoɗ ele daaglag,” awa aum. Amasaia nug anam aum amunu, Dawit nug diiatta he, ag Dawitnu ban daup huu laala ikkilag daappig.

Ikki Danab 11:32

Jepta nug anam awowa, nug nuhig ban danab diie nona, Amon ele ban heeg, Yawe ehanitte, nug ag eɗattom.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

1 Samuel 10:10

Saul, amu nuhig maɗi nid ele aa Gibea goya teeheh, propet danab laala ag Saul uɗa teppig. Uɗa teeg, Kayak Ouɗi Nug Saul, nuhigppa ɠagattag ele uɗia he, Saul nug digme, ag ele propet nai madippig.